JOB 37
37
1Yí see-am to too kpɛl-kpɛl,
ɓɛɛ ŋmana kɔ̧ a̧ mɛ.
2Ɛ̀nɛ̀ yéŋ zer'nɛ́, ɛ̀nɛ̀ zíí dika ger-a;
ɛ̀nɛ̀ zíí géé tuɓa-a n'aa tuɓi.
3A̧ dik dam yiwese lɛŋ,
pi̧i̧-kórò kɔ̧-a̧ gɔma hɔ nduti nù mɛ.
4Ɓɛɛ tiger-a mgbimgbi;
wi zii nɛ tuɓa ger-a.
Ŋgimbi nɛ giti a̧ de mɔ,
a̧ dor o mbaŋa-kórò ɓɔna.
5Sɔ̧ túɓí, ɓɛɛ hiɗi-wi gɔna;
a̧ de nɛ o gasamɔ n’ɛɛ iŋ mgbara-a na.
6Ŋgimbi n'aa tɔ̧ ha̧ ɓɔrɔ mɛ ai a nù,
ŋgimbi n'aa de ha̧ zɔm kórò mɛ zuɗi,
7ɓɛɛ a̧ dora o bíí tɛ tom kɔ-wa;
hegɔ ɓɛɛ o bíí n'aa dea kpa mɔɔ-de na.
8O boko-nam mbɛt sii ɗoŋ si fara kɔ‘i;
ɓɛɛ wa hu̧sa̧ kɔ̧ di̧i̧ kɔ-wa.
9Gba búk-kórò gbo nɛ̀ fara kɔ‘i mɛ tɛnɛ,
ɓɛɛ gɛ̧ɛ̧ yuu yírírí nɛ ká̧-zan-mɛ́-ŋgɔn.
10Kà Sɔ̧ ɔ́m, ɓɛɛ yì kifa ɓɔrɔ;
ɓɛɛ zu yì ŋgaia hee boi ga.
11A̧ a̧ de ha̧ kórò mɛ kok tɛ o tura-zan;
ɓɛɛ a̧ pɛsa wa dam fara lɛŋ nɛ̀ oi pi̧i̧-kórò,
12tur nɛnɛ ɗɔɔ ŋgai kɔ̧-a̧,
wen ha̧ wa mɛ de mɔ lɛŋ n'aa usa ha̧ wa zu nù.
13Kóó nɛ́ pi̧i̧ bɔnɛ,
kóó nɛ́ dea-a ha̧ kórò mɛ hɔ a zu nù,
kóó nɛ́ toka de yoŋgo zu a̧, nɛ́ wa à̧ à̧ tóm.
14Job, mɛ̀ tá mɔ tɛ o mɔɔ nɔ‘i;
mɛ̀ gá̧ tɛ-mɛ, mɛ̀ zɔ́k o mɔɔ-gɔn-ɗɛɗɛ ko Sɔ̧.
15Mɛ́ iŋa hee ge Sɔ̧ tom nɛ wa,
de nɛnɛ ha̧ pi̧i̧-kórò mɛ tok mgbara tura-zan ga nde?
16Mɛ́ iŋa yuwar tom n'aa de ha̧ o bu-zan mɛ ga̧i̧ ŋgɔn,
ɓɛɛ tik nù na’ɛ nde?
O mɔɔ-gɔn-ɗɛɗɛ nɔ‘i kana nɛ́ ko Wan nɛ a̧a̧ nɛ kpasa iŋamɔ.
17Mɛ́ nɛ̀ tɛ-mɛ ɓan na gbɛŋa ɗɔɔ laa
ŋgimbi nɛ̀ wee-búk mɛ ká̧-zan-mɛ́-ɗɔɔ yu nɛnɛ,
ɓɛɛ ká gɛ̧ɛ̧mɔ baa nɛ nù'ɛ.
18Mɛ gbaka a tɛ ɗafa gba̧a̧-yí-zan nɛ ŋgaya-a
hee boi nɛ ɔ yɔka ha'i mɛ zɔk yí-wi sɛnɛ ga nde?
19Mɛ̀ úsí mɔ n’ɛɛ nyɛma mɛ tɔ̧ ha̧ Sɔ̧ ha̧‘m.
Ɛɛ bó nɛ̀ kifa nú mɛ ha̧ na wen ɛɛ ya ti-tum.
20Wi mbaŋ tɛ-a sɛka a̧ iŋa'e, mi tɔ̧ nɛ wen, na;
wi beka tɔ̧ tɔ̧ɔ̧ ha̧ a̧ sɛka a̧ iŋa na mbɛt.
21Hee gɔma-yí ga, wi zɔk sa̧a̧mɔ ɓɔna,
wen tura-zan kpee yiwese;
kà búk yú ɓɛɛ ndaka tura-zan yinɛ.
22Sa̧a̧mɔ tok nɛ̀ ká̧-zan-mɛ́-ŋgɔn mɛ tɛnɛ zar-zar
hee lɔr ga;
gasamɔ ko Sɔ̧ nɛ̀ dúk nɛ́ mɔɔ-kíì nyɛmna zika a.
23Ɛɛ nyɛm mɛ hɔ katɛ Wan nɛ a̧a̧ nɛ ŋgayamɔ lɛŋ na;
gásì kɔ̧-a̧ a̧a̧ tɛ ŋgai in tɛ deemɔ nɛ yuwar-a kɔ̧-a̧.
A̧ de ŋgamɔ in wi nɛ de mɔ nɛ yuwar-a na.
24Mɛ̀ nɛ́ wen hegɔ, o bíí tɛ yu a̧;
ɓɛɛ a̧ pi̧ nú tɛ o wi nɛ tɔ̧‘e,
wi nɛ wi-iŋ-mgbara-mɔ, na.
Currently Selected:
JOB 37: GB11DC
Highlight
Share
Copy
Want to have your highlights saved across all your devices? Sign up or sign in
KALATA KO SƆ̧ La Sainte Bible en Langue Gbaya © L’Alliance Biblique du Cameroun, 2011.
