Matthew 10

1Yèsu a mbaba ta golahi nenga'a 12 a sam na, a mva ta wuƋai a géƋ mèzhèɓhi ambaɓihia'a, aman ta dzar ta auda, aman ta mbel ta ndohi te matakwan a skwi ndzi tsaƋ tsaƋ tèlèba. 2NzlembaƋ ndohi sak 12, ta haha: Nshèlèkura'a Simon, man ta baba na Pierre; a André, kramam na; Jacques, kra Zébédée, a Jean, kramam na. 3Philippe a Barthélemy; Thomas a Matthieu, ndo ncèkèlè skwai; Jacques, kra Alphée; a Thaddée. 4Simon, ndo Cana, a Judas Iscariot, man a nga na ri a gèƌ Yèsu. 5Ta 12 haha, Yèsu a nzlinde ta, a mfa ta ma a gèƋ, a ngaƋa ta:

Kin do a civèƋ ndohi herkeda ɓai! Kin do a kokwar ndohi Samarie ɓai! 6Aman vodo a sam tambakhi te gi Israel, man ta zlak ta. 7Vodo, vanjè ta ma Zhiklè, vagaƋa ta: Kokwar-Bi-Zhiklè a zhè ndul ndul. 8Vambel ta ndohi matakwan, vasud ta ndohi hutsod, vaslambaƋde ta ndohi m'metsa'a, vadzar ta madzagihi auda! Kin ngots ambalai, vava ta ambali ba. 9Kin helda guro a verzhègenè a suli a ri ɓai, 10kin helda gozhèm a ri ɓai, kin hul maslaka cèw ɓai, kotokoroh ka ɓai, a gaƋa ka ɓai. Aman ndo mizlinè sèi a ngècè skwi n'ndi na.

11Aman te kokwar mbia'a, te kokwar nkèshè'a, ko ahngwa ahngwa man kin dè a pa, vodzhoƌo ndo nlèɓèslè'a, a kin nzi a sam na, ha pats man kin jèkeda za'a, a kin dè a ma ma. 12Aman kin dè a gai, vaga na mbali dai. 13Aman ndo nlèɓèslè'a, gumi kinè a dè a gi sa. Aman ndo nlèɓèslè ɓai, gumi kinè a shkè a deɓa a gèƌ kinè.

14Aman ta cè kinè azɓai, a ta tsena ma kinè ɓai, vodo kinè, vatassa lokotor a sak kinè. 15I gaƌa kinè a vava: a pats kita, kita kokwar haha a da fena kita SoƋome a Gomorrhe. 16Na haha i zlinde kinè ara tambakihai a ndev kdadidakhai. Gar haha vagu maya ara zhüzhokihai, valèɓèslè ara nkuƌhomhai. 17Vagu maya a géƌ kinè a sam ndohai. Ta da va kinè a sam ncènima, ta da ndah kinè te ginjèngèma tenga'a.

18Ta de kinè a sam bihi mbibihia, a, a sam bihi nkèshèhia'a, a géƌ ga, aman kin gi a ndohi malwuƌihi a sam tenga'a, a sam ndohi herkeda. 19Aman ta de kinè a sam kita, kin hur gèƌ ɓai a géƌ ma man kin da gaƌa ta. Aman kin da ngècè ma man kin gèƌè'a, a sama'a. 20Aman kinè, a ndè gèƌè ka ɓai, aman Mèzhèɓ Bab kinè man a gèƌè te ndav kinè.

21Ndohi ta da vi kramamhi ta a m'metsai; bab a da vi kra na, a wudahi ta da slèmbèƋè a gèƋ a bab ta a mam ta, a ta da bazl ta. 22Tèlèba ta da gi shèwa a kinè, a géƋ nzlembaƋ ga. Aman nenga'a man a de a ma ma a slagama, ha skwi a ndev na, a mbél na. 23Aman ta da paraha kinè te kokwar staƋ, vahu kinè a kokwar ngiƋè. Aman i gaƋa kinè a vava, kin ndikeda kokwar Israel tèlèba azɓai, ha Kra-ndo a mshkè ma.

24Ndo nslebi skwai a fena ndo n'ngra na azɓai; ɓèlè ba a fena babgi nenga'a azɓai. 25A slra aman ndo nslebi skwai a gi lèmèlèmè ara ndo n'ngra na, a ɓèlè ara babgi na. Aman ta baba na babgi a nzlembaƋ Béelzebul, holhola'a ndohi gi nenga'a arsa.

26Kin gu zlau tenga'a ɓai! Skwi n'ngheda, a azɓai, man a di a ngrédè auda azɓai; skwi man ta gu a metsar azɓai, man ndo a di a shinè azɓai. 27Skwi man i gaƋa kinè te ruva, vagoƋa a di pats! Skwi man kin tsena a zlembaƋ kinè, vangreda auda a dala! 28Kin gu zlau tenga'a man ta keƋa va kinè ɓai; aman ta slaha ta zede nshèffè kinè azɓai. Aman vagu zlau nenga'a nshèlèkura'a, man a slaha a ngédèshè nshèffè a va kinè cèw ba a sam vogwa kita.

29Ta prè shishihi cèw a suli staƋ ka ɓi Ƌè? Aman ko staƋ a kèlèhi a herkeda azɓai, aman Bab kinè a sun ɓai. 30Ko gwots gèƋ kinè n'ngra'a tèlèba. 31Ani haha kin gu zlau ɓai; kin fena shishihi kumba. 32Ko wawa man a ngredyè auda a sam ndohai, i ngrédè nenga'a a sam bab ga, man a zhè te zhiklè. 33Aman ko wawa man a gi ara man a senyè ɓai a sam ndohai, i ba i gi ara man i sun nenga'a ɓai a sam Bab ga, man a zhè te zhiklè.

34Kin hur a kin gaƋa, i shkè aman i ckoƋi gumi a herkeda ɓai. I shkè aman i ckoƋi gumi ka ɓai; i shkè, aman i ckoƋi kafahi gwesh. 35I shkè, aman i kezli gèƋ a nda kra a bab na, dema'a a mam na, ngwoz kra a mam baki na, 36ndohi gi na, mayamhi na.

37Ndo man a woy bab na a mam na, a fena iyè, nenga'a ndo ga ka ɓai. Ndo man a woy kra na a dem na, a fena iyè, nenga'a ndo ga ka ɓai. 38Ndo man a zhüɓ wof ngézlèl na azɓai, a ndzadzarkayè, nenga'a ndo ga ka ɓai. 39Ndo man a mbel nshèffè naari na, nshèffè nenga'a a zi na. Ndo man a zede nshèffè na a gèƌ ga, a ngècè'a te deɓa'a.

40Ndo man a ce kinè, a cyè; ndo man a cyè, a ce nenga'a man a zlindekayè. 41Ndo man a ce ndo nhadka ma a géƋ man nenga'a ndo nhadka ma, a ngècè skwi ntul ndo nhadka ma. Ndo man a cè ndo nzura'a a géƋ man nenga'a ndo nzura'a, a ngècè skwi ntul ndo nzura' a. 42Ko wawa man a ɓala na iyam nkéƌècè'a a ndo nkèshèa staƋ haha, a géƋ man nenga'a gol Yèsu, a vava i gaƋa kinè, skwi ntul nenga'a a zi azɓai.

Currently Selected:

Matthew 10: MAFNT

Highlight

Copy