Romans 6

1Kos nga gèƋè kè? Sèi nga gi mali a ma ma, a pombi Zhiklè a ngredè auda holhola'a Ƌè? 2A'ai! Nga, man nga mets nga a sam mali ma, nga slaha nga gi mali a ma ma Ƌè? 3Kin sun ɓi Ƌè, ko wawa man ta ga na baptême a nzlembaƌ Yèsu Kristi, ta humda a m'metsi nenga'a. 4Gar haha te baptême, nara man ta re nga a vèvèƌ a nda nenga'a. Aman lèmèlèmè ara Kristi a nslambaƌkaƌauda te va ndohi m'metsa'a, a sam n'njèl Bab na, lèmèîèmè nga, sèi nga Ƌè te nshèffè mɓua'a.

5Aman nga metsa a nda nenga'a, nga slambaƌkaƌauda lèmèlèmè a nda nenga'a. 6Aman nga suna, nshèffè nga nzlèzlèa ngezlala a Yèsu, aman mali nga a ndev na, a nga gi ɓèl mali a ma ma asaɓai. 7Ndo m'metsa'a anai a gi mali asaɓai.

8Aman nga mets nga a Kristi, nga co a ndav nga, nga da nzi a nshèffè a nda nenga'a. 9Aman nga suna, Kristi a nslambaƌkaƌauda te va ndohi m'metsa'a, anai a metsi a gi bi a gèƌ nenga'a asaɓai. 10M'metsi nenga'a man a mets na a gèƌ malai, sak staƌgenè, te deɓa'a klèng, nshèffè nenga'a man a nzi a vna, man a Zhiklè. 11Gar haha kinè ba, varka va kinè ara man a mets na a sam mali ma, a kin nzi a nshèffè man a Zhiklè te Yèsu Kristi.

12Gar haha malai da gu bi te va kine, man adi a metsi na, asaɓai, a kin dzodzor ntétékè nenga'a ɓai! 13Kin pa na nfèfèn va kinè a malai a ngi skwi ambaɓia'a a vna ɓai! Aman vavau va kinè a Bi Zhiklè a ri kinè, ara ndohi m'metsa'a, man antanta ta zhè a nshèffè. Vapa na nfèfèn va kinè a Zhiklè a ngi skwi nzura'a a vna. 14Malai a slaha a nda gi bi kinè asaɓai, te man kinè t'hwaƌ ma kita Zhiklè ka ɓai, aman kinè t'hwaƌ pombai.

15Kos ani kè? Aman nga t'hwaƌ ma kita ɓai, nga t'hwaƌ pombi ma, nga gi mali za ƌè? 16Azɓai! Kin sun ɓi Ƌè, a sam ndo man kin fi gèƋ a ma nenga'a, kin gi ɓèl nenga'a. Gar malai, man adè a m'metsai, gar nfi gèƋ man a Ƌè a ngizura'a.

17Aman nga shid gèƋa Zhiklè, kinè man ɓèlèlihi mali te va nasa, kin fu gèƋ a ndav tèlè a ma man ta njè kinè. 18Kin pra te ri mali ma, a kin ga a ɓèlèlihi skwi nzura'a.

19I gèƋ ma ara ndohai man ta gèƋè'a. Lèmèlèmè ara man kin vau nfèfèn va kinè a ɓèlèlihi skwi nlizhèa, skwi ambaɓia'a, man ta gi mphömè a vna, lèmèlèmè antanta vavau nfèfèn va kinè a ɓèlèlihi ngizura'a, a nshèffè nkezla'a

20Te va man kinè ɓèlèlihi malai, skwi nzura'a az a sam kinè ɓai, kin ngats mè? 21Skwi mar antanta kin gi hori a géƋè'a. Aman n'ndikèma nenga'a, m'metsai. 22Aman antanta, kin pra te mali ma, a kin gi ɓèlèlihi Zhiklè, skwi ntul kinè, nshèffè nkezla'a. N'ndikèma nenga'a, nshèffè a mèdèp. 23Skwi ntul malai, m'metsai. Aman skwi man nga ngècè te ri Bi Zhiklè, ambalai, nshèffè a mèdèp te Kristi Yèsu, Bi nga.

Currently Selected:

Romans 6: MAFNT

Highlight

Copy