SAKARI 2

Mbuëgi nen ma de äog no: Coçoç wo de jar tooge wo

1Ndi kal mañ nen äi ciñ, ndi kal ko mbuëgi nen ma kay no: Ndi kal ko coçoç wo naa. 2Ndi kal wii je peele maga hay ti waçaçre de äi mono ga: Sen wo mo haç' diñ may wo la? Day aà kal wii mege ga: AÀ diñ coçoç maga hay dus wo Juda go de Israyel wo de Jerusalem mono.

3Manwur kal kañ nen äi ti jar toorge wo naa. 4Ndi day ga: AÀ nduu wo joñ may la? AÀ kal fer waçaçre me do kay nono ga: Mo haç' diñ coçoç maga hay dus wo Juda go mono, haçaç nen maga jobo bay go mañ ti ciñ wa äuy. Day jar toorge sen nduu wo diñ ma haçy nen äaara, day diñ ma harag coçoç wer sir maga hay hoo wo coçoç ciñ ti sir Juda mono go, nen maga saara mo dus jar ma äil äaaran wo go.

Mbuëgi nen ma de swa' no: Saale ma ngaä feçeçre no

5Ndi kal mañ nen äi ciñ, ndi kal ko mbuëgi nen ma kay no: Blo po hay de ëaw saale ma ngaä feçeçre do kay. 6Ndi day ga: Ndo wo gen la? AÀ kal wii mege ga: Ndi wo ngaä Jerusalem ma ko diy äen wo de geçeçre äe no. 7Ko la diñ maga je peele Baa maga hay ti waçaçre de äi mono kal ya'ge le, day je peele Baa ma tigriñ kal caa pel äe. 8AÀ kal wiigi äe ga: Ëee fer waçaçre ne weel ma joçoçn ma caw no, day ni ndo waçaç ga: Jerusalem mo hay bay kor ti wer ngaäa jar tebere wo de horog maga joñ ge wo äil äe debañ mono. 9Ndi de see äi tu ndi joñ ge yañ diñ kor wuu maga go de cir ti äe Kay diñ jag Manwuri day ndi joñ ge yañ diñ togoëge äe äil äe.

Manwur fer jar ma de hooge ti dañgayn wo le liñ

10Naa see! Naa see! Ëee wee go see sir ma nen gloñhwede no! Kay diñ jag Manwuri, werga ndi hay dus nday wo go ti coçoç ngeel ma ciñ wo naa äuy, Kay diñ jag Manwuri. 11Naa see! Siyon ndo dañ yañ mbo go, ndo maga ndo de hayle de tiñ ni may ma Babilon wo mono. 12Werga Manwur Pantway waçaç do kay nono, blam sen mo kay no, togoëge nduu gi yañ! AÀ äo' me see waare maga hay hoo wo nday do fen maga aè yaçaçn jag durgi no mono. Werga je maga du' nday mokay no, du' diñ mbere nen äe. 13Ko ëa ndi de mañ do ciñ see äaara. AÀ kol ge wo yañ diñ fen yaçaçge jag durgi ma gebere äaaran wo no. Day nday ko ge yañ ga äo' me le diñ Manwur Pantway. 14'Waa war blum day ni ndo joñ äo fruygi, may ma Siyon. Werga ndi yañ la, ndi yañ wo, day ndi hay ge yañ ti holañ äay, Kay diñ jag Manwuri. 15Sir waare wo debañ tay ge wo yañ de Manwur ti wur sen, day kol ge wo yañ diñ jar äi. Ndi hay ge yañ ti holañ äay. Day nday ko ge yañ ga äo' me le see äay diñ Manwur Pantway. 16Juda joñ ge yañ diñ ma Manwur do ngeel tabul ma hoorge äe nono. Äi sir ma bay ëag no. Day aà fer ge yañ baage diñ Jerusalem pa. 17Daga feçeçre ma de naysee mo lag wo pel Manwur seëem äuy! Werga aà go de puçygi ti ngeel äe ma bay ëag no.

Currently Selected:

SAKARI 2: TUPB

Highlight

Copy