Baloma 9
9
Leza u Bantu Bakwe
1Ndaamba cakushinizha kwiita mwa Kilisito, nshibeyi pe. Awo monzo wangu nguupa bumboni mukusololelwa u Moza Usalala, 2nkaambo ndi usile cini cini ulimwi cilacisa ku monzo wangu. 3Nkaambo kuti nicaakukozheka, Leza naanshinganya uku ŋandaanya u Jeso Kilisito, ukaambo ka bantu ba mushobo wangu bakwesu ku mubili. 4#Kul 4:22Baba mba Izilaili babo Leza mbaakasala ati babe banakwe, bulemu u shipangano u kupa mulawo u kukomba ulimwi u shishomezho, 5maushabo akasokela ku luhubo lukando lwa ci Hebulu, nkaambo nkukumukowa waka Kilisito mu buntu bwakwe. Ubobo Leza uyendelezha shintu shoonse atembaulwe lyoonse, Ameni.
6Inzho tacaamba ati izwi lya Leza lyakacilwa. Kayi takuli kwaamba ati boonse ba Izilaili mba Izilaili beni beni. 7#Mata 21:12Ulimwi tacaamba ati boonse ba lunungu lwaka Abulahamu, mbanakwe Leza. Luhubo nundakakushomezha ulakalukwata kwiita mwa Aizeki mwanako. 8Ceci cilaamba ati, tabali bana bazhalwa ku mubili, batewa ati mbana ba Leza, pele bana ba cipangano mbubatewa ati mba luhubo lwini lwini. 9#Mata 18:10Nkaambo izwi lya cishomezho ca Leza lilaamba ati, “Ku ciindi ceci ncicona, Saala ulakakwata mwana mweembezhi.”
10Takuli bulyo bobo, nkaambo mbubona bobo mbucakacitika ukwa Labeka, wakemita kwa ushesu Aizeki. 11#Mata 25:23Inzho bana baba nibatakakuna kuzhalwa, u kucita cintu cibotu na cibiyabi, kwaamba bukanze bwa Leza bwakusala butolelele, 12nkaambo teeli milimo, mbwite bwakwe. Leza wakaambila Labeka ati, “Mukando ulakasebezela mucece wakwe.” 13#Mal 1:2, 3 Nkaambo Malembe alaamba ati, “Ndakamufwuna Jakobo, pele Isau ndakamusula.”
14No twaambe acani? Sa twaambe ati Leza taluleme? Imbo bobo pe! 15#Kul 33:19Nkaambo wakaambila Mozesi ati, “Ndakafwila luse wezo ŋunkaafwila luse, ulimwi ndakamufwila inkumbu wezo ŋunkaafwila inkumbu.” 16Ubobo cikando tacili ceco ncaazanda muntu, naaba matunta akwe, pele cikando nduse lwa Leza. 17#Kul 9:16Umbona mbuli mbutubala mu Malembe ati, “Leza wakaambila Falawo ati, ndakubika a bwami kwaamba kwiita mulyuuwe ntondezhe insana shangu, ulimwi u kwaamba izhina lyangu lizhibwe inshi yoonse.” 18Ubobo Leza ulafwila luse muntu kufwumbwa wezo ngwaazanda, ulimwi ulazumya monzo ku muntu kufwumbwa ngwaazanda.
Bukali bwa Leza u Luse
19Inzho umwe mulakaambaati, “Naa cili bobo, no Leza ulakonzha buti kuyanina muntu butongo? Ubobo no nguni ukonzha kukazha ncazanda Leza?” 20#Aiz 29:16; 45:9No ndiweni uwe umuntu bulyo ukazhanya u Leza? Sa cibiya cilakonzha kwaambila mubumbi ati, “No, wamumbilaanzhi bolya?” 21Sa mubumbi wiina ceelelo cakubumba shibiya shobile kuhwa kumufwuma womwi, amana ulasebezha cibiya cimwi kumulimo wa bulemu, cimwi kumulimo wiina bulemu?
22Sa kuti Leza naakazanda kutondezha bukali bwakwe, kwaamba ati bantu bazhibe insana shakwe, naatakaba shicamba, naakabalekelela babo boonse mbaakaakuzanda kuzonauna? 23Sa katazanda ati atondezhe bulemu bwakwe mbubuli bukando kuli babo mbaakafwila luse, lolo ndwaakatubambila kwaamba tukatambule bulemu bwakwe, 24kubicilizha aswe tuba kunze intwakatewa, kutali bulyo kuhwa kuba Juda baloolona? 25#Hos 2:23Umbona mbuli mbwaamba Leza kwa Hosiya mushinshimi ati,
“Babo batakaakuli bantu bangu, ndakabeta ati mbantu bangu.
U wezo ŋundatakaakufwini, ndakamwita ati, ‘Nakufwunwa.’”
26 #
Hos 1:10
“Ulimwi ngoona abusena awo ngubakaambilwa ati, ‘Tamuli bantu bangu,’ ngubakaatelwa ati, ‘Bana ba Leza mumi.’”
27 #
Aiz 10:22, 23 Aze Aizaya mushinshimi, ulapozomoka ati, “Nikukaba kwaamba mweelwe wa bana ba Izilaili uli ukoya musenga waku lwaatele, pele bakaafwutuka mbashoonto bulyo. 28Nkaambo Leza ulakacita lubeta ku bantu baanshi ano kufwambaana u kumanizha!” 29#Aiz 1:9Mbubona mbwaakashinshima Aizaya ati, “Kuti Mwami Namakungwe Mutalabala naatakatushiila luhubo, aswe intwakaba bwakaba Sodomu, u Gomola.”
Kutashoma kwaba Izilaili
30Sa twaambe acani? Bakunze batakabukapula bululami bwa Leza, bakabuyana bululami, nkukuti mbululami bwa kwiita mu lushomo. 31Pele ba Izilaili babo bakaakusola kuba balulami kwiita mukubamba Mulawo, bakakacilwa kuuzuzucizha Mulawo wezo. 32Nkaamboonzhi? Nkaambo kabazanda kuba balulami kunze lya kushoma, pele bulyo mukusola kucita milimo mibotu yabo. Bakalifwumpula kwibwe. 33#Aiz 28:16Mbuli mbukulembelwe ati,
“Amulange, ndabika mu Zioni ibwe limfwumpula,
ulimwi umwala uba unsha,
kufwumbwa wezo uukaashoma mwakwe,
takaushiwa insoni.”
Currently Selected:
Baloma 9: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
