Romans 8

1Anai Zhiklè a phomde ta ndohi man ta te Yèsu Kristi, asaɓai 2A géƌ man ma kita Mèzhèɓ Zhiklè man a vi nshèffè te Yèsu Kristi, a mpreka ka auda te ma kita mali ma, man a da na ma a m'metsai.

3Skwi man ma kita Zhiklè a slaha a ngia ɓai, te man wuƋi na azɓai a géƌ ndo, Zhiklè a ngau, aman a zlindkoƋi kra nenga'a a géƋ malai, a n'nga'a lèmèlèmè ara ndo. Zhiklè a phomde mali te ndo; 4a nga slaha nga gi skwi man ma kita Zhiklè a goƋ, man Mèzhèɓ Zhiklè a de nga, man nga jèjèr ntétékè nte va nga azɓai.

5Aman ndohi man ta nzi ara nyakaƋ ta, ta hér ntétékè nte gaƋa va ta. Aman ndohi man Mèzhèɓ Zhiklè a de ta, ta hér skwi Mèzhèɓ. 6Skwi man ndohi ta hérè'a, a da na ma a m'metsai. Skwi man Mèzhèɓ a hérè'a, a da na ma a nshèffè, a gumai. 7Aman skwi man ndo a hérè'a ara nyakaƋ na, nenga'a mayam Zhiklè, a fi gèƋ a ma kita Zhiklè azɓai, a slaha ɓai. 8Aman ndohi man ta jèjèr ntétékè nte va tenga'a, ta ambaba Zhiklè ɓai.

9Aman kinè, kin nzi aranta azɓai, kin nzi te Mèzhèɓ Zhiklè, te man Mèzhèɓ Kristi a zhè te ndav kinè. Aman ndo man a ngatsa Mèzhèɓ Kristi ɓai, nenga'a ndo Kristi ka ɓai. 10Aman Kristi a zhè te ndav kinè, ko va kinè m'metsa a géƋ malai, aman Mèzhèɓ a mva kinè nshèffè a géƋ man kin ga'a a ndohi nzura'a. 11Aman Mèzhèɓ Zhiklè man a slambaƋdeko Yèsu auda te ndev ndohi m'metsa'a a zhè te ndav kinè, Zhiklè man a slambaƋdeko Yèsu auda te ndev ndohi m'metsa'a a da vi nshèffè a va kinè man t'hwaƋ m'metsai, te Mèzhèɓ nenga'a man a nzi te ndav kinè.

12Gar haha dalahimam ga, skwi hala'a a slaha nga ɓai, nga jèjèr ntétéké nte va nga ndèzl azɓai. 13Aman kin jejèr ntétékè nte va kinè, kin da metsi kinè. Aman kin gedassa ntétékè nte va kinè a Mèzhèɓ, kin da nzi a nshèffè. 14Ndohi tèlèba man Mèzhèɓ Zhiklè a de ta, tenga'a wud Zhiklè. 15Aman kin ngatsa Mèzhèɓ man a ga kinè ɓèlè ɓai, a kih gi zlau. Aman kin ngotso Mèzhèɓ man a ndeda kinè a wudahi Zhiklè man kin baba na Zhiklè: Abba, Bab nga!

16Mèzhèɓ Zhiklè a ri na a gi malwuƋi a Mèzhèɓ te ndav nga, aman nga wudahi Zhiklè. 17Aman nga wudahi na, nga ndohi man, ta ngècè skwi Zhiklè a nda Kristi; aman nga si matakwan a nda nenga'a antanta, nga da ngècè n'njèlè nenga'a te deɓa'a. 18Aman i huro, aman nga lèmdè matakwan man nga sia a géƌ herkeda haha, a n'njèlè te deɓa'a te zhiklè te gèƌè'a man a zhèr nga, matakwan sa ara skwi ambalai.

19Aman skwi man Zhiklè a gu tèlèba a zhèrè'a, aman n'njèl wudahi Zhiklè a gedkaƌauda. 20Aman skwi tèlèba a n'nde na a skwa ambalai (a gèƌ man nenga'a a woya ka ɓai, a géƌ man Zhiklè a woya'a). 21Aman nga zhérè te ndav, a da shkè auda te skwi man a gedassa'a, man a dzawa'a, a ngècè n'njèlè a var a man mpra'a wudahi Zhiklè.

