Genesis 25
25
Caibidil XXV.
Sliochd Abraham thríd Chetúrah. 7 A aois agus a bhás. 24 Rugadh do Isaac, Esau agus Iacob.
1Ann sin tug Abraham bean, agus do bé a hainm Cetúrah. 2Agus rug sí dhó Simran, agus Iocsan, agus Médan, agus Mídian, agus Isbac, agus Suah. 3Agus do ghein Iocsan Séba, agus Dédan: agus dob íad mic Dhédain Asurim, Letusim, agus Leumim. 4Agus mic Mhídian Ephah, agus Epher, agus Hanoch, agus Abidah, agus Eldaah. Dob íad so uile clann Chetúrah. 5Agus tug Abraham a raibh aige dIsaac. 6Agus do chloinn na leannán, do bhí ag Abraham, tug Abraham tiodhlaicthe, agus do chuir sé air siubhal íad ó na mhac Isaac, (an fad do bhí fós béo) soirin, don tír shoir. 7Agus a síadso láethe bhliadhna Abraham, noch do mhair, céud, trí fichid, agus a cúig déug do bhliadhnuibh. 8Ann sin thug Abraham suas an Spioraid, agus déug a náois foirfe mhaith, na sheanduine lán do bhliadhnuibh, agus do cruinngheadh dhá mhuintir é. 9Agus do adhlaiceadur a mhic, Isaac agus Ismael é a nuaimh Mhachpelah a magh Ephron mhac Sohar an Hititeach, noch atá as coinne Mhamre. 10An magh do cheannuigh Abraham ó mhacuibh Het: an sin do hadhlaiceadh Abraham, agus a bhean Sárah. 11Agus tárla déis bháis Abraham gur bheannuigh Día a mhac Isaac, agus do bhí Isaac na chomhnuighe láimh ré tobar Lahai-roi. 12Annois asiád so geincaluigh Ismael mhac Abrahaim, noch rug Hágar an Tégiptach cumhul Shárah, Dabraham. 13Agus asíadso anmanna mhac Ismael, ann a nanmannuibh do réir a ngeinealach; cédghin Ismael Nebaiot; agus Cedar, agus Adbeel, agus Mibsam. 14Agus Misma, agus Dumah, agus Massa. 15Hadar, agus Tema, Ietur, Naphis agus Cedemah. 16Asíad so mic Ismael, agus asíad so a nanmanna ó na mbailtibh, agus óna ccaisleannuibh; dhá phriunnsa dhéug do reír a ccinidheach. 17Agus asíad so bhíadhna sháoghail Ismael, céd agus tríochad agus seachd mbliadhna, agus do thréig a spiorad, agus fuair bás, agus do cruinnigheadh dhá mhuinntir é. 18Agus do aítreabhadur ó Habhilah go Sur, atá as coinne na Hégipte mar do rachtha a ccionn na Hasiria: agus do dhéug sé a lathair a dhearbhrathar uile. 19Agus asíad so geinealuidh Isaac, mhac Abrahaim: do ghein Abraham Isaac; 20Agus do bhí Isaac ceathrachad bliadhain dáois a núair thug sé Rebecah do mhnaoi, Inghean Bhétuel an Sírianach ó Phadan-aram, deirbhshiúr do Lában an Sírianach. 21Agus do ghuidh Isaac an TIGHEARNA air son a mhná, do chionn go raibh sí aimrid, agus do éisd an TIGHEARNA a ghuidhe agus do toirrcheadh a bhean Rebecah. 22Agus do rinneadar an chlann ceannaruic a stigh inti; agus a dubhairt sisi, Más mar sin atá, créd as a bhfuilimsi mar so? agus do chuáidh dhá fhíafruighe don TIGHEARNA. 23Agus a dubhairt an TIGHEARNA ría, Dá chineadh atá ad bhroinn, agus dha chinéil dáoine dhealóchthar ód chorp; agus biáidh cineadh dhíobh as láidre na an cineadh eile; foigheónuidh an sinnsear don tsósar. 24Agus a nuáir do coimhlíonadh láethe a tuismidhe, féuch, do bhí cúpla na broinn. 25Agus táinig an chéudghia amach dearg go huilidhe, amhuil éudach clumhthach; agus tugadar Esau dainm air. 26Agus na dhiáigh sin tháinig a dhearbhrathair amach, agus do bhi greim agá láimh ar sháil Esau; agus tugadh Iácob dainm air: agus do bhi Isaac trífichid bliadhan dáois a nuáir do rugadh íadsan. 27Agus do fhásadur na buachuillidhe: agus do bhí Esau na fhiadhghuidhe ghlic, duine don mhachaire; agus do bhí Iacob na dhuine shoilléir ag áitreabh a bpuiblibh. 28Agus dob ionmhuin lé Hísaac Esau, do chionn go nitheadh dá fhíadhach: ach dob ionmhuin le Rebecah Iácob. 29Agus do bhruith Iácob brochán, agus táinic Esau ón mhachaire, agus do bhí lag: 30Agus a dubhairt Esau ré Iácob, Guidhim thú beathuigh mé, leis an mbrochán ndeirg sin; óir atáim lag: uime sin do goireadh Edom dainm dhe. 31Agus a dubhairt Iácob, Reac leam san ló aniugh do cheart beirthe. 32Agus a dubháirt Esau, Féuch, atáim ag dul a dhéug: agus créad an tarbha dhéunas an ceart-beirthesi dhamh? 33Agus a dubhairt Iácob, Mionnuigh dhamhsa san ló a niugh, agus tug sé a mhionna dhó: agus do reac a cheart-beirthe ré Iacob. 34Ann sin tug Iácob arán agus brochán luibhionn dó Esau; agus a duaigh agus do ibh sé, agus do éirigh suas, agus do imthigh roimhe: mar so do tharcuisnígh Esau a cheart beirthe.
Currently Selected:
Genesis 25: Bedell
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1817.
Maintained by the British and Foreign Bible Society (BFBS) on behalf of the National Bible Society of Ireland (NBSI) and the Bible Society in Northern Ireland (BSNI)
