Baloma 11

Luse lwa Leza ku Bana ba Izilaili

1 # Bafi 3:5 Inzho ndabuzha ati, sa Leza wabakaka bantu bakwe? Imbo bobo pe! Kayi ume ndimwini inta ndi muna Izilaili! Ndahwa ku lunungu lwaka Abulahamu, mu mushobo waka Benjamini. 2Leza wiina kubakaka bantu bakwe pe, bantu mbaakasala kale. Sa tamweezhi Malembe mbwaamba aka Elija mushinshimi, naakakomba ukulilauka kwa Leza makani a bana ba Izilaili? 3#1 Bami 19:10, 14Wakaamba ati, “Mwami, bakayaya bashinshimi bako banji banji, ulimwi bakazonauna shipaililo shako. Kwashaala bulyo ume ice, ulimwi ame balakapula bumi bwangu.” 4#1 Bami 19:18No Leza wakamwiingula acani? Wakamwiingula ati, “Mulwangu ndimwini ndibambile balombwana bali shuulu shili ciloba u bayina nibakakomba leza wabubeshi Baala.” 5Umbona bobo u mazuba ano, kuli mweelwe mushoonto bulyo wa babo mbaakasala Leza mu luse lwakwe. 6Pele na kuti wakabasala mu luse lwakwe tacikonzha kuba mukaambo ka milimo njibakacita pe.

7Inzho tulaamba acani? Ba Izilaili bayina nibakaciyana ncibakaakuzanda, pele basale bakaciyana, banamunji bakaba bashicinguni. 8#Ciz 29:4; Aiz 29:10Umbona mbuli mbukulembelwe ati,

“Leza wakabapa moza wakuhoolozha.

Menso abo taaboni, u matwi abo taateeleli, kushika uceno ciindi.”

9 # Inte 69:22, 23 Aze Devidi ulaamba ati,

“Amuleke itebulu lyabo kabe kooze iiliba,

cibe cilebyo ca kusubulwa kwabo.

10Leka menso abo akwate loofwe, kwaamba bataboni,

myoongo yabo yoobe lyoonse.”

11Inzho ndabuzha, sa baba bantu balalifwumpula kwaamba ati bawe? Imbo bobo pe! Pele kubisha kwabo kwaleta lufwutuko ku bantu bakunze kwaamba ati ba Izilaili bafwe munyono. 12Ubobo twabona ati kubisha kwaba Izilaili kwakaleta shileleko anshi ano, ulimwi na kubisha kwa ba Izilaili kwakaleta shileleko ku bantu bakunze, no kuzunjilwa kwabo kuzwile, kulakapandululaanzhi?

Lufwutuko lwa Bantu Bakunze

13Inzho ndazanda kwaambila umwe nuba kunze, mbuli mundi mutumwa wenu umwe numutali ba Izilaili, ndeekomenya milimo ya butumwa bwangu. 14Ambweni mukucita bolya, ndakonzha kupa ati bakwesu bafwe munyono, ubobo bamwi babo bakahunwe ukufwutulwa. 15Nkaambo kuti kukakwa kwaba Izilaili, kwaletela ati inshi yoonse isanduke kuhwa ku bunakusulwa ukuba banakufwunwa bakwe, no cilakaba buti mu kutambulwa kwabo? Cili bulyo ukoya bumi kuhwa kubafwu.

16Kuti naa muntu wapa cipanzha citaanzhi cacinkwa kwa Leza, nkukuti cinkwa coonse cashaala cilasalala. Na kuti muzanda ulasalala, nkukuti ayo mitabi ilasalala. 17Na mitabi imwi yacisamu ca oliva yakakombolwa, inzho uwe nikubaati uli cisamu camwisokwe, wakalungwa akati kamitabi yezho imwi ya cisamu, inzho wakanka kwaabana shakulya shihwa kumizanda yacisamu ca Oliva cishanje. 18Nkukaambo kako, tweelele kusampaula mitabi. Na ulacita bobo, zhibaluka ati indiwe nuukwatilile mizanda, pele mizanda njiikukwatilile.

