METIAS 1

Endane Yésus Krist

(Lk 3:23-38)

1Kalate éndane Yésus Krist, e mona David, e mon Abraham.

2Abraham a nga biaé Izak, Izak a nga biaé Yakob, Yakob a nga biaé Yuda baa be bobenyañ. 3Yuda a nga biaé Farés a Zara aluʼu baa Tamar. Farés a nga biaé Esrôm, Esrôm a nga biaé Aram. 4Aram a nga biaé Aminadab, Aminadab ke a biaé Naasôn. Naasôn ke a biaé Salmôn. 5Salmôn a nga biaé Bôaz aluʼu baa Rahab. Bôaz ke a biaé Yôbéd aluʼu baa Rut. Yôbéd a nga biaé Izayi. 6Izayi ke a biaé David, njôô bôt. David a nga biaé Solômon aluʼu baa minga Urie, 7Solômon a nga biaé Rôbôam, Rôbôam a nga biaé Abia, Abia ke a nga biaé Asaf. 8Asaf a nga biaé Yôzafat, Yôzafat ke a nga biaé Yôram, Yôram ke a biaé Ozias. 9Ozias a nga biaé Yôatam, Yôatam a nga biaé Akaz, Akaz ke a biaé Ezékias; 10Ezékias a nga biaé Manasé, Manasé a nga biaé Amôs, Amôs ke a nga biaé Yôzias; 11Yôzias ke a biaé Yékônias a bobenyañ, valé be too minkôm e Babilôn. 12E mvus éto minkôme ya Babilôn, Yékônias a nga biaé Salatiél, Salatiél ke a biaé Zôrôbabél. 13Zôrôbabél a nga biaé Abiud, Abiud a nga biaé Eliakim. Eliakim ke a biaé Azôr; 14Azôr a nga biaé Sadok Sadok ke a biaé Akim. Akim a nga biaé Eliud; 15Eliud a nga biaé Eléazar, Eléazar a nga biaé Matañ, Matañ ke a biaé Yakob. 16Yakob ke a nga biaé Yôsep nnôme Marie nyô a nga biaé Yésus ya ba loone na Krist. 17Nde ñhe miaé mi bôte mise, ataté Abraham a kui David mi ne awôm a minyin; ataté ke David a kui éto minkôme ya Babilôn miaé mi bôt awôm a minyin; ataté éto minkôme ya Babilôn a kui Krist miaé mi bôte fe awôm a minyin.

A Yôsep, te ko Marie woñ!

18E nne abialé Yésus Krist e nga boban avale di: Nyia wé, Marie, a nga bili atiñ aluk a Yôsep; valé be ngenan te fulan, ateme na a mbeʼe abume mon a ngule Mfufube Nsisim.

19Ve mbôle Yôsep, e nnôme wé, a mbe zôsôa môt, teke kômbô kulane nye, nde a nga tyiʼi na a suu nye asoé. 20A ngenan a kele a bindi mam mete e nleme nalé, nde éngele Nti a zu kui nye nlô biyeyem a jô nye na: A Yôsep, mone David, te veʼele ko woñe ya nyoñe Marie, e minga wôé. Amu na, e mon a ye bialé be nye a ne ésaé Mfufube Nsisim. 21Ajô te a ye biaé Monafam, ô yôlé nye jôé na Yésus; amu a ye kôté ayoñe bôt éto minseme jap. 22Jame te ese e nga boban ane Nti a nga kobô anyu Nkulu Mejô na:

23Tame yen éndune ngone minga ja ye nyoñ abum a biaé monafam a ba ye yôlé nye jôé na: Emmanuel, nalé a tinane na: Zambe a ne a bia. 24Avee Yôsep a nga vee ôyo, nde a nga bo foʼo vʼane éngele Nti a nga bendé nye, ve nyoñe minga wé; 25a a nji yeme nye akekui a nga biaé monafam nyô a nga yôlé Yésus.

Currently Selected:

METIAS 1: BULU09

Highlight

Copy