Acts 24

1Te deɓ m'mèn zlam, Ananias, bi ndohi mvi skwi a Zhiklè, a ndohi nhala'a, a Tertulle, ndo ngèƋ ma, ta shkèhai, a ta zlatsa a sam ngomna, aman ta pin Paul. 2Aman ta baba na Paul, Tertulle a hüno man a pin Paul, a ngaƋa:

Félix man amba! Nga nza a gumai a sam ngaya, a géƋ man ka gu skwi man amba kumba a sam ndohi kokwar haha, 3a ka tila kokwar haha a mizlinè ngaya, a nga shid gèƋ a vna pèc pècèk. 4Nga vakeda ka a hi azɓai, a nga tsi ri a ka, aman ka tsena ma nga kètè.

5Nga ngots ndo haha, a gedassa kokwar, a gi nrubai te ndev ndohi Juif, a gèƌ herkeda tèlèba; ndo ncè ta ma ndohi te gi njèngè Nazarée, 6a woya a nlizhè gi Zhiklè ba, a nga gso. 8Ka slaha ka shinƋè skwi haha tèlèba a sam nen ga'a, a géƌ mè nga pinè'a, aman ka woya'a.

9A ndohi Juif ba ta da na va, a ta gaƌa:

Narsa gokwèn!

10Aman ngomna a ngeda na ri a Paul, man a gèƋè, a Paul a m'mbeƋa na a ma:

I suna, ka ndo kita ndohi haha mvi kumba, a i woy man i tsoko gèƋ ga auda a mwuffè. 11Ka slaha ka shinè'a a ri ngaya. A fena m'mèn 12 azɓai, a i do a kokwar Jérusalem, aman i tsi rai. 12Ta ngatsyè te gi Zhiklè ɓai, a i tsa tsaval a ndo ɓai, i ruba te ndev ndohi ɓai, ko te gi njèngè ma Zhiklè, ko te kokwar. 13A ta slaha ta ngreda ma tenga'a man ta pinyè a géƋè'a, a malwuƋi ɓai.

14Aman i ngreda a sam ngaya, i gi mizlinè Zhiklè babhi nga arsa a civèƋ Zhiklè mɓua'a haha (man ta baba na njèngè Zhiklè tsaƋ), a i co ma tèlèba a ndav ga, man ta windo te Ƌèlèwèr ma kita Zhiklè a ndohi nhadka ma, 15a i zhèr skwi te ndav te ri Zhiklè, lèmèlèmè ara tenga'a; aman ndohi m'metsa'a a di ta slambaƋkaƋauda, ndohi nzura'a a ndohi malihi cèw ba. 16Te deɓa'a i ba i shinƋè aman mèzhèɓ ndav ga amba pèc pècèk a sam Zhiklè, a sam ndohai.

17Aman te deɓ mvi kumba i shkè, a i cèkè skwi a ndohi ga, a i va na skwi a Zhiklè. 18A ta ngatsyè a pa, aman i til ndav ga te gi Zhiklè, a nhèzlèwè ka ɓai, a nrubi ka ɓai. 19Ndohi Juif ngiƌè kètè ta zhè te kokwar Asie, a woy tenga'a ta zhè a sam ngaya haha, a ta pinyè, aman ta ngots ma a géƌ ga.

20Aman anai ta azɓai, sèi ka jhèƋè a sam tenga'a haha, aman ta ngots skwi man ambaɓai a sam ga. 21Wa ngiƋè ba ta diyè a sam ncèmma sèi a géƋ man i gaƋa ta: nslambaƋkaƋauda te m'metsi a zhè.

22Aman Felix a ntsena ma haha, a njèkeda kita a pats nasa, te man a sun civèƋ Zhiklè haha amba, a ngaƋa:

Aman Lysias, bi sojè, a shkè, i woy a i tsena ma kinè.

23A ngaƋa na bi sojè, aman a ɓir Paul, da nza a gumai, da gedassa civèƋ ndohi nenga'a ɓai, aman ta takaha a ta shkè a sam na. 24Te deɓ m'mèn kètè Félix a mshkè a Drusille, ngwoz na, dem Juif, a ndzhoƋo Paul, a woya man a tsena ma ncè Kristi a ndav. 25Aman Paul a goƋ a gèƋ ngizura'a, a gèƋ ngshè va, a gèƋ kita man adi ashkè, Fèlix angu zlau, a ngaƋa:

Ka slaha ka de ngaya antanta; aman i da ngots ria'a, i da baba ka a sam ga.

26A nhuro, ar Paul a va na sulai, aman a mpra'a; gar haha a mbaba na pats ngiƌè pats ngiƌè kumba, a ta goƌ a vna. 27Te deɓ mvi cèw, ta menda Porcius Festus a sam n'nzi bi Fèlix. A Fèlix a woya man a gi skwi man ambaba ta ndohi Juif, a njèkeda Paul a dangai.

Currently Selected:

Acts 24: MAFNT

Highlight

Copy