Mga Salmo 110
110
Salmo 110
Awit ni David.
1Miingon ang Ginoo sa akong Ginoo#110:1 akong Ginoo: o Ginoo. Kini nga bersikulo giaplikar kang Cristo sa Bag-ong Kasabotan. Tan-awa ang Mat. 22:41-44; Mar. 12:35-37.,
“Lingkod dinhi dapit sa akong tuo,
hangtod mapailalom ko kanimo ang imong mga kaaway.”
2Gikan sa Zion#110:2 Zion: mao usab ang Jerusalem., palapdon sa Ginoo ang imong gingharian, Mahal nga Hari,
ug maghari ka sa imong mga kaaway.
3Sa adlaw nga makig-away ka
sa imong mga kaaway,
kinabubut-on nga motabang kanimo ang imong katawhan.
Ang mga pamatan-on moadto kanimo
sa balaang mga bungtod nga daw tun-og sa kabuntagon.
4Nanumpa ang Ginoo, ug dili gayod mausab ang iyang huna-huna,
nga ikaw pari sa walay kataposan sama sa pagkapari ni Melquisedek.
5Ang Ginoo nag-uban kanimo;
laglagon niya ang mga hari sa panahon nga ipakita niya ang iyang kasuko.
6Silotan niya ang kanasoran ug daghan ang iyang pamatyon.
Laglagon niya ang mga nagdumala sa tibuok kalibotan.
7Mahal nga Hari, moinom ka#110:7 Sa Hebreo, moinom siya. Sumala sa ubang mga eksperto, ang “siya” mao ang Ginoo. Apan ang kadaghanan kanila nag-ingon nga ang “siya” mao ang hari nga giingon sa bersikulo 5. sa sapa nga anaa sa daplin sa dalan,
busa mobalik ang imong kusog ug magmadaogon ka.
Currently Selected:
Mga Salmo 110: APD
Highlight
Share
Copy
Want to have your highlights saved across all your devices? Sign up or sign in
Ang Pulong sa Dios™, APD™
Katungod sa pagmantala © 2009, 2010, 2014, 2024 Biblica, Inc.
Gigamit pinaagi sa pagtugot. Tanan nga mga katungod gitagana sa tibuok kalibotan.
Cebuano Contemporary Bible™, APD™
Copyright © 2009, 2010, 2014, 2024 by Biblica, Inc.
Used with permission. All rights reserved worldwide.
