Luka 17
17
Kubisha Ukulekelela
(Matayo 18:6-7, 21-22; Maako 9:42)
1Jeso wakabaambila ba shiciiya bakwe ati, “Kulakaba imfwumpu shipa kwaamba muntu abishe, pele mapenzhi kuli wezo uushileta! 2Cilabota kwaamba wezo waangwa iikangabwe munshingo ukuwaalwa mu lwaatele, kubaala kuti amfumpuzhe umwi akati kabana bashoonto. 3#Mat 18:15Amucenjele!
“Kuti munyoko wakubishizha, umutapatile, na kuti wabeba mulekelele. 4Na kuti wakubishizha shiindi shili ciloba mu buzuba bomwi, amana uleza kwako shiindi shili ciloba kwaamba ndabisha, ulyeelele kumulekelela.”
Lushomo
5Batumwa bakamwaambila Mwami Jeso ati, “Luhuzhe lushomo lwesu!” 6Mwami wakabaingula ati, “Kuti lushomo lwenu nilwaakwiingaine ukasece kamasitadi nimwaakulozha kwaambila ibuzu leli ati, ‘Zhuka awa ushimpikilwe mu lwaatele,’ lilakonzha kumuteelela.”
Mulimo Wamusebezhi
7“Kuti muntu umwi akati kenu kakwete musebezhi ulima mu muunda na uyembela imbelele. Ciindi naakotoka kuhwa ku muunda, sa ulamwaambila ati, fwambaana bweza cakulya ulye? 8Pe pe! Pele ulamwaambila ati, ‘Sama kabotu umfwutaucile cakulalila, unsenjelele ndye u kunwa, ndamana kulyaaze nuukalya u kunwa.’ 9Sa musebezhi ulalumbwa kuti wacita ceco ncaambilwa kucita? 10Mbubona bobo amwe kuti mwacita nshimwaambilwa kucita shoonse, kamwaamba ati, ‘Tatweelele kulumbwa tuli basebezhi bulyo, twacita ceco ncitwaakweelele kucita.’”
Jeso Waponya Bashicinsenda bali Ikumi
11Inzho Jeso naakaakuya ku Jelusalemu wakaita munyinza ya Samaliya u Galilaya. 12Ucinjila bulyo mu munzhi umwi, wakaswaanganya bashicinsenda bali ikumi. Bakazhima ansansa, 13boompolola ati, “Mwami Jeso! Tufwile luse!”
14 #
Bale 14:1-32
Inzho Jeso wakabalanjilila wabaambila ati, “Kamuya mukalibonye ku bapaizhi.”
Nibakaakuya bweenda bakapona. 15Umwi akati kabo naakabona ati wapona, wakapiluka kwa Jeso ulaya butembaula Leza ca kupozomoka. 16Naakashika kwa Jeso, wakafwukama wamulumba. Wezu shicinsenda kali mu Samaliya. 17Jeso wakamubuzha ati, “Inta ndaponya bali ikumi, no bali ifwuka balikwi? 18No kaamboonzhi nikweza bulyo wezu muhwamashi kulumba Leza?” 19Jeso wakamwaambila ati, “Zhimuka koya kaambo washoma, lushomo lwako lwakuponya.”
Kwiza kwa Bwami bwa Leza
(Matayo 24:23-28, 37-41)
20Bamwi ba Falisi bakamubuzha Jeso ati, “No Bwami bwa Leza bulakashika liliye?” Aze wakabaingula ati, “Bwami bwa Leza tabulibonya nibushika, tabuli bwakuyowaila pe. 21Kwiina ukakaamba ati, ‘Amulange mbubobu bwashika,’ na ati, ‘Mbubolya kolya,’ kaambo Bwami bwa Leza buli akati kenu.”
22Inzho wakabaambila ba shiciiya bakwe ati, “Cilakashika ciindi ncimukaabilaana kubona nibuba bulyo bomwi buzuba bwamazuba a Mwanaa Muntu, pele tamukabuboni. 23Kulakaba bantu bakakamwaambila ati, ‘Amulange nguwelya kolya,’ na ati, ‘Kamwiza nguweno kono!’ Mutakayi kukapula pe. 24Nkaambo mbubona mbulucita lulabo, lwalaba kuluya lumwi, lulamweka kuya kushika kuluya lumwi, mbubona bobo mbubukaaba buzuba bwa kwiza kwangu ume ndi Mwanaa Muntu. 25Pele Mwanaa Muntu ulyeelele kutaanguna kupenga mapenzhi manji manji, ukukakwa ku bantu baano mazuba. 26#Mata 6:5-8Mbubona mbucakaakubele ku mazuba aka Nowa, mbukukaaba ukumazuba a Mwanaa Muntu. 27#Mata 7:6-24Ku mazuba azo, bantu kabalya u kunwa, kabatwala ukutwazhiwa kushicila buzuba Nowa nakenjila mu bwato, u meenzhi nakashika ukubazonauna. 28#Mata 18:20—19:25Ulimwi mbubona mbucakaakubele ku mazuba aka Loti, bantu kabalya u kunwa, kabaula ukuuzha, kushanga ukuzaka maanda. 29Mu buzuba Loti nakahwa mu Sodoma, kwizeulu kwakawa mulilo wa mushili wakabazonauna boonse. 30Mbubona bobo mbukukaaba mu buzuba bwangu ume ndi Mwanaa Muntu.
31 #
Mat 24:17, 18; Mk 13:15, 16 “Mu buzuba bobo, uli alululi lwa ŋanda atakaseluka kwiza kubweza shintu shakwe shili muŋanda, mbubona aze uli mu muunda atakabweela ku munzhi. 32#Mata 19:26Amuzhibaluke muka Loti! 33#Mat 10:39; 16:25; Mk 8:35; Lk 9:24; Joh 12:25Kufwumbwa muntu uzanda kufwutula bumi bwakwe ulabusowa, pele wezo uusowa bumi bwakwe ukaambo kangu ulakabunununa. 34Ndamushimwina ati, mashiku azo ngoona, kulakaba bantu bobile bakaayanwa balilele abulo bomwi, umwi ulakatolwa, umwi ulakashaala. 35Bakaintu bobile balakayanwa balazhiya antoomwi, umwi ulakatolwa, umwi ulakashaala. 36#17:36 Amwi mabuka aci Giliki ayina kapango ka 36 Balombwana bobile balakayanwa bali mu muunda, umwi ulakatolwa, umwi ulakashaala.” 37Ba shiciiya bakamubuzha ati, “No nkukwi Mwami?” Jeso wakabaingula ati, “Koko kuli mutunta uba shikube nkubakaabungana.”
Currently Selected:
Luka 17: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.
