GIMA 13
13
Saa sara sitɛ Sɔ̧
1Gima ko David ha̧ wan-duk-zu-gima.
2GASA WAN, tɛ‘nɛ́ tɛ bi ɗoŋ am hɔ ge ŋgimbi ge,
kànà hegɔ yaknɛ sɔ̧ɔ̧i̧ nde?
Ɛnɛ tɛ hu̧si sɔnti'nɛ́ nɛ̀‘m hɔ ge ŋgimbi ge?
3Ɗaŋsee kɔ‘m nɛ̀ dɔk dɔk siti’ɛ tɛ kaɗi mɛ gese ge?
Mi tɛ duk kànà nɛ́ duka-a nɛ̀ dita-see mɛ tutuyɛ
hegɔ zɛ de nɛnɛ ɓɔnsɛnɛ nde?
Wisɛn kɔ‘m tɛ gan zu'm hɔ ge ŋgimbi ge?
4GASA WAN, Sɔ̧ kɔ‘m, ɛ̀nɛ̀ zɔ́k mgbara mɔ‘i ha̧‘m,
ɓɛɛ ɛ̀nɛ̀ kífí nú ha̧‘m na nde?
Ɛ̀nɛ̀ hú̧í̧ yí‘m ha̧‘m mɛ zɔk mɔ nɛ sa̧a̧-a̧
ká‘m tɛ́ɛ̀ ɔ ya-fio,
5wen ká wisɛn kɔ‘m tɛ́ɛ̀ tɔ̧ kɔ‘i nde, wi gana'm kaɗi,
wen ká o wi-kur-zu'm tɛ́ɛ̀ ya nɛ̀ tortɛ wen tika-a kɔ‘m.
6Ɓɛɛ kɔ‘m mɛ tɛ‘m'i,
mi e ta nɛ̀ dee demɔ k’ɛ́nɛ́, GASA WAN;
mi tɛ de nyɛŋɛ wen n’ɛ̀nɛ́ kpasa'm,
ɓɛɛ mi tɛ bìì gima ha̧ GASA WAN wen demɔ n'aa dee in am!
Currently Selected:
GIMA 13: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
