Matta 3

Waazu Yuhanna baɗoowo baptisma

(Markus 1:1-8; Luka 3:1-18; Yuhanna 1:19-28)

1Wakkati man Yuhanna baɗoowo baptisma waŋgi, o fuɗɗi waazaago nder ladde hamaadaare Yahudiya. 2O wi'i: “Tuube, ngam laamu asamanji#3:2 … laamu asamanji. Matta huuwtiniri kalimawol ngo'ol, o wi'aay laamu Allah, ngam Yahuudu'en ewnataa innde Allah meere meere. ɓaditake#Mat 4:17; Mk 1:15.!” 3Yuhanna woni mo Esaaya wolwino dow muuɗum, wi'i:

“Goɗɗo ɗon hoola nder ladde:

Mo'inane Jawmiraawo laawol,

mbaɗane mo buuwi darnuɗi#Esa 40:3..”

4Yuhanna ɗon ɓorni limce kuuwraaɗe bee gaasa ngeelooba, o ɗon taadi taadorgol laral, baɓɓatti e njumri ladde ngoni nyaamdu maako#2 Laam 1:8.. 5Yimɓe Urusaliima e lesdi Yahudiya e lesdi kommbi maayo Urdun fuu, ngari haa maako. 6Ɓe mbaŋgini hakkeeji maɓɓe, Yuhanna boo waɗani ɓe baptisma nder maayo Urdun.

7Nde Yuhanna yi'i Farisa'en e Saduki'en ɗuuɗɓe ɗon ngara haa maako ngam o waɗana ɓe baptisma, o wi'i ɓe: “Ɓiɓɓe poosokje, moy wi'i on on kisan tikkere Allah warannde#Mat 12:34; 23:33.? 8Nden kam kuuwe kuuɗe ɗe mbaŋginta on tuubi. 9Taa nume nder ɓerɗe mooɗon: Ibrahiima woni kaaka amin. Ngam mi ɗon wi'a on, Allah woodi baawɗe waɗango Ibrahiima ɓiɓɓe bee kaa'e ɗe'e#Yuh 8:33.. 10Fe'irde ɗon taaski ngam fe'ugo lekki diga ɗaɗi mum, lekki ki rimataa ɓiɓɓe booɗɗe fuu ki fe'e, ki wudine nder yiite#Mat 7:19.. 11Min mi ɗon waɗana on baptisma bee ndiyam ngam tuubu mooɗon. Ammaa garanɗo ɓaawo am waɗanan on baptisma bee Ruuhu Ceniiɗo e bee yiite. Kaŋko o ɓuri yam baawɗe piw. Mi he'aay koo fiistugo ɓoggi paɗe maako. 12O woodi jaartirɗum haa juŋngo maako ngam senndirgo alkamaari bee nyaande. O mooɓtan alkamaari haa beembal maako, ammaa o wulan nyaande bee yiite nge nyifataa sam.”

Baptisma Yeesu

(Markus 1:9-11; Luka 3:21-22)

13Nden Yeesu ummi lesdi Galiili, wari maayo Urdun ngam haa Yuhanna waɗana mo baptisma. 14Yuhanna jaɓaay, wi'i mo: “Min maa, mi woodi haaje a waɗanammi baptisma, nden nii ngara haa am!” 15Ammaa Yeesu jaabi mo: “Yerda ɗum jonta, ngam ɗum pottuɗum kebbitinen adilaaku fuu.”

Nden Yuhanna jaɓi, 16waɗani mo baptisma. Nde Yeesu wurti ndiyam, asamanji maɓɓiti, o yi'i Ruuhu Allah ɗon jippo bana poola, ɗon wara dow maako. 17Sawtu boo iwi haa asama, wi'i: “Oo woni Ɓiɗɗo am giɗaaɗo, mi ɗon seyoro ɗum masin#Laat 22:2; Jab 2:7; Esa 42:1; Mat 12:18; 17:5; Mk 1:11; Lk 9:35..”

Currently Selected:

Matta 3: FB

Highlight

Copy