Saumu 57
57
Towomase Ritonõpo a
Tawi nymerohpyry, inekarohpyry eremiaketõ tuisary a.
1Ypyno exiko, Ritonõpo, ypyno exiko!
Oya oehnõko ase osewomatohme.
Ãporiry tõ jerutumã zopino otonẽnõko ase
tyryrykane konõto mynyhme ehtoh pona.
2Ritonõpo Imehxo Exikety kohmãko ase;
Ritonõpo netaryme, tõsenetupuhtopõpyry ae ro
jakorehmãko mana emero poko.
3Kapu poe jezuhnõko mana, ypynanohnõko mana;
yyryhmary se exiketõ poremãkapõko mana.
Ypyno toexiry enepõko Ritonõpo mana,
tõmihpyry anamonohpyra mana.
4Tapuruse ywy jepetõkara a;
reão tõ sã mã toto, jesekary se mã toto.
Jery warata sã mã kehko, pyrou sã roropa,
inurukõ tapema sã mana, taere exikety sã ipunaka.
5Ritonõpo, imehxo oehtoh enepoko kapu ao,
saereme oehtoh enepoko sero nono poro porehme!
6Ahno apoitoh tyrise jepetõkara a japoitohme,
torẽtyke toehse ywy ipunaka.
Orame tahkase eya xine jesemary ao,
yrome ynaroro toepukase zaka.
7Oenetupuhkehpyra ase, Ritonõpo,
oenetupuhkehpyra ase;
eremiãko ase opoko oeahmaryme.
8Apakako, ukurohtao! Ykyryry tõ haapa,
rue roropa apakatoko! “Xixi apakako,” ase ẽmepyryme.
9“Ritonõpo, kure mase,” ãko ase ahno tõ rãnao.
Oeahmãko ase imoihmãkõ rãnao.
10Yna pyno oehtoh kaetokohxo sã mana kapu pokona.
Zae oehtoh anamonohpyra mana, akurũ pona samo.
11Ritonõpo, imehxo oehtoh enepoko kapu ao.
Saeremehxo oehtoh enepoko sero nono poro porehme!
Currently Selected:
Saumu 57: apy
Highlight
Share
Copy
Want to have your highlights saved across all your devices? Sign up or sign in
©2017, Wycliffe Bible Translators, Inc.
