Kutangisa 10
10
Zwizekugwana zwe bakololo ba Nuwa
(1 Zwiyitikalo 1:5-23)
1Ezwi ndizo zwizekugwana zwe bakololo ba Nuwa, bo Shemu na Hamu na Jafeti, ibo bakati bakazwala bana shule kwe nkubila.
2Bakololo ba Jafeti ndi Gomeri na Magogi na Madai na Javani na Tubali na Mesheki na Tirasi. 3Bakololo ba Gomeri ndi Ashikenazi na Rifati na Togama. 4Bakololo ba Javani ndi Elisha na Tashishi na Khitimu na Dodanimu. 5Muna ibaba, kwakadwa bathu bakabe begala mu tjekelo dze gungwa. Ibaba ndibo bakaandama mu shango dzabo kuyenda nge misha yabo nenge ndimi dzabo mu zwitjaba zwabo.
6Bakololo ba Hamu ndi Khushi na Egipiti na Puti na Kanana. 7Bakololo ba Khushi ndi Sheba na Havila na Sabuta na Raama na Sabuteka. Bakololo ba Raama ndi Sheba na Dedani. 8Khushi kazwala Nimirodi iye wakatanga kube mbhayani nkulu mu shango. 9Wakabe ali nvimi wakasima mbeli kwa Yahwe, ndizo kuna ndebo inoti, “Sa Nimirodi nvimi wakasima mbeli kwa Yahwe.” 10Mbuso uwe wakatangisa mu Bhabhiloni ne mu Ereke ne mu Akhadi ne Kaline mu shango ye Shinari. 11Kudwa mu shango iyeyo wakayenda ku Asiriya kwaakabaka Ninive ne Rehoboti ne Khala 12ne Reseni nzi nkulu upakati kwe Ninive ne Khala.
13Egipiti wakazwala Baludi ne Baanami ne Balehabi ne Banafitu ne 14Bapatirusi ne Bakasilu pakapaluka Bafilisitiya ne Bakhafutori.
15Kanana kazwala Sidoni mbano iye, ndiyezwe batategulu be Bahiti 16ne Bajebusi ne Baamori ne Bagirigashi 17ne Bahivi ne Baariki ne Basini, 18Baarivadi ne Bazemari ne Bahamati. Kwakati shule kwe tjibaka misha ye Bakanana ikapalalana. 19Migathu ye Kanana yakabe ibamba kudwa ku Sidoni ilinga ku Gera inotigu ku Gaza ibe ilinga ku Sodoma ne ku Gomora ne ku Adima ne ku Zeboyimi bukule kunoti ku Lasha. 20Ndibo bakololo ba Hamu ibaba kuyenda nge misha ne ndimi dzabo ne shango dzabo nenge njudzi dzabo.
21Shemu nnung'una wa Jafeti wakabe ali batategulu be bakololo ba Eberi ngono na iye kawana bana. 22Bakololo ba Shemu ndi Elamu na Ashuri na Aripashadi na Ludi na Aramu. 23Bakololo ba Aramu ndi Uzi na Hule na Gethari na Mashi. 24Aripashadi kazwala Shela, Shela tate ba Eberi. 25Eberi kazwala bakololo bali babili. Mmwe wakabe edang'wa kuyi Pelegi ngoti mu tjibaka tjitje shango yakapalalana. Nnung'una uwe wakabe edang'wa kuyi Jokitani. 26Jokitani kazwala Alimodadi na Shelefi na Hazamaveti na Jera, 27na Hadoramu na Uzali na Dikila, 28na Obali na Abimaele na Sheba, 29na Ofiri na Havila na Jobabu. Ibaba bose bakabe bali bakololo ba Jokitani. 30Ntuthu wabakabe begala wakabe ubamba kudwa ku Mesha kunoti ku Sefari mu shango ye matuthu ku bhezhuba. 31Ndibo bakololo ba Shemu ibaba kuyenda nge misha yabo ne ndimi dzabo ne shango dzabo nenge njudzi dzabo.
32Iyeyi ndiyo misha ye bakololo ba Nuwa kuyenda nge kuzwagwa kwabo mu njudzi dzabo. Kudwa mubali zwitjaba zwakaandama nge shango yose shule kwe nkubila.
Currently Selected:
Kutangisa 10: KBTP
Highlight
Share
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
