GIMA 6
6
Kɔfa-sɔ̧ tɛ bɔnɛ
1Gima ko David ha̧ wan-duk-zu-gima; gima nɛ mɔɔ-mbɛr nɛ nyak-aa a̧a̧ sɛnɛ.
2GASA WAN, kà see'nɛ́ á̧ nyima in am,
ɓɛɛ k’ɛ́nɛ́ usi bɔnɛ ha̧‘m na;
k’ɛ́nɛ́ de wen in am
ŋgimbi nɛ see'nɛ́ biti ɗaŋ in am na mbɛt.
3Ɛ̀nɛ̀ dé ko ha̧‘m, GASA WAN; ŋgai bo tɛ‘m ɓɔna;
gba̧a̧-tɛ‘m mɔka lɛŋ, ɛ̀nɛ̀ kpás'am.
4Gba-gbana baa'm;
ɛnɛ tɛ tɛ bɔɔ mɛ kpas'am mɛ gese ge?
5GASA WAN, ɛ̀nɛ̀ píí ɗoŋ! Ɛ̀nɛ̀ gbó‘m tɛ bɔnɛ na nde?
Ɛ̀nɛ̀ kpás'am wen kɔ̧ɔ̧mɔ k’ɛ́nɛ́ na nde?
6Wen kà bíí nɛ́ fee kaɗi, a̧ iŋa so oi'nɛ́ ɓɔ?
Nɛ́ o'o tɛ gasi'nɛ́ fara ko o fio mɛ o?
7Mi gɔfa mɔ ɗoŋ-aa nyɛi̧,
mi mbɔia wan kaɗi na nde?
Mɛ zɛ ɓɔnsɛnɛ gado nɛ̀ oi mɔɔ-ɔ-nɛnɛ kɔ‘m
ɓɔɔ zɔɓɔk nɛ mi̧i̧kɔ̧a̧ kɔ‘m.
8Yí‘m fɛŋa tɛ bɔnɛ kɔ̧a̧;
yí‘m too ɓurɛ ɓɛɛ o wi-kur-zu'm kɛr kànà nɛ‘m.
9Ɛ̀nɛ̀ yú siɓi katɛ‘m, ɛnɛ o wi-de-mɔ de na,
wen GASA WAN zia taŋa kɔ̧a̧ kɔ‘m.
10A̧ zia aia-nú kɔ‘m,
ɓɛɛ a̧ kpɛk kɔfa-sɔ̧ kɔ‘m.
11Zu o wisɛn kɔ‘m lɛŋ a̧ zik!
Mɔ kɔ-wa a̧ ɗaŋ nɛ oi!
Wa a̧ pɛsi a taŋ sót-sót!
Currently Selected:
GIMA 6: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
