TI§I§GI WERE 34

Simeyoñ wo de Lefi sa' wo hee maygeman äaara maga aè mbuë saçaçre äe go mono

1Dina, may maga Leya biñn ne Jakob mono kal kalge wo go ma ko mayre ma äi leegen wo no. 2Sikem je ni Hamor, wañ hifid ma ti äañ ngeel sen ni mono, ko ne, kal baage äe raw suugi de äe mbuë saçaçre äe go. 3AÀ kal sa' see äe go de ëiggi äe äuy ti Dina, may mani Jakob no. AÀ hay da may ma tiglin debañ tu, ko äod ndalge ne hen äil na fo gaè. 4Sikem wii pan äe Hamor ga: Da may sen me waçy. 5Jakob kal laage ga aà mbuë saçaçre may se no. Day so, jar ni äe wo le go mbasga de horog wo ëa lay mono, se kal mbe ferge ba' so.

6Hamor pan Sikem kal nduugi äiñ Jakob ma fer waçaçre ne hene. 7Jar ni Jakob a wo liñ laa wo mo sen lay. Jar sen wo mo kay see äaara huë go, day äil äaara kal ce rage debañ, werga Sikem joñ diñ mo ma mbuë saçaçre Israyele, de maga aà suu de may Jakobn mono, sen mokay diñ mo maga joñ gaè. 8Hamor kal fer waçaçre ne hara do kay no so ga: Je ni äi Sikem mono, fruygi may äayn mo caw la baa ëiggi äe wo go äuy. Ndi kam nday haçn wee ne hen waçy ëa la. 9Nday de kaçaçge ma sa' jag ti dage naare de wuuri. Nday haç mayre äay ne wuuri, day nday aà da ma wuur wo lay. 10Nday lagge nbay ni wuur la, day sirn joñ ge mbe diñ äay lay. Lag wee mbay joñ trere äay ni nday daë mbay feçeçre äay.

11Sikem riñ pan Dina wo de heçeçre äen ga: Maga äil äay mo hay go feh mono, wii wee mbay fen maga ndi mo haçn ne nday mono. 12Ngaä wee mbay horog ma ti may äayn pur de kado wo, ndi haç mbi fen maga nday wiin yañ. Ama haç wee mbay may ma tiglin me waçy. 13Jar ni Jakob kal wo fer waçaçre ne Sikem wo de pan äe Hamor de hila, werga Sikem hay mbuë saçaçre mangeman äaara Dina go mono. 14AÀ wii wo ra ga: AÀ see wuur de gaali maga wuur haç maygeman wuurn ne je ma bay caa äï¡ï¡ni, werga sen mo haç' diñ ree saçaçre se wuuri. 15Wuur yiñ mbe jag yañ wer äay diñ ga hayga nday kol we do wuur no lay, ga ma twar ma yoo äayn äuy nday caa äï¡ï¡ni äe we go mono. 16Wuur haç mbe mayre wuur wo yañ ne nday, wuur da mbe mayre äay wo yañ wer wuur lay. Wuur lag ge mbe yañ de tiñ ti holañ äay la, naa kol ge mbe yañ diñ jar po boñ. 17Day hayga nday day we laa jag wuur caa äï¡ï¡ni gaa no, wuur baa ge may wuur no, wuur raw ge. 18Waçaçre sen kal cooge jag Hamor, coo jag je ni äe Sikem lay. 19Weel ma jaçaç la yaçaç ti bay joñge äe gaa so has äuy, werga may mani Jakobn hay de coçoçre jag äe. AÀ hay na diñ je maga aè kee go tinoo liñ ni pan äe ni na diñ se.

20Hamor kal wo ferge de weel äe Sikem, wo wo lagge jag tiñ äi leege no, kal wo fer waçaçre ma kay ne jar ma äi leegen so ga: 21Jarn wo mbaara jam de naa. AÀ mo lag wo mbaara äi sir ni naa la, mo joñ mbaara trere äaara lay, sir yañ mbe kluu pel äaara. Naa da ge mbe mayre äaara, day naa haç ge mbe mayre naa ne hara lay. 22Ama day jar sen la yiñgi wo jag ma lagge de naa nen maga naa mo kol jar po boñ mono, diñ ga hayga ma twar ma yoo naa äuy yañ go de caa äï¡ï¡ni do maga saara no lay mono. 23Horog äaaran wo de feçeçre äaara wo mo deñ äuy joñ ge wo diñ ma naa ga? Naa yiñ mbe jag ti waçaçre äaara no, maga aà mo lag wo see naa la. 24Jar maga hay wo le go laage ma woge jag tiñ äi leege äen mono, laa wo waçaçre maga Hamor fern wo de weel äe Sikem mono, ma twerpiiri maga hay laa wo le go jag tiñ ni mo äuy aè caa äï¡ï¡ni äaara go.

25Wur naw ma de swa'n mono, de maga saara ti bon mo deñ no, jar ni Jakob wo, weeregeman Dinan wo, hoo wo moslam äaara ti, wo wo äi leege maga hay ëig äen ga mo po du' se ga so mono, ii wo ma twerpiirin wo go feçd äuy. 26Legaw wo Hamor wo go de je ni äe Sikem ciñ jag moslam lay. Baa wo Dina le go liñ ni Sikem laa wo le go. 27Jar ni Jakob laa wo ne huulin ti, frum wo äi leegen go wer maga aà hay mbuë wo saçaçre maygeman saara Dina mono. 28AÀ hoo wo horog äaara ma kleere wo de ma kluuri wo, gerheçeç maga hay wo äi leege ni de maga hay wo le go mbasga mo äuy. 29AÀ tor wo, frum wo feçeçre äaara no, weere äaara wo de naare äaara wo, feçeçre maga aà da' ra liñ ni äaara ni mo äuy.

30Do kay nono, Jakob wii Simeyon wo de Lefi ga: Nday de joñ ree ma haç ëiggi me, nday nii kol me ge go diñ je hoor see nen jar sir wo no, jar Kanaan wo de jar Feresid wora. Jar ma äin na mbag koëe, aà tay ge wo jag ge ti äi, aà äumgi wo ndi mokay la, aè taw ge tiñ mani äin go. 31AÀ kal wo fer waçaçre ne hen ga: AÈ joñ mbe maygeman wuurn do gawlañ no koë ga pa ge?

Currently Selected:

TI§I§GI WERE 34: TUPB

Highlight

Copy