Romans 10
10
1Dalahimam ga, i woya a ndav ga, a i tsi ri a Zhiklè a géƋ Israel, aman ta mbel ta. 2Aman ma malwuƋi ga a géƋ tenga'a: ta woy Zhiklè, a ta gi gazawa a géƋè'a, aman gazawa nzura ka ɓai. 3Aman ta rka ngizura'a Zhiklè ɓai, a ta woy a ta zlècèdè ngizura'a tenga'a a ri ta. Ar haha ta manda gèƋ ta a hi ɓai a sam ngizura'a Zhiklè. 4Te Kristi ma kita a n'ndev na; ko wawa man a cè nenga'a a ndav, n'nga'a a ndo nzura'a. 5Moise a mwindo ma ngizura'a man a zhè te ma kita Zhiklè aranta:
Ndo man a gi skwi haha, a di a nzi a nshèffè a vna.
6Aman ngizura'a te ncè-a-ndav a gèƋè ar haha:
Ka goƋ te ndav ngay ɓai: ndè zhiklè wa? ara man a woya a ncko Kristi a hai; 7ndè vèvèƋ wa? ara man a woya a ncko Kristi auda te ndev ndohi m'metsa'a.
8Aman a gaƋ kè?
Ma a zhè ndul ndul, na zhè te ma ngaya, te ndav ngaya.
Na haha ma ncè-a-ndav man nga njè'a. 9Aman ka ngreda a ma ngaya, Yèsu nenga'a Bai, a ka cè a ndav ngaya, Zhiklè a nslambaƋda te ndev ndohi m'metsa'a, ka da mbél ngaya. 10Aman ndo man a cè a ndav a vava, a ngècè ngizura'a; a ndo man a ngrédè'a a ma na, a mbel na. Ara man Ƌèlèwèr Zhiklè a gaƋa:
11Ndo man a cè a ndav na, a ngècè hori a di azɓai.
12A haha tsaƋ tsaƋ azɓai, ko ndohi Juif, ko ndohi man Juif ka ɓai. A géƋ tenga'a tèlèba Bi staƋgenè, ndo mèshèlè a géƋ ndohi tèlèba man ta baba na a nzlembaƋ na.
13Aman ko wawa man a baba na nzlembaƋ Bi Zhiklè, a da mbel na.
14Aman ta da bèhè nzlembaƋ ngè, man ta ca a ndav ɓai. Ta da cè a ndav wa, man ta tsena ma nenga'a di ɓai? Ta cinè mè, man ndo a nslebda ta ɓai? 15Aman ta slaha ta njè Ƌè, aman ndo a zlinde ta ɓai? Ara man Ƌèlèwèr Zhiklè a gaƋa:
' Sak tenga'a mbikaɓai, man ta njè ma mbela'a.
16Aman tèlèba ta fa na gèƋ a ma mbela'a ɓai. Aman Esaie a gaƋa:
Bai, a nco njèma nga a ndav wa?
17Gar haha ncè-a-ndav a shke te njèma, njèma a shkè te ma Kristi. 18Aman i gaƋa:
Ta tsena ɓi Ƌè? Halau, ma tenga'a nslha'a, a nzlazlama t'herkeda tèlèba, ha ndè a verzi herkeda.
19Aman i gaƌa: Israel a sun ɓi ƌè? Nshèlèkura'a Moise a gaƋa:
I da poko kinè gèƋ auda a srak a gèƋ ndohi man ndohi ga ka ɓai, a i gi man kin gi ndav a gèƋ ndohi man maya ta azɓai.
20Aman Esaie a ngu zlau ɓai, man a gaƋa:
Ndohi man ta woy iyè ɓai, ta ngatsyè, a i gudoko ta va a tenga'a man ta dzhadyè ɓai.
21Aman a ngaƋa na lsrael:
I pelaha ri ga pèc pècèk daga prèk, ha dakwad, a sam ndohi man ta tsena gèƋ ɓai, a ta menday ma a deɓa.
Currently Selected:
Romans 10: MAFNT
Highlight
Share
Copy
Want to have your highlights saved across all your devices? Sign up or sign in
Mofa New Testament © The Bible Society of Cameroun, 1989