19Inzho mulaamba ati, “Mitabi yakakosaulwa kwaamba tulamatikwe uswe.” 20Ee, umbona bobo. Bakakombauka nkaambo bayina nibakashoma, ubobo umwe mulishite mucisamu nkaambo kakushoma kwenu. Ubobo tamweelele kulisumpula pe. Pele amutiye, mutalisumpula. 21Nkaambo na Leza wiina naakahuna ba Izilaili ubali ukoya mitabi yacizhalwa, sa ulatelaika ati uwe ulakonzha ukushinzha? 22Inzho amuzhibe ati Leza ngu shiluse cini cini, ulimwi mukali. Mukali kuli babo bawa, pele ulikwete luse kwenu na kuti mwaitilizha mu luse lwakwe. Naa kuti amwe mulasampaula luse lwakwe ati amwe mulaakonoka. 23Ubobo kwaamba ba Izilaili, batakakatili linji kukaka u kutashoma kwabo balilekelela, Leza ulakabalamatika ulimwi. 24Nkaambo uwe uwa kunze uli ukoya mutabi wa oliva wa mwisokwe wezo Leza ngwaakalunga ku cisamu ca oliva, tuli cisamu cishange, wakalungwa bulyo Izilaili bali ukoya ceci cisamu cishange. Sa tacili cuuba uba kupilusha mitabi mikososhi ku cishiko ca cisamu ca oliva ulimwi?

Leza ngu Shiluse ku Bantu Boonse

25Bakwesu, nkwaali maseseke ngunzanda kumuzhibya kwaamba ambweni mulatelaika ati muli basongo. Maseseke azo ngaaza, ba Izilaili baba bashicinguni, ubobo kulaakuli bobo mpaka bakunze boonse bakamuzhibe Leza. 26#Aiz 59:20, 21Ndilelyo ndilyona ba Izilaili boonse nibakakafwutulwa. Mbubona mbukulembelwe ati,

“Mufwutuli ulakeza kuhwa ku Ziyoni.

Inguwe, ukaakusha bubiyabi bwa Jacobo.

27 # Aiz 27:9 Ceci ncipangano cangu abo lelyo ndakakusha shibi shabo.”

28Inzho kwaamba makani mabotu, ba Izilaili mbubashinkondonina Leza ukaambo kenu. Pele kwaamba shakusalwa, ba Izilaili Leza mbubanakufwunwa ukaambo kaba shaakale babo. 29Nkaambo shipo ubwite bwa Leza tashisanduka eta muntu ukumulonjezha. 30Nkaambo kale kale umwe nubakunze, kamutamuteeleli Leza, pele inzho Leza, wamufwila luse nkaambo ba Izilaili bakaakumukaka ukutamupupulala. 31Inzho umbona bobo ba Izilaili tabapupulali Leza kwaamba ati mukutambula luse lwa Leza umwe, abo balutambulile ngawo. 32Nkaambo Leza wakacita ati bantu boonse babe baanje ukaambo kakutamuteelela. Wakacita bobo kwaamba ati abafwile luse boonse.

Aalumbwe Leza

33 # Aiz 55:8 Ha! Buhubi u luzhibo u busongo bwa Leza bwahulisha! No nguni ukonzha kupandulula makanze akwe u kuteelelesha inzhila shakwe? 34#Aiz 40:13Shili mbuli mbukulembelwe ati,

“Anu nguni uuzhi matelaishi a Mwami Leza?

Nguni uukonzha kumubula?

35 # Jobo 41:11 Na nguni wakamupa Leza cintu,

kwaamba amana walo akamuzholele?”

36 # 1 Bako 8:6 Nkaambo shoonse shintu shilahwa kwakwe. Alimwi nguwakalenga shintu shoonse. Alimwi shoonse shintu nshakwe. Leza alemekwe lyoonse buteeli. Ameni.

Currently Selected:

Baloma 11: ILL

Highlight

Copy