JAÑ 16

1Ndi waçaç ne nday dosen maga nday mo lag de haç äil äay ngiñ. 2AÈ nië wee ge yañ go se tiñ tosge äaaran wo. Day wurpo a ge yañ le pa, jar po ï¡d wo wee yañ go, ëig wo yañ ga saara de joñge mokay diñ joñre Baa. 3AÀ joñ ge wo dosen, diñ werga aà bay wo de ko Paçaçben wa, ko wo ndi gaa lay. 4Ama ndi siin we go ne nday, maga wur sen wo ge we a ge, ni nday mo ëig ti ga ndi hay sii we ne nday nono.

Joñre Nenterse ma bay ëag no

Ndi waçaçn le go ne nday tañgu gaa, diñ werga ndi hay hay yoo äay ëa. 5Day patala ndi da rawge äiñ je maga äo' me le mono, day jobo laa wii mege yoo äay ga ndi wo genla gaè. 6Ama jiili äay raw caa ge go diñ wer maga ndi waçaç wee dosen no mono. 7Patala ndi riñ wee kidolgi, daga ndi mo raw, sen diñ ma woo wee ge, werga hayga ndi raw we gaa no, je ma kay wee ge a ge see äay gaè. AÀma hayga ndi raw we no, ndi raw äo' ge äe ge le ne nday so. 8AÀ wo we a ge so no, aà raw yañ kañ nen jar ma ti tamsir wo go ko älagge äaara no, ko ree ma de deele, ko wo ree maga Baa cag ne ge mo lay. 9Ko wo yañ ga saara diñ jar älagge, wer maga saara yaçaç waçaçre äin gaa mono. 10Ko wo ree ma de deele no, wer maga ndi de rawge see Pan äi, aà ko ge wo nen äi gaa so hase. 11Ko wo ree maga Baa cag ne yañ, werga ren go debaa wañ jar ma ti tamsirn la no.

12Waçaçre yañ jag äi debañ ma jon siigi ne nday, ama nday kaçaç ma soë ge äe patala gaa ëa ane. 13Wur maga Nenterse ma waçaç cwaçyn a ge we no, aà wo ge yañ de äay ko ree ma cwaçyn äuy. AÀ waçaç ge ne nday diñ waçaçre ma de ti ngeel see äe gaa, ama aà waçaç ge ne nday diñ waçaçre maga aà hay laa ne, aà sii gi ne nday diñ ree maga a ge wo wurpo. 14AÀ togoë ge ndi yañ, aà hoo ge waçaçre äin wo, ya' ge sii gi äe ne nday. 15Feçeçre maga wo diñ ma Paçaçben mo äuy, wo diñ ma äi lay. Diñ wersen ndi riñ wee ga Nenterse ma bay ëag hoo waçaçre äin wo, ya' ge sii gi äe ne nday mono.

Lawge see kol ge go wurpo diñ fruygi

16Naw gwa' rab koëe nday ko ge nen äi gaa so hase, day blam naw sen rab pa, nday fer ge yañ ko nen äi tigriñ pa. 17Jar po wo yoo jar ma wer äen raw wo riñ kaçaçra ga: A waçaç ga naw gwa' rab koëe, naa ko ge nen se gaa so hase, day blam sen naw rab pa naa fer ge ko nen se kway pa. Se de wo ge see Paçaçbe no, aà waçaç naa gahaçy äa? 18Wer waçaçre maga aà waçaç ga naw rab koë gahaçy äa? Naa bay de laa wer fen maga aà waçaç ti äe mo haç' wa. 19Yeso raw koge ga aà wo de saçy wii sege ti, raw riñ rage ga: Ndi hay riñ wee we ga: Naw gwa' rab koëe nday ko ge nen äi gaa so hase, day blam sen naw rab pa, nday fer yañ ko nen äi, nday wii kaçaçra naa diñ ti sen no? 20Kidolgi ndi riñ wee ga nday rag ge yañ, nday ndum gi yañ, ama jar ma ti tamsir la joñ wo fruygi yañ, nday kol yañ law see äay, ama law ge see äay kol yañ go diñ fruygi. 21Naw waçy kos we go ma biñgi so no, aà raw äo' ëee law see äe, werga bon de a ge ti äe, ama mbargan wo kal ge le go mokay, aà raw yoçoç ti bon ma keäaan go, werga äil äe raw joñge go feh ti mbarga maga se biñ ne go mono. 22Nday de ngaäge do waçy no lay, patala nday de law see äay, ama ma äi, ndi fer ge yañ le ko wee ge, nday joñ ge fruygi yañ, jobo kaçaç ma dig fruygi äay ge go gaa hase.

23Wur sen wo ge a ge mokay, nday wii mege ti mopo gaa so hase. Kidolgi ndi riñ wee ga Paçaçben haç ge feçeçre maga nday wië ne ge de ëu äi mo äuy yañ ne nday. 24Haçaç bo patala nday bay de wii mopo de ëu äi wa ëa hase, wië wee, ni nday daë yañ, wersen ni äil äay joñ yañ go feh debañ so.

Yeso ga se de ma joñ blum jar ma ti tamsir wo no

25Ndi waçë ne nday patala äuy diñ de jagjoçoç. Day wurpo a ge yañ le maga ndi waçaç ge ne nday de jagjoçoç gaa so hase, ama ndi kaçaç ma waçaç waçaçre mani Pan äin go ne nday paha. 26Wur sen wo ge a ge mokay, nday wië gi Paçaçben wo de see äay ti ëu äi. Ndi wii wee ga ndi wii gi Paçaçben ti äay gaa so. 27Werga Paçaçben de see äe da wee. AÀ da wee wer maga nday de da ndi, nday yaçaç ree äi ga ndi a le go see Baa. 28Ndi a le go see Paçaçbe no, ndi raw age yoo jar ma ti tamsir la wo, patala ndi men jar ma ti tamsir lan wo go, ndi de ferge see Paçaçbe no.

29Jar ma wer äen raw wo riñgi äe ga: Ndo de waçaç ge äe go bay jagjoçoç patalam pah kay so no. 30Patala wuur ko we ga ndo go de ko reen äuy, ndo bay de saçy maga aè mo wii mo wii gi wa, diñ wersen, wuur de yaçaç waçaçre äo ga ndo a le go see Baa. 31Yeso raw fer waçaçre ne hara ga: Nday yaçaç waçaçre äi we patala so gla? 32De ele, wuur yañ a ge, aà go de a ge patala yaw, maga nday dus ge go boñ boñ äuy wosela liñ ni äe liñ ni äe, nday men ge ndi ge go boñ, day ndi joñ ge de see äi boñ gaa, werga Paçaçben yañ de ëaw ndi. 33Ndi sii sen ne nday mo äuy kay, maga nday mo hay de tayge see äi jam. Jar ma ti tamsir la joñ wo coo äay yañ, ama lag wee ngiñ. Ndi go de ma joñ blum jar ma ti tamsir wo no.

Currently Selected:

JAÑ 16: TUPB

Highlight

Copy