Romans 9

1lyè ndo Kristi, i gèƋ ma nzura'a, i cèkèlma azɓai, ara Mèzhèɓ Zhiklè nkezla'a man a gi malwuƋi te ndav ga. 2Nlèyè mbia'a a kedyè, ndav ga a mbedè pèc pècèk. 3Ar, i woy a ta phomdyè, a ta kezle nga a Kristi, te di man a kramamhi ga te verzi Israel, gwoli ga. 4Tenga'a wud lsrael. N'njèlè a nderzlèma Zhiklè a tenga'a; ta ngots ma kita, a mizlinè Zhiklè a ma mpèsl rai.

5Bababhi nte verzi tenga'a. Te tenga'a Kristi a nshkè, man a gu ara ndo; nenga'a man a zhè a géƌ skwi tèlèba; nslébèrdè a Zhiklè a mèdèp. Amen. 6Aman i goƋ ara man wuƋi ma Zhiklè azɓi ka ɓai. Aman ndohi tèlèba man ta shkè te lsrael, ta ndohi lsrael nzura'a tèlè ka ɓai. 7Verzi Abraham, wud hwad gi tèlè ka ɓai.

Sèi ndo man a shkè te lsaac, ta baba na verzi ngaya,

8ara man: Wudahi Zhiklè, tenga'a ka ɓai, man ndo a yeka ta, aman sèi wudahi man ta yu te mpèsl rai, tenga'a verzi Abraham zura'a. 9Aman na haha ma mpèsl rai, man a gaƋa:

A pats nasa Sara a da ngècè kra ngura'a.

10A sam Rebecca arsa. Nenga"a a n'ngots kra: Isaac, Bab nga. 11Aman wudahi ta ye di ɓai, a taga skwi man ambaɓai a skwi man amba di ɓai ara man Zhiklè a hur a woya a ngia'a, 12a gèƋ man ndo a ngu ka ɓai, aman a gèƋ man Zhiklè a mbaba ta, 13ta gaƋa na a Rebecca:

Tsuvoma'a a da gi ɓèl níabawa'a,

ara âèlèwèrZhiklè a gaƋa:

l woy Jacob, aman i gi shèwa a Esau.

14Kos nga gèƋè kè? Zhiklè nzura'a ka ɓi dè? A'ai! 15Aman a ngaƋa na Moise:

Ndo man i va na pombai, i va na pombai. Ndo man a siyè te va, a siyè te va.

16Gar haha 'd gi azɓai a géƌ man ndo a woya`a, a géƌ man ndo a gi a wuƋi na, aman a géƌ Zhiklè man ndo a sia te va. 17Aman âèlèwèr Zhikiè a ngaƋa na Pharaon:

l ge ka, aman i ngrèdè wuƋi ga a sam ngaya, aman ta njè nzlembaƋ ga t'herkeda tèlèba.

18Gar haha ndo a sia te va, ara ndav nenga'a man a woya'a, a sassaya ndav ndo, ara man a woya'a. 19Wa ngiƌè ba, ka gaƌayè: Man ar haha, Zhiklè a ga ta ndzoan a ndohi èhèmè? Nslaha a nsala na va a di a Zhiklè wa?

20Ndo ga, ka wa, man ka woy a kin virslè a Zhiklè? Skwi nrama'a a gaƌa na ndo nroma: Ka gyè ar haha èhèmè, Ƌé?

21Ndo nrèm shiƋèf a gi skwi man a woya a rbasl ka ɓi Ƌè? A rèm ngiƋè mbela'a, a rèm ngiƋè ambalai. 22Gar haha kin gèƋè a géƋ Zhiklè kè? Zhiklè a woya a ngreda ndzoan a wuƋi nenga'a auda. Tenga'a man ta ngrédè ndzoan nenga'a auda, a zhèr ta genè, ha tiƋè sam man a gedassa'a;

23a n'ngreda n'njèl nenga'a mbia'a asam nga man nga siate va, man a til nga te va nshèlèkurhia'a a n'njèl na. 24Nga tenga'a man a baba nga te ndev ndohi Juif genè ka ɓai, aman te ndev ndohi nte deɓa ba. 25Ara man a goƋ te ma Osée:

I woy a i baba ta tenga'a ndohi ga, man hala'a ndohi ga ka ɓai, a i baba na nshib ga, man hala'a nshib ga ka ɓai. 26A sam man ta gaƋa ta: Kinè ndohi ga ka ɓai, ta da baba ta wudahi Zhiklè man a zhè a nshèffè.

27Esaie a bèhè a géƋ Israel:

Ko wudahi Israel ta mènè ara wyak a ma woyam mbia'a, sèi njèkèƋia'a kèshkata ta da mbél ta. 28Aman Bi Zhiklè a di a rufa skwi tèlèba man a huro, a géƋ herkeda tsam tsam.

29Ara man Esaie a goƌ hala'a:

Aman a matsa Zhiklè Biwuƌai a jèka nga tser nga zlèzlèa ɓai, ar nga lèmèlèmè ara SoƋome a Gomorrhe.

30Kos nga da gaƋ kè? Nga gèƋè aranta: Ndohi nte deɓa man ta woy ngizura'a ɓai, ta ngots ngizura'a ma. I gèƋ ma haha a géƋ ngizura'a man a shkè te ncè-a-ndav. 31Aman ndohi Israel ta hoss ma kita, man a ge ta a ndohi nzura'a; aman ta ngotso te nenga'a ɓai. 32Ehèmè? A géƌ man ta woya te ncè-a-ndav ka ɓai, aman ta woya a skwi man ta gia'a. Kwa ntse sak a ntsama ta sak, 33ara man ƌèlèwèr Zhiklè a gaƌa:

Na haha, i geda kwa ntse sak ndo te Sion, a za man a slafaƌama ta sak. Ko wawa man a cè a ndav na, a ngècè hori a di azɓai.

Currently Selected:

Romans 9: MAFNT

Highlight

Copy