1 KEE ƁƏ Danɓǝ ahe
Danɓǝ ahe
Ɗerewol Kee Ɓǝ matǝ gwa faa ɓǝ tǝ ɓǝ fan mai mo joŋ ɓo na ma pǝ ɗerewol Samuel ne ɗerewol za Goŋe, amma mǝ ah faa ɓǝ ah ra ɓo ne fahlii cam nje. Faa, Masǝŋ syak ah ako ye pa ma ne swah jolle, so faa ɓǝ tǝ ɓǝ za goŋ Israel mai mo kaara goŋe, ara ye za yeɓ ah nai to.
1. Ɗerewol Kee Ɓǝ cuu, koo gaɓ mo ge ɓo tǝ za goŋ Israel ne za goŋ Yuda daŋ laŋ, ŋhaa zǝzǝ̃ǝko Masǝŋ soɓ ɓǝ gbanzah ah mo gbǝ ɓo ne zan ah ɓoo ya, tǝ joŋ ɓǝ mai mo zyeɓko ɓo mor zan ah wo za mai mo kaara ɓo sǝr Yuda ga pel kpǝ kpǝ. Mor ɓǝ mai mo naiko, mor ah pa ŋwǝǝ fan foo ɓǝ yeɓ malii mai goŋ David ne wel ah mo joŋra. So foo ɓǝ mai goŋ Josafat, Ezekias ne Josias mo fer zyeɓra tǝkine za mai daŋ mo gbǝra yǝk ɓǝ Masǝŋ mo soɓra suu ɓǝǝ mor ahe.
2. Ɗerewol ah cuu fahlii tǝtǝŋ ɓǝ juupel wo Masǝŋ pǝ yaŋ Masǝŋ yaŋ Jerusalem, so ma kal daŋ ah faa ɓǝ tǝ ɓǝ fahlii zyeɓ za joŋzahsyiŋ ne lewitien mai ka mo byakra ɓǝ juupelle. David ye tǝŋ mor ɓǝ vuu yaŋ mor Masǝŋ tǝkine zah yeɓ ma joŋ ɓǝr ah daŋ, koo wel ah Salomo ye mo ge vuu yaŋ ah laŋ ko.
Woŋ ah mo woŋ lǝǝ ɓo a naiko
1. Morsǝ̃ǝ za tǝkine pãa ɓǝǝra 1:1–9:44
2. Wul Saul 10:1-14
3. David kaa goŋe 11:1–29:30
a) gaɓ camcam urri tǝkine vǝr ahe 11:1–22:1
b) zyeɓra suu ka vuu yaŋ Masǝŋ 22:2–29:30
Currently Selected:
1 KEE ƁƏ Danɓǝ ahe: MUAR
Highlight
Share
Copy
Want to have your highlights saved across all your devices? Sign up or sign in
Bible Moundang © Alliance Biblique du Tchad, 1996.