SAKARI 8

Jam joñ ge yañ, day feçeçre joñ ge mbe yañ deñ lay

1Diñ waçaçre Manwur Pantway, maga aà waçaç ne go do kay nono ga: 2Manwur Pantway waçaç do kay nono, ga: Äil äi cee me ti Siyoñ debañ, ndi mo haç' ëiggi go de caa mege ti äe de eegre debañ.

3Waçaç do kay nono diñ Manwuri, ga: Ndi fer Siyoñ, day ndi hay ge yañ ti holañ Jerusalem. AÈ ëe ge Jerusalem yañ ga äi leege cwaçy no, huuli mani Manwur Pantway no, huuli ma bay ëag no.

4Manwur Pantway waçaç do kay nono, ga: Jar ma de taçaçrebe wo, werpiiri wo de naare ma kiñgi pur pur wo, lag ge wo yañ ti ngeel tayge ma Jerusalem wo no, wosela de graw do, wer naw maga saara de joñge äe pur pur mono. 5Ngeel tayge ma äi leegen bag ge wo yañ go de weere ma twerpiiri wo de ma tenaare wo, maga wo de joñ hragge ti ngeel taygen wo mono.

6Manwur Pantway waçaç do kay nono ga: Hayga sen mo kay yañ koge nen jar maga gwa' wo wursen diñ fen mbuëgi no, aà joñ ge yañ nen äi diñ fen mbuëgi lay ge? Kay diñ jag Manwur Pantway.

7Manwur Pantway waçaç do kay nono ga: Koëa ndi le go de yaçaç jar äin wo äi sir ma nen wer wo de sir ma nen wur bolaw. 8Ndi fer ge ra yañ le, day aà lag ge wo yañ äil Jerusalem. AÀ joñ ge wo yañ diñ jar äi, day ndi joñ ge yañ diñ Baa äaara ti cwaçy äe, ti keëed äe lay.

9Manwur Pantway waçaç do kay nono, ga: Woo wee do go wa, nday maga nday de laa waçaçre ma jag jar ndar nen waçaçre ma jag Baan wo, maga hay ndar wo nen äe ti wur maga aè hay äo' wer tiñ mani Manwur Pantwayn mono, ti wur maga aè hay waçaçge ga boo tiñ Baan mono. 10Werga tañgu wursen mono, aè hay bay poë jobo ti joñre äen wa, bay poë faale horog wa lay. Jam hay bay see jar maga laa wo le liñ, day laa wo go siigi mo wa, sen diñ do je hee no, day ndi hay lag jar tebere wo ne kaçaçra ti. 11Patala ndi bay diñ ma jar maga gwa' wo see jar sen wo do maga ndi hay ti ngeel ma wurpo no wa so, kay diñ jag Manwuri, Pantway. 12Werga le'ge mbere jamn ma ti holañ äayn mokay no: Tlalum le' ge yañ, sir joñ ge feçeçre yañ, day ngeel ma ciñ haç ge meebe yañ le, jar maga gwa'ge wo mono ndi haç ge feçeçre sen wo mo deñ äuy yañ ne hara. 13De ngaäge do maga nday hay diñ faëge yoo wer sir wo nono, tiñ mani Judan wo de tiñ mani Israyel no, de ngaäge do sen no lay ndi yaçaç ge nday yañ go, day nday joñ ge yañ diñ bosa'a. Joñ wee heçeçne wa, coä wee nen äay!

14Werga Manwur Pantway waçaç do kay nono, ga: Do maga ndi hay waçaç go ga ndi joñ nday de älagge nono, ti wur maga paçaçre äay hay wo mbuë jag jiili me nono, waçaç do kay nono diñ Manwuri, Pantway, ga ama ree sen fer ëig mege ge gaè. 15Dosen nono, ndi raw ferge le, day ndi raw waçaçge go ga ti naw sen la ndi joñ de el yañ see Jerusalem wo de tiñ mani Juda no. Joñ wee heçeçne wa so! 16Joñ wee joñre de waçaçre ma kay wo no: Wosela äuy mo waçaç cwaçy ne kan äe. Hay wee car kiida jag tiñ äayn wo ti cwaçy äe, diñ caage kiida jam. 17Daga jobo mo hay ëig älagge jag jiili äe ti kan äe wa. Da wee ha'ge ma ti gete' wa, werga aà wo mo deñ diñ feçeçre maga ndi hee de äaara mono, kay diñ jag Manwuri.

Naw ma heçeç biin kol ge wo yañ diñ naw few wora

18Manwur Pantway kal fer waçaçre me do kay nono ga: 19Manwur Pantway waçaç do kay nono, ga: Heçeçge bii ma nen few ma de naa no, heçeçge bii ma nen few ma de dwee no, heçeçge bii ma nen few ma de renam no, de heçeçge bii ma nen few ma de hwaln kol ge wo yañ see tiñ mani Judan diñ wur kurwuy wo de fruygi wo, wur few ma kluuri wo. Ama da wee cwaçy wo de jam.

20Manwur Pantway waçaç do kay nono, ga: Ngaäa wer jar ma tigriñ wo de jar ma tigriñ nduu gi wo yañ le pur debañ le äi leege wo ngaäa lay. 21Jar ma äileege po cegaëge wo yañ go äi leege ma tigriñ waçaçge ga: Naa see rage pel Manwuri, naa see kië Manwuri, Pantway! Wosela äuy waa ge ga ndi wo lay, ndi wo lay! 22Day so, wer jar wo ngaäa de sir ma de eegre wo, nduu gi wo yañ Jerusalem kië Manwur Pantway, day ra ge wo pel Manwuri.

23Manwur Pantway waçaç do kay nono, ga: Ti wur sen mono, jar hwal ma ti wer jag ma ti sirn wo äuy ba ge wo je Jwif yañ, aà ëaw ge wo jag oçoçbe äen yañ day waçaç ge wo yañ ga: Wuur raw wer äo, werga wuur hay de laage ga Baa de äay.

Currently Selected:

SAKARI 8: TUPB

Highlight

Copy