Salamo 84
84
Alahelo ny tranon’Andriamanitra.
1Ho an’ny mpiventy hira. Al-hagitith. Salamo nataon’ny Koraïta.
ENDREY ny hatsaran’ny tabernakelinao, Jehovah, Tompon’ny maro, ô!
2Manina sady vonton’alahelo ny kianjan’i Jehovah ny fanahiko;
Ny foko sy ny nofoko mihoby an’Andriamanitra velona.
3Eny, ny tsikirity mahita trano,
Ary ny sidintsidina mahita akany ho azy hametrahany ny zanany,
Dia ny alitaranao, Jehovah, Tompon’ny maro, ô,
Mpanjakako sy Andriamanitro.
4Sambatra izay mitoetra ao an-tranonao;
Hidera Anao mandrakariva izy.
[Sela.]
5Sambatra izay olona manan-kery avy aminao;
Ao am-pony ny làlana.
6Raha mandeha mamaky ny lohasaha Baka#84.6 Baka = Fitomaniana. izy,
Dia ataony misy loharano izany, ary ny loha-orana manarom-pitahiana azy.
7Miampy hery eny am-pandehanana izy;
Samy miseho eo anatrehan’Andriamanitra any Ziona izy rehetra.
8Jehovah, Andriamanitry ny maro, ô, henoy ny fivavako;
Mandrenesa, ry Andriamanitr’i Jakoba ô.
[Sela.]
9Andriamanitra, Ampinganay, ô, tsinjovy,
Ka jereo ny tavan’ny voahosotrao.
10Fa ny indray andro eo an-kianjanao dia tsara noho ny arivo;
Aleoko mipetraka eo amin’ny tokonam-baravaran’ny tranon’Andriamanitra,
Toy izay mitoetra ao an-dain’ny ratsy fanahy.
11Fa Masoandro sy Ampinga Jehovah Andriamanitra;
Fahasoavana sy voninahitra no homen’i Jehovah;
Tsy hiaro zava-tsoa amin’izay mandeha amin’ny fahitsiana Izy.
12Jehovah, Tompon’ny maro, ô,
Sambatra izay olona matoky Anao.
Currently Selected:
Salamo 84: MBP
Highlight
Share
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 1965, 2019.
