1 Corinthians 4

1Gar haha ndohi tèlèba da rka nga ara ndohi mizlinè Kristi, a ndohi mber skwi man Zhiklè a n'ngheda. 2Ta jhèƌè skwi ngiƌè a sam ndohi mɓer skwi azɓai, sèi nlèɓèslè. 3A ga ga pa mè, aman ko kinè, ko ndo ngiƌè a bazlay mali a gèƌ. Iyè, i bezlè mali a gèƌ ga a ri ga azɓai: mèzhèɓ ndav ga amba, i sun mali ga ɓai. 4Aman ko arsa, i ga a ndo nzura di ɓai. Bai Yèsu, nenga'a ndo kita ga.

5Gar haha kin bazla na mali a gèƌ a ndo ngiƌè tsam tsam ɓai, sèi Bai Yèsu a shkè, nenga'a a di a cko skwi tèlè auda a sam nhèla'a, ko skwi man n'ngheda'a te ruva, a ngrédè skwi man ndohi ta héré te ndav ta, auda. Te deɓa'a Bi Zhiklè a slébèrdè ndo staƌ staƌ, ara man a ngècè a géƌ skwi man a gau. 6Dalahimam ga, skwi haha i ngreda kinè a géƋ va ga, a géƋ Apollos, a kin shindè a sam nga, ara man âèlèwèr Zhiklè a gaƋa: Sèi ara man ta windo, kin pa na va ɓai! Aman ndo te ndev kinè da dzugor va a gèƋ ndo njènga na ɓai!

7N'nge ka a mbia'a man a fena ndohi ngiâè, wa? Skwi te ri ngaya, man ka ngatsa ambali ɓi, mè? Aman ka ngots ambalai, ka jégèr va ara man ka ngotso ambali ka ɓai, èhèmè? 8Kin ngots skwi tèlè man kin woya ma. Kin wala ma. Kin gi bai, a nda nga ka ɓai. A woy kin gi bai; aman nga ba, nga gi bi a nda kinè.

9I gi hérè'a, Zhiklè a ge nga, nga ndohi sak nenga'a, a ndohi man a deɓa: nga ara ndohi man ta ve nga a m'metsai; herkeda tèlèba, a golahi Zhiklè ba, a ndohi ba, ta pi di a nga. 10Nga nrzlahia'a a géƌ Kristi, kinè ndohi maya te Kristi. Nga, wuƋi nga azɓai; kinè, wuƋi kinè a zhè. Kinè ndohi man ta slébèrdè kinè; nga, ta kwol nga.

11Ha antanta, mi a ked nga, iyam a dza nga, nga adai, ta ƌuts nga, nga ndohi nshèwèlè genè, gi nga azɓai, 12a nga ngeza a mizlinè man nga gi a ri nga. Ta ga nga ndzoan, nga pshè ta ma. Ta paraha nga, nga cè'a. Ta derƋe nga, nga menda ta ma mbela'a a deɓa. 13Nga nda a ndohi man herkeda a kwol nga, a koskosi ndohi tèlè, ha patsna.

14I windo ma haha, aman i pa kinè hori a di ka ɓai; aman i ngra kinè màya, ara a sam wudahi ga man i woy ta a ndav ga. 15Ko kin ngots ndohi ncè kinè ma gozhèm kula te Kristi, kin ngatsa babhi kumba ɓai. Aman i ye kinè te Yèsu Kristi, te ma mbela'a. 16Gar haha i fa kinè ma a géƌ; Vagu lèmèlèmè ara ga! 17A géƌ nasa i zlündo Timothée a sam kinè, nenga'a kra ga nlèɓèslèa, man i woya'a, te Bi Yèsu; nenga'a da hodko kinè ma civèƋ Yèsu Kristi, man i bizhè a pa, a gèƋ, da ngreda kinè ara man i njè ta mpi ndohi Zhiklè tèlèba, te verzi herkeda tèlèba.

18Ndohi ngiƋè ta fi va, ta gaƋa, a shkè a deɓa a sam nga asaɓai, ar ta. 19Man Bi Zhiklè a woya'a, i Ƌè a sam kinè ndul ndul ma. I fì gèƋ a ma ndohi nfi va azɓai; aman i wèr wuƋi ta. 20Aman kokwar-Bi Zhiklè a zhè, a ma ka ɓai, aman te wuƌai. 21Kin war kè? I Ƌè a sam kinè a mènèwèƌ te ri ƌè, ƌè a mwoy-ndo a ndav, a ndav nlüɓekwa'a ƌè?

Currently Selected:

1 Corinthians 4: MAFNT

Highlight

Copy