Sawal la giled’a 75
75
Alona ni ma ka sariya d’a d’ingêra
1Ni sawal la gile d’a Asaf mi hlat mi hat mi ma ngolâ hi suma hle sawalina.
2Ami nga gilengû, Alo mamina, ami nga gilengû,
kayam ang nga go ki sed’emiya.
Ami nga dami woi yam sun mang nga kal papad’a mi.
3Alona mi dala: Ata yima an ngama,
an mba ni ka sariya d’a irata.
4Andagad’a kahle suma kurutna pet a mba giged’a,
wani ni an ba ni sirat ad’ud’u.
Tchol ndjö
5An nga ni de mi suma a subur tazina ala: Agi suburugi tagi d’i.
An de mi suma asa’atna ala: Agi hlagi yagi akulo d’i.
6Agi hlagi yagi akulo d’i!
Agi dagi zlad’a ki subur tad’a d’uo mi.
7He ngola mi sanid’a nga d’i tcholï nabo ma yorogona,
d’oze abo ma fladegena, d’oze abo ma hur fulîna d’uo mi.
8Kayam Alona ni ma ka sariyad’a;
nga mi ge sana yam kä, nga mi hle sana yam akulo mi.
9Ma didina mi nga ki kop ma nga oîd’a kayî mamina abomu.
Ayî mama ni d’igi süm ma teteng
ma a gizeyêm kahle suma ayînina na.
Mi vom mi suma asa’at suma yam andagad’ina pet;
a tchum mbei ki damndjagam pet.
10Wani anu, an mba ni de woi
burâ ki burâ yam sun mang nga ang lata,
an mba ni hle sawala á gileng ang Alona hi Jakob-ma ala:
11Mam mba mi kus yam ad’enga hi suma asa’atnid’a,
mam mba mi he ngola mi suma d’ingêrâ mi.
Currently Selected:
Sawal la giled’a 75: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
