Job 36
36
Caibidil XXXVI.
Gurab toirmiosc ar iomdha beannachadh o Dhía, peacadh an Duine.
1Do chúadh Elíhu fós air a aghaidh, agus a dubhairt.
2Fulaing dhamh heagán, agus taisbeanfuidh mé dhuit go bhfuil ní agam fós ré a rádh a ttaobh Dé.
3Do bhéara mé méolus as imchían, agus cuirfidh mé ceart a leith mo Chrúthuighthéora.
4Oír go fírinneach ní bhéid mo bhríathra bréagach: an té atá iomlán a néolus atá sé maille riotsa.
5Féuch, atá Día cumhachtach, agus ní tharcuisníghionn sé aoinneach: atá sé cumhachtach a neart agus a ccrionnacht.
6Ní cháomhnann sé beatha an drochdhuine: acht do bheir sé ceart don bhocht.
7Ní thairrngionn sé a shúile ó nfíréun: acht bíd síad a bhfochair ríogh annsa chathaóir ríoghdha; fós, daingnigh sé íad go bráth, agus arduighthear íad.
8Agus má bhíd síad ceangailte a ngeimhlibh, agus da ccongmháil a slabhradhuibh na haindeise;
9Annsin taisbeanuidh sé a nobair, agus a sáruighthe iona ndeachadar tar mhodh.
10Oscluidh sé fós a cclúas chum foghlumtha, agus aithnighidh sé dhíobh filleadh ó éaigceart.
11Má umhluighid agus foghnamh dhó, caithid a láethe a sonus, agus a mblíadhna á solás.
12Acht muna numhluighid síad, tuitfid leis an ccloidhiomh, agus do gheabhuid bás gan éolus.
13Acht na fúarchráibhithigh a ccroidhe crúachuid síad fearg súas: ní éighid síad a nuáir cheanglus sé íad.
14Do gheabhuid bas san náois óig, agus bí a mbeatha a measg na ndáoine neamhghlan.
15Tárthuighidh sé an bocht iona amhgar, agus foscluidh sé a cclúasa a sárughadh.
16Dá nós sin dáthrochadh sé thusa as an ccumhgach go hionad fhairsíng, mar nach bhfuil cumhgach ar bith; agus an ní do cuirfidhe air do bhórd do bhíaidh sé lán do mhéathus.
17Acht do choimhlíon tusa breath na ccionntach: do rug breitheamhnus agus ceart greim ort.
18Do bhrígh go bhfuil fearg riot, tabhair haire nach béaradh se leis thú re na bhuille: annsin ní sháorfa fúnsgladh mór thú.
19An mbía beann aige air do shaidhbhríos? ní bhiáidh, nó air ór, no air a nuile chumus neirt.
20Ná aír a noidhche, a nuáir ghearrthar daóine amach iona náit.
21Tabhair haire, na cuir do dhúil a néaigceart: óir do thogh tú so thair smachtughadh.
22Féuch, árduighidh Día lé na neart: cía mhúinios mar é?
23Cía chuir a shlíghe dfiachaibh air? nó cía fheadus a rádh, Doibrigh tú éaigceart?
24Cuimhnigh a obair do mhórughadh, noch do chíd na daóine.
25Féuduigh gach áonduine sin dfaícsin; féuduidh dhuine a fhaicsin a bhfád úadh.
26Féuch, atá Día mór, agus ní fheadamairne cía hé, agus ni mó is éidir fios uibhre a bhlíadhan dfagháil.
27Oír do ní sé na braóin uisge beag: dóirtid síad a núas fearthuinn do réir a ccéo:
28Noch shilid na néulla agus dhóirtid ar dhuine go lionmhair.
29An bféadann fós aóinneach leathnughadh na néull do thuicsin, nó fúaim a thabearnacuil?
30Feuch, leathnuighidh sé a sholus air sin, agus folchuidh sé iochdar na fairge.
31Oír is léo sin bheirios sé breitheamhnus air na daóinibh; do bheir bíadh úadh go líonmhar.
32Lé na neúluibh fholcus sé an solus; cuirigh sé dfiachaibh air gan déalrughadh leis an néull thig eatorra.
33Taisbeanuidh sé a fhuáim dá tháobh sin, a náirnéis fós a ttaobh an nidh theid súas.
Currently Selected:
Job 36: Bedell
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1817.
Maintained by the British and Foreign Bible Society (BFBS) on behalf of the National Bible Society of Ireland (NBSI) and the Bible Society in Northern Ireland (BSNI)
