SOFONI Kalge äil kefder seno
Kalge äil kefder seno
Sofoni maga yer kefder sen la diñ je ni Kusi, moo Eskiyas maga jar ëig ga diñ wañ no (1.1; 2 Wañ. 18.1). Ëu Sofoni de jag Hebre ga Sefaniya, wer äe ga Manwur hul do we ne jar ti noga Manwur oo we ti jare.
Sofoni hay naa nen waçaçre äen ti sir Juda ti kal mani Josiyas je ni Amon, wañ Juda, nen kiñgi ma 609—604 go Tañgu Biñgi Yeso. Le go tañgu sen mono, jar Asiri hay caa wo go see sir Juda sen na de kal maga Manase wo de weel äe Amon hay wo joñ wañ mono: Wañre se äogn la hay joñ wo diñ fen ma de älagge nen Manwur sagsag tu (2 Wañ. 21.1-9, 19-22). Do kay no so no, jar Juda wo äuy raw wo haç see äaara go goñ wer soçoçre mani jar dehaçy ma honla wo äuy (1.4-5), bay wo heçeç Manwur me' wa so has äuy (1.6). Koëge äaara, seele äaara wo de joñre äaara kol wo go do jar dehaçy wo nono (1.8,9). Blam huli Manase wo de Amon mono, Josiyas kol ti wañ day fer 'wuçy faage goñge Manwur ti sir Juda wer waçaçre maga Hulda waçy ma ndar nen waçaçre Baan wo de Sofoni waçën wo mono (2 Wañ. 22—23).
Hm waçaçre mani Sofonin diñ Wur mani Manwur no (1.2—2.3) de ngaäge de (Amos 1; Jow. 2.1-14). Wur sen diñ wur maga Manwur a ge de ree ne jar Juda wo de äi leege Jerusalem wo ti wer maga a tob wo Manwur go, kol wo go cor soçoçre wo mono. Dañ ge go ti wur sen diñ jar ma mbag maga fer wo ti see äaara gesiñ pel Manwur mo tawa no (2.1-3). Wur mani Manwur a ge de ree ne wer jar dehaçy wo ti äuy lay: Ma nen wur bo lawn wo (2.4-7), ma nen wur bo toñn wo (2.8-11), ma äañ waçybann wo (2.12), ma äañ gloñhweden wo (2.13-15). Ane Manwur a ge na ma joñ bon jar tawa gaa, ama wer äil de el äe no, se cooge jiili jar dehaçy wo yañ. Debañ yoo äaara tob ge wo soçoçren wo yañ go day mbuë wo nen äaara yañ wo ti Manwuri day joñ ge wo peele yañ ne hene, wosela le äil sir äe (3.9-10). De sen ni Manwur joñ ge yañ ti holañ jar Israyel wo ma kay rage, ma yaçaç rage go, day saara fruy gi äil äe yañ go (3.12-20).
Currently Selected:
SOFONI Kalge äil kefder seno: TUPB
Highlight
Share
Copy
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006