MALAKHAI 4
4
Youngwanpa Nyih Üyong
1Ütahpa Youngwanpawe inang, “Helangkatwongpu hüyange ümeng kahtalan tahjan kih-e khongkümpu jaklak tüopa nyih peiküki. Tüopa nyih me iman hahshulak, hüyange iman yalah jeyah üqui jeyah, towe tüohpu hango yenanglak. 2Hüpoi aowe ü-ngao jai numan jingne-a, numan tangme üyin ne tampu üngan wong wanghe kih-e ngaitamlak hüyange wanghe yateepu kih-e meitampu yah peilak. Numan lantampu ngohlak hüyange ükhok mepu taine tamwante mahu üha mongmeipu kih-e mongmeilak. 3Aope nyih Taowe toi linglakei, numan-e ümengpate okpu ngelak, hüyange iman-a numan yaphang me kahmak kih-e ngohlak.
4“Ü-shaoshanpa Mosawe nyüopu teih tüoyah, Israel kahtalan liliye jaiye jonlak jingne Taowe Sinai kahtangme hanghepa ngaokhüm hüyange ngaokeng Ite pha.
5 #
Mt 17.11; Mk 9.12. “Leihuyah, fajümlihlakpa hüyange Youngwanpa nyih üyong peishao me, Taowe numante Elijah hipa shonlak. 6#Lk 1.17.Hüyange tao pei-e kahmük te phoiwümpuwe ngoitam ya lakyang she, nyupalan kenmong jang hayimlan tangte hüyange hayimlan kenmongjang nyupalan tangte Iye lüpyene tamlak.”
Currently Selected:
MALAKHAI 4: KONYBSI
Highlight
Share
Copy
Want to have your highlights saved across all your devices? Sign up or sign in
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.
