TI§I§GI WERE 9
9
Baa joñ tayge jag de Nowe
1Baa raw kañ bosa' ne Nowe ti de weere äen wo äuy day riñ ra gano: Tes wee, dus wee, ni nday baa wee tamsir go. 2Nday joñ ge yañ diñ jar joñ heçeçne ma de haçaç ne nayre ma gesiñ wo la äuy, ne dweere ma ciñ wo äuy, de feçeçre ma seëge de äil wo, de ceçeç ma nen bii wo äuy. AÀ wo go de haçge ne nday bi coo do. 3Feçeçre maga wo tenen äuy mo äuy, de maga seeë wo de äil mo äuy, joñ ge wo diñ reege äo. Ndi haç ra ne ndo do maga ndi hay joñ ti feçeçre ma de tï¡ëgi wo no lay. 4Diñ ga anne, nday ree ge nay de tenen äen äuy gaa, kañ nen ga de ci äe no. 5Ndi fer ge yañ wii ci äo maga diñ tenenn tu lay ge, ndi fer ge wiigi äe do horog ma honla äuy. Do je tabay ma honla tenen caw äuy mono, ndi wiigi tenen äen do äe. 6Je maga kaa ci jobo we go no jobo kaa ge ci äe go lay.
7Werga Baa joñ je tabay de mañge äe. Day nday, tes wee, dus wee ti yoo äay, lag wee go ti tamsiri, dus wee wo go ti äe äuy.
8Baa fer wii Nowe wo de weere äen tigriñ äuy pa gano:
9Ma äin ndi joñ ge tayge jag yañ de äay, de wer mani bay wo no. 10Feçeçre ma tenen maga nday de kaçaçra mono, weere dweere wo de horog wo äuy, de n aè yre ma gesiñ la wo äuy, maga laa wo le go äi daagen mo äuy no, de nayre ma gesin la wo äuy. 11Ndi joñ ge tayge jag äin yañ de äay. Mopo joñ ge de mañ sen nen maga feçeçre ma de haçaçgesee wo äuy mo taw wo go de bii mañge gaa so. Bii mañge joñ ge ma älag tamsir go gaa so. 12Baa day ga: Mokay diñ fen kañ nen maga ndi kañn ti holañ äay de äi, de feçeçre ma tenen maga wo de äay ti tï¡ï¡gi were, day haçaç wo pel mono. 13Ndi naa ge manyabaa äin yañ nen swaare, day aà joñ ge yañ diñ fen kañ nen ti holañ äi de tamsiri. 14De maga ndi ndar ge swaare wo we le ciñ ti tamsir no, manyabaa naa ge ge yañ le yoo swaare no. 15Day ni ndi ëig gi ti yañ ti tayge jag äi maga ti holañ äay de äi no, de feçeçre ma tenen ma gesiñ wo lam äuy no, day ni biin kol ge diñ bii mañge ma taw haçaçgesee wo go äuy gaa so. 16Manyabaa naa ge yañ yoo swaare no, ndi kon ge yañ, day ndi fer yañ ëiggi ti tayge jag ma tum ma ti holañ Baa wo de feçeçre ma tenen maga wo gesiñ lam äuy no. 17Baa wii Nowe ga: Mokay diñ fen kañ nen maga ndi kañn ti holañ äi de feçeçre ma de haçaçgesee maga wo gesiñ lam äuy no.
Nowe wo de jar ni äe
18Jar ni Nowe maga laa wo le go äi daagen hay wo diñ Sem, Kam wo de Jafede. Kam joñge diñ pan Kanaan. 19Jar ni äe ma swa' fer wo joñ ngaäa jar ti tamsiri.
20Nowe kal ya'ge jee siri, kal kañ pay tlalum. 21AÀ kal joo yii ta go, kal gwa'ge go glog koë ti' äi mburyug äe no. 22Kam pan Kanaan ko pan äe go glog koëe, kal rawge waçaçge äe wo go sigi ne heçeçre äe ma äog wo no. 23Do kay nono Sem wo de Jafed raw wo hoo oçoçbe ma kluu, laan wo soole äaara äog äuy, see wo wo de faale, kal wo yoñ glog pan äaara. Do ga nen äaara hay wo go de ngiëgi so mono, saara kaçaç ma ko glog pan äaara gaè. 24De maga yiin naa ge le go ne Nowe ti so mono, aè kal bir waçaçre maga je ni be ma kluun joñ ne de äe mono. 25AÀ kal waçaçge so ga:
Kanaan mo hay go de faëge!
Daga aà mo hay diñ gebe geberen wo
Gebe ma heçeçre äen wo!
26AÀ day pa ga:
Bosa'n mo hay diñ ma Manwuri, Baa mani Sem no.
Daga Kanaan mo hay diñ gebe äaara!
27Daga Baa mo kañ Jafed ti diy!
Daga aà mo hay äil mburyug mani Sem wo no,
Ni Kanaan mo hay diñ gebe äaara!
28Nowe fer kiñgi ni kiskis swa' ti äe do dwee blam mañge biin ëa pa. 29Kiñgi maga Nowe joñ ne caw baa jag go äuy kiskis kaawa' ti äe do dwee, blam äe aà kal hugi go.
Currently Selected:
TI§I§GI WERE 9: TUPB
Highlight
Share
Copy
Want to have your highlights saved across all your devices? Sign up or sign in
Le Bible en Tupurri © Alliance Biblique du Cameroun 2006
