LUG 17

Joñ älagge wa

(Ko äil Mat. 18.6-7, 21-22; Mark 9.42)

1Yeso raw riñ jar ma wer äen wo ga: Ree ma srog jar joñ älagge joñ yañ mbe wo ti nawn wo haçaç tum, ama ree yañ ti je maga srog wer jar joñ älagge sen wo mono. 2Ëawa äen aà mo sa' man niini ne hen soole, aà mo äo'n go nen maaroge nen maga aà mo kañ wer weere wo go joñ älagge wa. 3Koë wee see äay de ele.

Hayga hen äo joñ mo we de älagge no, ni ndo ruu ne ti äe desaçy, day hayga aà coo ëiggi äe ma de älaggen we de deele tigriñ no, ni ndo men ëig ree älagge äen go ne hen ti. 4Hayga hen äo joñ mo we de älagge äaale renam wurpo boñ, day se yañ le ferge le ceä riñ mo ge ga: Ree sen cee se we, ree sen cee se we no, ni ndo men ëig ree älagge äen go ne hen ti.

Haç äil äo go ne Baa

5Jar peele Yeso raw wo riñ gi äe ga: Kay wuur haç äil wuur go ne Baa de eegre ëa äa. 6Yeso raw riñ rage ga: Hayga haçge see äay go ne Baa yañ de day ge do mbeère yeg no ma' no, nday mo riñ ba koo gwarga ma ka' ga aà mo naa see äe le go mo wo go co' ge nen maarog laybla', aà yaçaç jag äay.

Joñre maga weejoçoç jobo joñ ne mono

7Wose yañ yoo äay la ga je joñre äe le de jee pay noga de koë horoge, aà wo we le ferge äi pay le liñ se raw riñgi äe ga: See le reege la? 8AÀ joñ no ga: aà raw riñgi äe diñ ga: Kne' reege äin go me, blam sen ni ndo mo coo oçoçbe joñre äon ti äo, ndi hay we reege, ndi hay we jo ge no, ni ndo aà le lag feçeçre ree gen wo me pele, blam sen ni ndo ree, jo äon kway. 9AÀ joñ suse' ne weejoçoç äen ti joñre maga aà riñ ti äe mo ga ga yawla? 10Yeso ga nday do sen no lay, wur maga nday wo we joñ joñre maga aà riñ wee ti äe we go äuy no, ni nday mo waçaç ga: Nday diñ weere joçoçre jobo de koë koëe, nday joñ go diñ nen joñre äay no.

Yeso façaç jar ci wo go hwale

11Yeso de wo ge Jerusalem, aà raw hee ge ti yoo Samari wo de Galile. 12AÀ raw kalge äi leege po, jar ci wo hwal, raw wo caa pel äe le, raw wo lagge le go haçaç ëawa, 13raw wo ëe Yeso ga: Yeso Wañ, ko decoo wuur ëa la.

14Yeso raw ko rage, raw riñ rage ga: See wee wii nen see äay ne jar ma sië jag wo. AÀ raw wo mbuë nen raw ge mokay, aà raw wo façaç ge go äuy. 15Jobo boñ yoo äaara wo ko ge ga se façaç we go mokay, aà raw ferge le blam äe togoë Baa de geçeçge äe ciñ kloñ, 16raw le' mondra ma' pel äe gesiñ pel Yeso, raw joñ suse' ne hene. Blo sen diñ je Samari lay. 17Yeso raw riñgi äe ga: Nday bay go de façaç ge hwal äuy wa. Day jar ma kaawa'n wo gen ne? 18Jobo bay de ëig gi yoo äaara boñ maga se mo joñ suse' ne Baa wa, say diñ je dehaçyn mo ye' tawa? 19Blam sen Yeso raw riñgi äe ga: Ur go ciñ, see, haçge äil äo ne Baa peçeç mo we go.

Twaywañ mani Baa no

(Ko äil Mat. 24.23-28, 37-41)

20Farisiyeçeç raw wo wii Yeso ga: Äa twaywañ mani Baan hay nen age na hun äa? Se kal riñ rage ga: twaywañ mani Baan a ge bay maga jobo da' faage äe go de nen äe wa. 21AÀ waçaçge ga: aà yañ la, noga: aà yañ wo mo wa. Ko wee nen äay twaywañ mani Baan go yoo äay yaw.

22Blam sen aà raw riñ jar ma wer äen wo ga: Wur po a ge yañ le maga nday da ge ga nday mo ko naw weel je tabay no, ama nday kon ge gaè. 23Jar riñ gi wo yañ ga: Ko wee nen äay wo mono. Noga Ko wee nen äay la. AÀma wo wee wo ni wa, ëee wee wo ni wa lay. 24Do sag ge Baa maga sag le gesiñ ka' haçaç go ti jag sir äañlan no, ferge weel je tabay le joñ ge do sen no lay. 25Ama nen da ga ndi mo joñ bon debañ ëa, nen maga jar ma waran mo tob me wo go. 26Ree maga hay joñ le nen Nowe, joñ ge wur a ge weel je tabayn le do sen no dega' lay. 27Jar hay wo reege, jo ge, da wo naare, noga haç wo mayre äaara go ne werpiiri, haçaç wo day ge ti wur maga Nowe wo kal ge äi daagen mokay, bii mañ ge ma kluu raw age, raw bas jar sen wo go äuy. 28AÀ joñ ge do ma nen Loë no lay, jar hay wo reege, jo ge, yeeë wo feçeçre le, yeeë wo feçeçre wo go lay, jeë wo lay, bor wo tiñri lay. 29Ama wur maga Loë wo go men Sodom mokay, Baa raw cwaa wuu le de fen ma haä se debañ le ciñ, raw bas jar sen wo go äuy. 30AÀ joñ ge do sen no dega' ti wur maga weel je tabay naa ge nen le mo lay.

31Ti wur sen, wosela maga hay we le go ciñ ti tiñ äe mo ëii gesiñ hoor feçeçre äe ma tiñman wo wa so. Je maga hay we le go äi pay, mo fer le liñ wa lay. 32Ëig wee diñ se waçy Loë. 33Je maga kië we ga se mo bas go wa mono, bas ge go so yaw, day je maga men see äe we go bas ge ti ree äi mono, ni je sen joñ ge tenen caw so yaw. 34Ndi de riñ wee ge ga wur sen de suñ ni, jar joñ ge wo yañ de suu li faale kaçaçra äoge, aà mañ ge yoo äaara boñ, aà men go boñ lay. 35Naare joñ ge wo yañ nañ ge äiñ kaçaçra äoge, aà mañ ge yoo äaara boñ, aà men go boñ lay. [ 36Werpiiri äog joñ wo yañ äi pay po boñ, aà mañ ge yoo äaara boñ, aà men go boñ lay.] 37Jar ma wer Yeson raw wo wii gi äe ga: Wañkluu, ree sen wo ge joñ ge na wur hon äa? Yeso raw ga: Ti ngeel maga huli mopo yañ ni no, beegre tay wo ti ni lay.

Currently Selected:

LUG 17: TUPB

Highlight

Copy