Salamo 67
67
Fanirian’ny olo-marina mba hanaiky an’Andriamanitra avokoa ny firenena rehetra.
1Ho an’ny mpiventy hira. Hampiarahina amin’ny valiha. Salamo. Tonon-kira.
ANDRIAMANITRA anie hamindra fo aminay sy hitahy anay;
[Sela.]
Hampamirapiratra ny tavany aminay anie Izy;
2Mba ho fantatra etỳ ambonin’ny tany ny làlanao
Sy ny famonjenao any amin’ny jentilisa rehetra.
3Hidera Anao ny firenena, Andriamanitra ô;
Eny, hidera Anao ny firenena rehetra.
4Hifaly sy hihoby ny firenen-tsamy hafa,
Satria mitsara marina ny firenena Hianao;
Ny firenen-tsamy hafa ambonin’ny tany dia entinao.
[Sela.]
5Hidera Anao ny firenena, Andriamanitra ô;
Eny, hidera Anao ny firenena rehetra.
6Ny tany efa nahavokatra;
Mitahy antsika Andriamanitra, dia Andriamanitsika.
7Mitahy antsika Andriamanitra;
Ary hatahotra Azy ny vazan-tany rehetra.
Currently Selected:
Salamo 67: MBP
Highlight
Share
Copy
Want to have your highlights saved across all your devices? Sign up or sign in
Baiboly Protestanta Malagasy © Malagasy Bible Society, 1965, 2019.
