SAKARI 6
6
Mbuëgi nen ma de nenma' no: Pus durgi ma naa wo no
1Ndi kal ferge mañ nen äi ciñ pa, ndi kal ko mbuëgi nen ma kay no: Pus laa wo le go ti holañ huuli ma äogn wo naa. Huuli se ma äogn hay wo diñ huuli boo dobe. 2De seege de pus durgi ma tañgun diñ piiri ma de seçeçre wo, de seege de pus durgi ma de äogn piiri diñ ma de tebere wo. 3De seege de pus durgi ma de swa'n diñ piiri ma de piiri wo, de seege de pus durgi ma de naan diñ piiri ma de seçeçre de carge kob kob wo. 4Ndi kal mañ waçaçre, day ndi wii je peele Baa maga hay ti waçaçre de äi ga: Ma sen wo mo haç' diñ may wo la wañ äi no? 5Je peele Baan kal fer waçaçre me ga: AÀ diñ leege ma ti coçoç ngeel ma ciñ ma naa wo no, maga laa wo le go ti ngeel maga aà hay wo de lagge peel Wañkluu ma ti tamsir äuyn ni mono. 6Piiri ma de tebere de jag pus durgi po wer boñ laa wo wo go diñ ti sir ma nen äañ gloñhwede no, day ma de piirin kal wo rawge wer äaara. Maga see äaara de carge kob kob kal wo rawge wo go äi sir ma nen äañ ni waçyban no. 7Ma de seçeçren laa wo le go mokay kal wo wiigi ga saara wo rañ tamsiri. Je peele Baan kal wii rage ga: See wee, ni nday rañ wee tamsiri! Day pus durgin kal wo rawge rañ tamsiri. 8AÀ kal ëe mege, day wii me ga: Ko nen äo, jar maga laa wo wo go nen äi sir ma äañ gloñhwede mono sen ham wo jag soçoçge äil äin yañ gesiñ see sir ma nen äañ gloñhwede no.
Manwur naa nen kañge jugu wañ ne Josuwe ti
9Manwur kal fer waçaçre me do kay nono ga: 10Hoo feçeçre haçge mani jar ma de hooge dañgay wo no, mani Helday no, mani Tobiyan wo de Yedayeya no ndo raw ge de see äo wara, ndo wo ge liñ ni Josiyas je ni Sofoni no, ti ngeel maga jar sen wo de lagge ni äe de maga aà nduu wo le Babilon mono. 11Ndo hoo ge boo solayn wo de boo biñni no, ndo joñ ge klañ wo de äaara, day ndo kañ ge ra ne Josuwe je moobe ma kluun ti, je ni Yehosadog no. 12Ndo waçaç ge ne hen ga: Manwur Pantway waçaç do kay nono. Blo maga aè ëen ga tï¡ï¡gi waa mono, aà tï¡ï¡ gi waa yañ ti ngeel maga aà ni mono, day boo ge tiñ mani Manwurn yañ ge. 13Boo ge tiñ mani Manwurn diñ se. Feçeçre togodgen joñ ge wo yañ de kañge ne hen see, aà hay ge yañ ti paale wañ no, day waçaç ge waçaçre äe yañ. Je sië jagn hay ge yañ ti paale wañ äen lay, day tayge jag joñ ge yañ ti holañ äaara de wore debañ. 14Klañn joñ ge wo diñ ma Helem, Tobiya wo de Yedayeya, ma Hen je ni Sofoni no, ma fer ge ëig ti äil tiñ mani Manwur no. 15Jar maga wo wo go haçaç nduu gi wo yañ, day joñ ge wo joñre yañ ma boo tiñ mani Manwur no. Day nday ko ge yañ ga äo' me le see äay diñ Manwur Pantway. Sen kaçaç ge ma joñge, hayga nday yañ laa geçeçge Manwuri, Baa äayn kidolgi no.
Currently Selected:
SAKARI 6: TUPB
Highlight
Share
Copy
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006
