MARKUS 7

Ajô Befarizieñ a metume me bôt betô

(Mt 15:1-20)

1E nde Befarizieñ be nga sulan vôm a nga too, baa Beyeme bekalate bevok, be soʼo Yérusalém. 2Ane be nga yene beyéʼé bé bevok be jaʼa bidi a mo mvit, nalé a ne na teke sôbe mo. 3Amu na, Befarizieñ a Beyude bese, be ne teke di nge be ngenan te taté tuʼa mane sôbe mo, mbôle ba tôñe metume me bôbetô.

4E nde fe, éyoñe ba so nseñ, nge be te taté mane sôban, be teke di, a mam mefe abui be nga nyoñ e be bôbetô, aval ane nsôbane mekob, a meviek, a bisoo bi mvot. 5Ane Befarizieñ a Beyeme bekalate be nga sili nye na: Amu jé beyéʼé bôé be ne te wulu aval ane ñyeʼelan metume me bô-betôl ô né, ve ba viane di bidi a mvin ése mo?

6Ane a nga jô be na:

Ezayi a nga yeme foʼo kobô ajô denan,

a mia bôte meduʼan,

éyoñ a nga tili na:

Ayoñe bôte di da wumulu ma ve biyaé,

ve minleme miab kik mi tyete ma ôyap.

7Ba kañe ma momo nkañan,

ñyeʼelan ba yeʼele bôte ki

ô too mebendé me bôt.

8Mia viane liʼi, metiñ me Zambe, mi nga tôñe metume me bôt. 9Yaa, mebendé me Zambe e me mia tindi a mvuse mo, na mi viane baʼale metume menan mia bebien. 10Môze nyʼa nga jô na: Ô seméʼé éso ba nyua, a na: E môt a kobô ésaa abé , nge nyia, a ye foʼo wu a si. 11Mfaʼa wônane kik mia jô na: Nge môt éziñ a jô ésaa nge nyia na: E jôm ése ô ne bi mfi e be ma é nto korban, nalé a tinane na mvean asu Zambe, 12mia jôʼé nye teke beta bo mone jôm éziñ asu ésaa nge nyia. 13Nalé ate ajô Zambe e nde mia wôé ntuk, amu metume menan mia zu mia kalane bôt. Mia bo fe mam mefe abui avale te. 14E nde a nga beta loone babôtô a jô be na: Mia bese tameka vôʼôlane ma, a tuʼa wôk. 15Teke jôm éziñ ja so atan é zaʼa nyiin abume môt é ne ngule ya ve nye nsem. Ve mame ma so abume môt me zaʼa kui nseñ, e me ma ve môt mvit e nsisim . 16Nge môt éziñ a beʼe melo ya wôk, a wôʼôk! 17Eyoñ a kandaneya a bôt a ke nda , ane beyéʼé bé be nga sili nye mesuu ya nkana ôte. 18E nde a jô be na: Nde mia fe mi ne be-te-feʼe avale di! Ye mi nji yeme wôʼô na e jôm ése ja so atan é kele abume môt été é se ngule ya ve nye mvit e nsisim . 19Amu é nji nyiine nye e nlem été, ja ke ve abum, é ke fe lôt a ke fé? Nalé a nga mane fubu bidi bise. 20E nde fe a zu jô na: E jôme ja so môt mfaʼa ya été é zaʼa kui atan, e nje éte ja ve môt nsem. 21Amu na, mfaʼa yʼété, e minlem mi bôt été, mbia bʼasimesan ba so, ajô bibon, wup, ñwôane bôt, 22mejian , ôzañ akum, mbia nlem , meduʼan, bijabô, ébamba, mbia be mis, nkoban Zambe ébiasé, mebun, mboan ôkukut. 23Mame mete mese me ne abé , ma so mfaʼa ya été, me nga ve môt mvit e nsisim .

Mbunane minga Sirôfénis

(Mt 15:21-28)

24Akôlô a nga kôlô valé, ane a nga ke mfaʼa ya Tir. Eyoñ a nyiineya e nda été, a nji kômbô na môt éziñ a yeme nalé; ve da teke zene ya sobô. 25Eté été, minga éziñ a nga wôʼôtane nye, ngone jé ki é bili mbia nsisim , e nde a nga ke so a zu kute nye meboñe si. 26Minga ate a mbe ngon Grék, teke a too e ñyebe Beyude, ngon Sirôfénis e mebialé. Ane a nga yeʼelane nye na a vaa ngo jé mbia nsisim . 27Ane a nga jô nye na: Tame jôʼé bon e mbe be taté di, be jaé, amu e nji bo mvaé na be nyoñe bidi bi bon , a wua bie bo-bemvu. 28E nde minga ki a nga yalan a jô nye na: Wo bele foʼo, a Nti; ve da ke bo-bemvu ba bo fe be jaʼak menyuñe bidi bi bon e tebele si. 29Ane a nga jô nye na: Amu éfia jôé te, kele ñhe, mbia nsisim a kôlôya ngo jôé e nyôl. 30Ake a nga ke nda jé, ake koé mon a bôô énoñ, mbia nsisim a suuya nye.

Yésus a bo môt a too ndok a mvuk mvoʼé

31Akôlô a nga beta kôlô si ya Tir, e nde a nga ke lôte Sidoñ, éfas ya mañe me Galilé, ézezañe si ya Dékapôl. 32Ane be nga zuu nye môt a too ndok a mvuk, be nga yeʼelane nye na a betéé njaʼa nye mo. 33Avaa a nga vaa nye e bôt été a kelee nye étam e fefe, e nde a futi nye anyu e melo été, a tui menden, a nambe nye ôyem, 34a bete mise yôp, a suu mvebe, a jô nye na: Effata, nalé a tinane na: Yombôʼô. 35E nde melo me nga yombô nye, a été été e nkol ô nga tii nye ôyem ô mane fe tyiʼi, a nga kobô ne sañe sañ. 36Ane a nga ve be atiñe na, be bo te kate de môt éziñ. Abim a nga bo a bendéʼé be, abime te e nde be kik be nga dañe dañe ke ba beʼele de. 37Be mbe be seméʼé angôndô ya abui, be jôʼô na: A boya mame mese mvaé, a boʼo mindôndok na mi wôk, a boʼo mimvumvuk na mi kobôô.

Currently Selected:

MARKUS 7: BULU09

Highlight

Copy