Zakaria 3
3
Fahitana fahefatra: Josoa mpirosonabe nitsangana teo anatrehan’Ilay Anjelin’i Jehovah.
1ARY dia nasehony ahy fa, indro, Josoa mpisoronabe nitsangana teo anatrehan’Ilay Anjelin’i Jehovah, ary Satana nitsangana teo an-kavanany hiampanga azy. 2Ary hoy Jehovah tamin’i Satana: Hananatra anao anie Jehovah, ry Satana; eny, Jehovah Izay nifidy an’i Jerosalema anie hananatra anao; tsy forohana nosarihana tamin’ny afo va ity?
3Ary Josoa nitafy fitafiana maloto ary nitsangana teo anoloan’Ilay Anjely. 4Dia namaly Jehovah ka nilaza tamin’izay nitsangana teo anoloany hoe: Esory aminy ny fitafiana maloto. Ary hoy koa Izy taminy: Indro, efa nesoriko ny helokao, ary hampiakanjoiko akanjo fihaingoana hianao. 5Dia hoy izaho: Aoka hasiany hamama madio eo an-dohany. Ka dia nasiany hamama madio teo an-dohany, sady nampitafiny izy; ary Ilay Anjelin’i Jehovah dia nitsangana teo.
6Ary Ilay Anjelin’i Jehovah nilaza marimarina tamin’i Josoa hoe: 7Izao no lazain’i Jehovah, Tompon’ny maro: Raha mizotra amin’ny làlako hianao sy mitandrina ny didiko, dia hianao no hitsara ny amin’ny tranoko sy hitandrina ny kianjako, sady homeko làlana ho amin’ireo mitsangana ireo hianao.
8Koa mihainoa, ry Josoa mpisoronabe, dia hianao sy ny namanao izay mipetraka eo anoloanao; fa olona atao fahagagana ireo; fa, indro, ho entiko Rantsana#3.8 Na: Solofo. Mpanompoko. 9Fa indro, ny vato izay napetrako teo anoloan’i Josoa,–ny vato iray dia banjinin’ny maso fito;#3.9 Heb. amin’ny vato iray misy maso fito. indro, hosoratako ny sorany, hoy Jehovah Tompon’ny maro, ary hesoriko indray andro monja ny helok’ity tany ity.
10Amin’izany andro izany, hoy Jehovah, Tompon’ny maro, dia samy hiantso ny namanareo avy ho eo ambanin’ny voaloboka sy ho eo ambanin’ny aviavy hianareo.
Currently Selected:
Zakaria 3: MBP
Highlight
Share
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 1965, 2019.
