JOSUE 12
12
Jini yumʌlob tsa' bʌ jisʌntiyob ti' tojlel Moisés
1Jini israelob tsi' tsʌnsayob jini yumʌlob. Tsi' ch'ʌmbeyob i lumal tac am bʌ ti junwejl jini Jordán ja' ya' ba' mi' pasel q'uin, c'ʌlʌl ti pa' i c'aba' Arnón, c'ʌlʌl ti wits i c'aba' Hermón, yic'ot pejtel jini Arabá ba' mi' pasel q'uin. Jiñʌch i c'aba' tac jini yumʌlob: 2Sehón i yum amorreojob chumul bʌ ti Hesbón tsa' bʌ i cha'le yumʌl ti Aroer, ya' ti' ti' ja' i c'aba' Arnón am bʌ ti jini joctʌl, yic'ot ti ojlil jini Galaad c'ʌlʌl ti ja' i c'aba' Jaboc, ba'an i cayajón jini amoñob. 3Yic'ot ba'an jini ja' i c'aba' Arabá c'ʌlʌl ti ja' i c'aba' Cineret ba' mi' pasel q'uin, c'ʌlʌl ti ja' i c'aba' Arabá, am bʌ i cha'chajplel i c'aba' Ats'am ba' mi' pasel q'uin, ti' bijlel Betjesimot yic'ot ba'an Teman am bʌ ti yentʌlal Pisga. 4Og jini yumʌl am bʌ ti Basán, juntiquil refaím tsa' bʌ colobaji, chumul bʌ ti Astarot yic'ot ti Edrei. 5Tsi' cha'le yumʌl ya' ti wits i c'aba' Hermón yic'ot ti Salca, yic'ot ti Basán c'ʌlʌl ti' cayajon Gesur yic'ot Maaca, yic'ot ti ojlil Galaad c'ʌlʌl ti' cayajon Sehén i yum Hesbón. 6Jiñʌch yumʌlob tsa' bʌ tsʌnsʌntiyob cha'an Moisés i winic lac Yum yic'ot jini israelob. Moisés tsi' yʌq'ueyob i lum jini rubeñob yic'ot gadob yic'ot jini manasesob, i pi'ʌlob jini efraíñob.
Jini yumʌlob tsa' bʌ jisʌntiyob ti' tojlel Josué
7Josué yic'ot jini israelob tsi' tsʌnsayob jini yumʌlob ya' ti junwejl Jordán ja' ti' tojel i bʌjlibal q'uin. Tsi' ch'ʌmbeyob i lum ti Baalgad am bʌ ti joctʌl i c'aba' Líbano c'ʌlʌl ti Seir wits. Josué tsi' t'oxbeyob jini lum jini israelob ti mojt ti mojt. 8An tac ti wits jini lum, yic'ot ti joctʌl tac, yic'ot ba'an jini ja' i c'aba' Arabá, yic'ot ti bujtʌl tac, yic'ot ti jochol bʌ lum, yic'ot ti Neguev. Jiñʌch i lum jini heteojob, jini amorreojob, jini cananeojob, jini ferezeojob, jini heveojob, yic'ot jini jebuseojob, 9-24yic'ot i yumob:
I yum Jericó, i yum Hai lʌc'ʌl bʌ ti Betel, i yum Jerusalén, i yum Hebrón, i yum Jarmut, i yum Laquis, i yum Eglón, i yum Gezer, i yum Debir, i yum Geder, i yum Horma, i yum Arad, i yum Libna, i yum Adulam, i yum Maceda, i yum Betel, i yum Tapúa, i yum Hefer, i yum Afec, i yum Sarán, i yum Madón, i yum Hazor, i yum Simronmerón, i yum Acsaf, i yum Taanac, i yum Meguido, i yum Cedes, i yum Jocneam ya' ti Carmelo, i yum Dor, i yum Goim ya' ti Gilgal, i yum Tirsa.
An junlujuntiquil i cha'c'al (31) yumʌlob ti pejtelelob.
Currently Selected:
JOSUE 12: ctuBI
Highlight
Share
Copy
Want to have your highlights saved across all your devices? Sign up or sign in
© 1977, Wycliffe Bible Translators, Inc. All rights reserved.