22Nga suna, skwi tèlèba, ha antanta, a ƌish va, ara ngwoz man a yi kra. 23Aman nenga'a genè ka ɓai; aman nga ba, tsuvomhia'a man nga ngots Mèzhèɓ Zhiklè, nga ƌishè'a, a nga zhèrè ha pats man Zhiklè a ge nga a wud na, a mpra va nga tèlèba ma. 24Aman nga mbel nga ma; aman te nzhèr skwia dai. Skwi man nga rka ma, nenga'a skwi man nga zhèrè asaɓai. Aman skwi man ndo a rka ma, a zhèrè za ƌè? 25Aman nga zhèr skwi te ndav, man nga rka a di di ɓai, nga nza a nga zhèrè genè.

26Lèmèlèmè Mèzhèɓ a takaha nga, te man wuƋi nga azɓai. Nga sun ntsi ri ara man ambaba Zhiklè ɓai, aman Mèzhèɓ Zhiklè a ri na a tsi rai te di man a nga, a kuƋi te ndav nga. 27Aman Zhiklè man a wuzhè ndav ndo, a sun skwi man Mèzhèɓ Zhiklè a woya'a, te man nenga'a a nza ta a deɓa a ndohi nkezla'a, ara man Zhiklè a woya'a. 28Aman nga suna, skwi tèlèba ta mbi a ma a ngi amba a sam tenga'a man ta woy Zhiklè a ndav ta, a sam tenga'a man Zhiklè a mpar ta, ara man a huro hala'a.

29Zhiklè a sen ta ndohi na, aman ta az di ɓai, a mpau saba tenga'a nshèlèkura'a, aman ta gi lèmèlèmè ara kra nenga'a, a nenga'a a gi a tsuvoma'a te va kramamhi kumba. 30Ndohi man a mpau saba tenga'a aranta, a mbaba ta. Ndohi man a mbaba ta, a ge ta a ndohi nzura'a. Ndohi man a nge ta a ndohi nzura'a, a mva ta n'njèl na. 31Nga da gèƋè a va kè? Aman Zniklè a zhè a nda nga, nda sala nga va a di wa? 32Nenga'a a ntsotskava kra nenga'a ɓai, aman a mvau a géƋ nga tèlèba, a da va nga skwi tèlèba a nda nenga'a azɓi Ƌè?

33Nwoya man a pin ta ndohi man Zhiklè a mpar ta wa? Zhiklè, nenga'a a nge ta a ndohi nzura'a. 34Nslaha a mbèzlè kita wa? Kristi, nenga'a man a mets na za'a man a slambaƋkaƋauda te ndev ndohi m'metsa'a, man a nzi te civèƋ ri mandi Zhiklè, a nza nga a deɓa. 35Nslaha a nkezle nga te mwoy-ndo Kristi mè? Matakwan a zlau dè, Ƌè man ta paraha nga Ƌè, Ƌè mi Ƌè, Ƌè n'nzi adi dè, Ƌè skwi mvvuƋitpa dè, Ƌè kafahi gwèsh dè? 36Ara man âèlèwèr Zhiklè a gaƋa:

A géƌ ngaya ta keƌ nga pèc pècèk, ta pe nga a tambakihi man ta zlama ta da'ai.

37Aman te skwi haha tèlèba nga gi a ngula'a, a fena ndohi n'ngul skwi tèlèba, te Yèsu man a woy nga a ndav na. 38l sun a vava, ko m'metsai, ko nshèffè, ko golahi Zhiklè, ko bihai, ko skwi man a zhè a gèƋ herkeda antanta, ko skwi man a di a shkè, ko wuƋihai, 39ko skwi nte gèƌè'a, ko skwi nte goƋok, ko skwi mèmè a slaha man a nkezle nga te mwoy-ndo Zhiklè ɓai, man a zhè te Kristi Yèsu, Bi nga.

Currently Selected:

Romans 8: MAFNT

Highlight

Copy