MIMBOONE MINLÔMAN Mejô yʼatataʼa
Mejô yʼatataʼa
Kalate mimboone minlôman a ne nkañete, ataté nkeane yôp Yésus, a kui ntabane Paul e Rôm ane mone mimbôk. A kañete mame mevale mevale ya keké ya atataʼa. A kañete ényiñe Paul; nkatane Mbamba Foé; mmialane Mbamba Foé, ataté Yérusalém; nkoban a ntyiʼan ajô Paul e meba mejô.
Dulu Mbamba Foé a nga wulu: e kalate mimboone minlôman été, Mbamba Foé a taté kateban e Yérusalém (kapitel 2-5). A kalane Samari a Yudé (kapitel 8:1). Wôna, mvus éte, a kui Fénésie, Sipre a Siri (kapitel 11:19-22), a suʼulane kui Rôm (kapitel 28:14-31). Mbamba Foé a taté katebane Israél été, a suʼulane kalane be meyoñe bikuu, aval ane nkômbane Zambe ô mbe. Osimesane wu ñwô ô ne nlô éfia ya kalate Mimboone Minlôman (kapitel 1:8)
Bidoʼo bi mam bia yené été: kalate Mimboone Minlôman a liti mbamba éveʼela ya ényiñe fufulu bebuni e keké ya atataʼa. A liti fe nkandan ô ne zañe ñyebe Beyude a ñyebe Bekristen. Sañesañe ya ajô te a nga ke tyiʼi Yérusalém, e nsulaʼane betebe ôsu ya Keké. Vôm ate Yakob a yené ane mbii ntume ya ékôane te (kapitel 14:4-29). E ne na: ényiñ, saa amu mbaʼalane metiñ, ve amu mvame Nti Yésus (kapitel 15:9-11).
Eyoñe wo lañ, wo ye yene na a nga tiliban asu bebuni Yésus, mfaʼa ya yeʼele be a kômôtô be. A dañe liti éto mbunan ô bili, ajô ya yene ényiñe be Zambe, nselaʼane a ñyebe Beyude.
Enyiñe Paul, ntobane wé, nkôñelane nleme wé, ésaé jé ane nlômane ya meyoñe bikuu, ziñ, mewosan a ékpweʼele a tôbane bie, bia dañe yené abui e kalate Mimboone Minlôman.
Currently Selected:
MIMBOONE MINLÔMAN Mejô yʼatataʼa: BULU09
Highlight
Share
Copy
Want to have your highlights saved across all your devices? Sign up or sign in
© LʼAlliance Biblique du Cameroun, 2009