Bahebheru 8

Jesu Ntungamili we bapirisiti

1 # Njimbo 110:1 Tjikulu muna tjatinoleba hwuti, tina Ntungamili we bapirisiti wakajalo, iye ugele ku luji gwe tjigalo tje Ndzimu kudzimu, 2unoshinga mu Bugalo gwakayengemala, Nshasha#8:2 Nshasha: Kene “Ng'umba ye Ndzimu.” we malebeswa usakabakwa nge nthu koga wakabakwa ndi She.

3Ngobe Ntungamili we bapirisiti mmwe ne mmwe unobigigwa kupa zwipo ne zwibhayilo, ndizo mpirisiti iwoyu naiyebo wafanila kuti abe ne tjaanopa. 4Ngobe ha abe ali mu shango, unobe asi mpirisiti, se kuna bapirisiti banopa zwipo kuyendidzana ne nlayo kale. 5#Kufuluka 25:40Banoshinga mu ifano ne ntutshi we bugalo gwakayengemala, ngoti Mushe wakati abe pejo ngobaka nshasha kalayiwa nge Ndzimu uti, “Ubone kuti unothama tjimwe ne tjimwe kuyendidzana ne tjawakalakidziwa pezhugwi kwe dombo.” 6Koga sekwa kuli iko ngwenu, Jesu wakapiwa nshingo nkulu unopinda wantolo se tjidumano tjaamilile tjiyita, setjithamigwa mu kugadzabgwe kunoyita.

7Ngobe ha tjidumano tje kutanga tjakabe tjisina nlandu, tjidumano tje bubili tjobe tjisakabepo. 8#Jeremiya 31:31-34Koga Ndzimu wakabona bathu bawo nlandu, ndizo uti,

“Mazhuba anowozha, kojalo She,

andinowothama Tjidumano tjitshwa

ne bathu be Iziraela, kose ne bathu be Juda.

9Atjitowonga tjidumano tjandakathama

na bobatategulu babo, mu zhuba landakababhata

nge luboko, ndibatungamila kudwa mu Egipiti.

Ngobe abazodwilila mu tjidumano tjangu,

ndizo asibe ne hanya nabo, kojalo She.

10Etji nditjo tjidumano tjandinowothama ne Baiziraela,

shule kwe mazhuba iyawo, kojalo She.

Ndowolonga milayo yangu mu mikumbulo yabo

kakale aikwala mu mimoyo yabo.

Ngobe ndowobe Ndzimu wabo,

ibo banowobe bathu bangu.

11Akuna wabo unowodiya wa kanyi kukwe

kene kuli kudwa ikamu tjitje eti,

‘Ziba She.’

Ngobe bose banowondiziba,

kudwa mu ntjetjana kunoti hwola tjose.

12Ndowobe nge ngoni mu matjinyo abo

ngono anditjowokumbula zwibi zwabo.”

13Mu kulebeleka ngekwe “Tjidumano tjitshwa,” wakathama tjidumano tje kutanga kuti tjisitjabe ne nshingo. Ngono tjithu tjisitjina nshingo kakale tjikwegula tjakalingisana ngoloba.

Currently Selected:

Bahebheru 8: KBTP

Highlight

Copy