SAKARI Kalge äil kefder seno
Kalge äil kefder seno
Ti faage äe aè de hay kañ ëu ne kefder mani Sakarin ga kefder kañge ëiggi ti Baa. Sen diñ werga aà kañ nen naa ti ëiggi maga jar Israyel joñ wo nen naa nen go de kañge de wore ta' ti wurpo mono. Kefder mani Sakarin de car äil taë taë äoge:
Ma tañgun, (ma kluuri 1—8) waçaç waçaçre ne naa ti kiñgi ma 520—518 tañgu biñgi Yeso-Krisi, day sen diñ ti wur mani Aje je ndar nen waçaçre ma jag Baan lay. Waçaçre maga aà waçë ti äaara mono, wo diñ feçeçre mbuëgi nen maga aà hay ko ra. AÀ waçaç waçaçre ti ferge boo tiñ Baa no, de ferge Jerusalem kne'ge ti ngeel äe, haçaç wo kañge see wur ma defay no. Ma tï¡ï¡ wer wur se ma defayn mokay no, Baa kal hoo goferner Sorobabel wo de je moobe ma kluu no, ga diñ Josuwe mono.
Se day ga see ge we wo pel no, ëiggi jar Israyel kol ge wo yañ go de kañge diñ ti ngeel po maga Baa joñ ge wañ yañ go ti tamsir äuy. Day pa, waçaçre sen de tayge wer keçeç de peele po maga de haçge ne jobo maga se mañn ge go diñ ma joñ sen sagsag mono.
Ma de äog kefder mani Sakari no, (ma kluuri 9—14). Sen waçaç waçaçre ti feçeçre po wo maga naa daë ra see je maga Baa ban ge go ma kañ wañ mani Baan ti ngeel mono. Jar yer waçaçre ma de coçoçre mani Yeson yañ wo de ferge ëig ti waçaçre seno, dañge äuy ma waçaçge ti Yeso de see äe, ti joñre äe no, ti waçaçre huli äe lay (ko Mat. 21.4-5; 26.31; Mark 14.27; Jañ 19.37).
Currently Selected:
SAKARI Kalge äil kefder seno: TUPB
Highlight
Share
Copy
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006