Acts 22

1Kinè dalahimam ga, a bababhi ga, vatsena ma ga a sam kinè, man i tsoko gèƋ ga auda a vna.

2Aman ta tsena'a, a ngaƋa ta a ma aramée, ta nza tètè holhola'a. A nenga'a a ngaƋa:

3I ndo Juif, ta yiyè te kokwar Tarse te Cilicie, i gra a kokwar sa, a sam Gamaliel, a ta njèy te ma kita bababhi nga zura'a. I gu mizlinè a vata a géƋ Zhiklè, lèmèlèmè ara kinè a patsna.

4I paraha civèƋ Zhiklè haha, ha i woy a zeda i. I dzaw ta, ngurhi a ngwozi i pe ta a gi dangai; 5bi ndohi mvi skwi a Zhiklè, a ndohi nhala'a tèlèba ta ndohi malwuƋihi te skwi sa. I co Ƌèlèwèr te ri tenga'a, aman ta windo a sam kramamhai, a i do a civèƋ Damas. I woya a i dzaw ta te pa, a i de ta a kokwar Jérusalem, aman ta gi kita tenga'a. 6Aman i do, a i zhè ndul ndul a Damas, a géƋ pats, a nasa nasa skwi nhél sam mbia'a a mshkè te zhiklè.

7A i kalahai, a i tsena ngèƋè staƋ man a gaƋayè: Saul, Saul, ka parahayè èhèmè? 8A i gaƋa: Bi Zhiklè, ka wa? A nenga'a a ngaƋayè: I Yèsu ndo Nazareth, nenga'a man ka parahayè. 9Ndohi man ta zhè a sam ga, ta rka skwi nhèl sam; aman ngèƋè nenga'a man a gaƋayè, ta tsena ɓai.

10A i gaƋa: Bi Zhiklè, i gi mè? A Bi Zhiklè a ngaƋayè: SlambaƋa, a ko do a kokwar Damas, te pa ta da gaƋa ka skwi tèlèba man ka da gia'a. 11A géƋ skwi nhél sam i rka di ɓai. Ndohi man ta zhè a sam ga, ta gsyè te rai, a i ndikè a kokwar Damas. 12Ndo ngiƋè a zhè te pa, man a gi zlau Zhiklè, ara ma kita Zhiklè a ngra nga, nzlembaƋ na Ananias; labar ma nenga'a amba a sam ndohi Juif tèlèba man ta nza te pa. 13Nenga'a a mshkè a sam ga, a ngaƋayè: Saul, kramam ga, pakay dai! A i pa na dai, a nasa nasa i rka dai.

14A nenga'a a ngaƋa: Zhiklè babhi nga a fè ka a hai, aman ka shin skwi man nenga'a a woya'a, a ka rka Zhiklè zura'a, a ka tsena ngèƋè te ma na, aman 15ka gi a ndo malwuƋi na a sam ndohi tèlèba, te skwi man karka'a a katsena'a. 16Anai kazhèrmè? SlambaƋa, a ka gu baptême, gu aman malihi ngaya ta pana, a ka tsu ri a nzlembaƋ Yèsu.

17Te deɓa'a man i shkè a deɓa a kokwar Jérusalem, a i tsu ri te gi Zhiklè, a Zhiklè a nrkay a dai. 18A nenga'a a ngaƌayè: Vassa va, jèkeda kokwar Jérusalem tsam tsam, aman ta cè malwuƌi ngaya man ka gèƋè'a a géƋ ga azɓai. 19Aman i gaƋa: Bai, ta sun a ri ta, aman i pe ta ndohi tèlèba man ta co a ndav, a gi dangai, a i ndah ta a mènèwèƋ te gi njèngè ma Zhiklè a sam tsaƋ tsaƋ.

20Aman ta keƋa Etienne, i zlatsa a pa, m'metsi nenga'a ambabayè. 21Iyè a mɓüro maslaka ndohi man ta keƋa'a. A nenga'a a ngaƋayè: Do, aman i woy a i zlinde ka dra, a sam ndohi nte deɓa.

22A ta fu zlembaƋ, ha a ngoƋ ma haha, a ta hüno ngèƋè:

Sèi ta keƋa ndo arsa, ambaɓai man a nzi a nshèffè!

23Aman ta hèzlèwè, ta wusheda maslaka tenga'a, a ta tsu lokotor, 24Bi sojè a ngaƌa, aman ta da'a a gi bai aman ta nƋèha'a a mènèwèƋ a ta jkeƋè'a, aman a shinè'a, a géƋ mè man ta hèzlèwè arsa. 25Aman ta dzawa a teɓa, Paul a ngaƋa na a slaslam bi sojè:

Ta slaha a ta nƋèhè ndo Rome a mènèwèƋ, ambalai, man ta ga kita nenga'a di ɓi Ƌè?

26Aman slaslam bi sojè a ntsena'a, a mdo a sam bi sojè, a n'ngra na:

Ka war a ka gi mè? Ndo haha ndo Rome!

27A bi sojè a mshkè a sam na, a ngaƋa na:

Sèi ka gaƋayè: ka ndo Rome Ƌè?

A nenga' a a ngaƋa:

Halau.

28A bi sojè a m'mbeƋa na a ma:

l pu suli kumba, aman i ndeda va ga a ndo Rome.

A Paul a ngaƋa:

Aman iyè, i ndo Rome tas.

29A nasa nasa ndohi man ta gaƋa ta, aman ta jhèƋè'a, ta jèkeda. A bi sojè a ngu zlau, aman a ntsena'a, a ndzawa ndo Rome. 30Te mangoslèma'a a woya a njhèƋè a va'a, a géƋ mè man ndohi Juif ta pinè'a. A mpra cèlèlèu nenga'a, a ngaƋa ta bihi a ndohi ncèmma ta, aman ta shkè, a ta ɓicko va. Te deɓa'a a nco Paul, a nzlatseda a ndev tenga'a.

Currently Selected:

Acts 22: MAFNT

Highlight

Copy