Jakọbu Ìfáárà
Ìfáárà
A kọ ìwé Jakọbu sí àwọn Kristiani Júù láti jẹ́ kí wọn rí ìlànà àti ẹ̀kọ́ inú ìgbé ayé Kristi. Àwọn ìṣòro tó sọ̀rọ̀ lè ṣe àfihàn àwọn nǹkan tó ń dá wàhálà sílẹ̀ nílé Ọlọ́run. A kà nípa ìgbéraga, ìyara-ẹni-sọ́tọ̀, ìfẹ́kúfẹ̀ẹ́, ìwà àgàbàgebè, ìkóhun-ayé-léyà, àti ìṣọ̀rọ̀-ẹni-lẹ́yìn. Jakọbu kọ̀wé láti mú kí àtúnṣe kí ó wà lórí àwọn nǹkan búburú wọ̀nyí nípa ìfihàn pé ìgbàgbọ́ láìsí iṣẹ́ òkú ni (2.26); ó ń sọ pé ìjẹ́wọ́ ìgbàgbọ́ nìkan kò tó. Ìgbàgbọ́ tòótọ́ yóò mú ìgbé ayé rere wá bí igi rere yóò ṣe mú èso rere jáde yàtọ̀ sí ẹ̀gún èṣùṣú.
Jakọbu tẹnumọ́ ọn bí gbígbé ìgbé ayé Kristi ṣe jẹ́ pàtàkì tó láti fihàn bí ìgbàgbọ́ ènìyàn ṣe gbọdọ̀ jẹ́ tọkàntọkàn àti láti jẹ́ kí gbogbo ayé mọ̀ pé ìhìnrere máa ń yí ìgbé ayé ènìyàn padà. Bí ẹnikẹ́ni bá sọ pé Kristi ni òun tí ń kò sì rí ìyàtọ̀ nínú ayé rẹ̀, kò sàn ju aláìgbàgbọ́ lọ. Ní òtítọ́, ìhìnrere ń yí ìgbé ayé padà bí a bá fi ara wa fún Kristi, a ó sì rí i dájú pé láti inú ayé ìgbàgbọ́ ni ìfẹ́ tí kì í kú àti ìbùkún yóò tì sàn wá.
Kókó-ọ̀rọ̀
i. Ìgbé ayé Kristiani òtítọ́ 1.1-27.
ii. Àwùjọ Kristiani 2.1-13.
iii. Ìgbàgbọ́ àti iṣẹ́ 2.14-26.
iv. Ọ̀rọ̀ lórí kíkó ahọ́n ní ìjánu 3.1-18.
v. Ọ̀rọ̀ ìyànjú 4.1-17.
vi. Ìkìlọ̀ fún àwọn ọlọ́rọ̀ 5.1-6.
vii. Ọ̀rọ̀ ìyànjú ìgbẹ̀yìn 5.7-20.
Currently Selected:
Jakọbu Ìfáárà: YCB
Highlight
Share
Copy
Want to have your highlights saved across all your devices? Sign up or sign in
Bíbélì Mímọ́ ní Èdè Yorùbá Òde-Òní
Ẹ̀tọ́ àdàkọ © 2009, 2017 by Biblica, Inc.
A lò ó nípa ìgbàyọ̀ǹda láti ọwọ́ Bíbílíkà Inc. Ààbò lórí ẹ̀tọ́ àdàkọ yìí múlẹ̀ jákèjádò àgbáyé.
Yoruba Contemporary Bible
Copyright © 2009, 2017 by Biblica, Inc.®
Used by permission of Biblica, Inc.® All rights reserved worldwide.