Romans 12
12
1Dalahimam ga, anai i bid kinè a géƋ man ndo a si Zhiklè te va: vavau va kinè a skwi man kin va na Zhiklè, man nshèffè te pa, nkezla'a, ambaba Zhiklè. Nasa mizlinè Zhiklè nzura'a! 2Kin gu lèmèlèmè ara ndohi herkeda sata ɓai, aman vagu aman nhér gèƌ kinè a gi a mɓua'a, aman kin slaha a kin Ƌèl skwi man Zhiklè a woya'a, ara skwi man amba a skwi mbela'a a skwi njèlèlè'a.
3Aman te pombi man Zhiklè a mvayè, i gaƋa kinè staƋ staƋtèlèba, aman kin gra gèƌ kinè ɓai, a kin gaƌa: I mbia'a, i fena'a. Aman staƋ staƋ da nza a maya maya, staƋ staƋ te skwi man Zhiklè a mva na te ncè-a-ndav.
4Aman lèmèlèmè ara man nga ngots nfèfèn va kumba te va staƋ, aman nfèfèn va tèlèba ta gi mizlinè nstaƌgenè ka ɓai, 5ara man nga kumba, va staƋ te Kristi. Aman te va nga, nfèfèn va tsaƋ tsaƋ, ngiƋè ngiƋè. 6Maya nga tsaƋ tsaƋ, ara man pombi Zhiklè a mva nga. Ndo man a ngats mizlinè nhèƌè ma, da gu te ncè-a-ndav, ara man a ngotso.
7Ndo man a ngatsa mizlinè Zhiklè, da gu mizlinè Zhiklè. Ndo man a jènga ta ndohai, da gu mizlinè njèngè. 8Ndo man a slaha a ngatsa na maya a ndo, da ngatsa na maya a ndo. Ndo man a vi skwi a ndo, da vau a ndav amba. Ndo man a gi bai, da gau a maya maya. Ndo man ndo a sia te va, da gu a mwuffè.
9Vawoy ndo a vava, a n'ngwèdè ndo ka ɓai! Vagu shèwa a skwi man ambaɓai, vazleɓ a va a skwi manamba! 10Vawoy kramam kinè, ngiƋè a ngiƋe, ngiƋè a ngiƋè, a ndav tèlè! Valèɓèslè a va kinè, ngiƋè a sam ngiƋè, ngiƋè a sam ngiƋè! 11Te skwi man sèi kin gia ndèzl, kin gu wudar te pa ɓai! Mèzhèɓ kinè da vatsa ara vogwa. Vagu mizlinè Bi Zhiklè! 12Vawuffa te nzhèrè te ndav, vozhor skwi a dai te matakwan, vatsu rai, kin ndeva ɓai! 13Vatakaha ta ndohi Zhiklè te skwi tenga'a mwuƋitpa. Vafeda ndo a gai. 14Ndohi man ta paraha kinè, vapshè ta ma! Vapshè ta ma, kin phomde ta ɓai!
15Vawuffa a nda tenga'a man ta wuffè, vakuƋau a nda tenga'a man ta kuƋai. 16Vahur skwi a ndav staƋ. Kin woy mizlinè mbia genè ɓai, aman vawoy mizlinè nkèshè ba. Kin hur te ndav kinè a ri kinè ɓai a kin gaƋa: Nga ndohi maya. 17Ndo man a ga kinè skwi ambaɓia'a, kin pela na a skwi ambaɓia ɓai! Vagau skwi man amba a ndohi tèlèba. 18Man a gai, vanza a gumai a nda ndohi tèlèba. 19Dalahimam ga, kin pulko di man a kinè auda a ri kinè ɓai, aman vajèka na a ri a Zhiklè. Aman a sam ngiƋè Ƌèlèwèr Zhiklè a gaƋa:
Mpil gèƋ, iyè mpilè'a. I woy a i pela na di man a ndo, Bai Zhiklè a gaƋa. A sam ngiƋè a gaƋa:
20Aman mi a kede ndo mayam ngaya, va na skwi n'ndai! Aman iyam a dza na, va na iyam nsai! Aman ka gi arsa, hori a da keƌda pa.
21Skwi ambaɓia'a da gu ngul ngaya ɓai gu ngul skwi man ambaɓai a skwi man amba!
Currently Selected:
Romans 12: MAFNT
Highlight
Share
Copy
Want to have your highlights saved across all your devices? Sign up or sign in
Mofa New Testament © The Bible Society of Cameroun, 1989
