Zla d’a d’ogolâ 4
4
Ang ve ned’a, ang ngomot mi
1Grona, agi humugi hata habugid’a, agi tinigi humagi djivid’a á wäd’u ned’a mi. 2Kayam an nga ni dagi ni d’al ma djivina, agi noyôgi hat manda d’i. 3Adjeu an ni gor ma abun le kan heîna, an ni ma gor ma abo asun van tuna. 4Nga mi had’an mi dan ala: Ar ang ve zla manda kurungû, ang tit yam gat man nda tetenga. Hina wani, ang mba kak karid’a. 5Ar ang ve ned’a, ar ang ve wad’ud’a, ar ang mar yam zla d’a ndavunanda d’i, ang wal lei ki sed’et tuo mi. 6Ar ang noyôt tei d’i, mba d’i ngomongû; ang le kad’u, mba d’i ngeyeng yang kä. 7Wana nad’u tinda hi ned’id’a: Ang ve ned’a. Ang ve wad’ud’a avok ahlena pet suma ang nga ki na. 8Ang suburud’u, mba d’i hlang yang akulo. Le ang vat atang ped’ed’u ni, mba d’i mbut ni subur manga. 9Mba d’i tining avaval la djivid’a kangû, mba d’i d’ud’ung kadamul la djifâ kang mi.
Ang wal lei ki sunda hi suma asa’atnid’a
10Gorona, ang huma, ang ve zla manda. Hina wani, ang mba le bizad’a ablaud’a yam andagad’a. 11An had’ang lovota hi ned’id’a, an tining kur lovot ta d’ingêra. 12Le ang tid’a ni, aseng mba mi prengêl li; le ang ringâ ni, aseng mba mi ka azlard’eid’a d’uo mi. 13Ang ve hat manda, ang tchuk abong ngei atat ti; ang ngomod’u, kayam ndat nari manga. 14Ang tchila kur lovot ta gora hi suma asa’atnid’a d’i, ang tit kur lovota hi suma a le tchod’ina d’uo mi. 15Ang d’es sei kad’u, ang tit kur ri, ang hat azigangû, ang hle d’a dinga. 16Kayam le a le nga tchod’a d’uo ni, a nga bur sen ndi; le a b’lak nga sa d’uo ni, sen nga mi vazi d’uo mi. 17Kayam sun nda asa’ata ni te mazina, murud’umba ni süm mazi ma tched’a mi.
18Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na. 19Lovota hi suma asa’atnid’a ni d’igi nduvunda na; a nga we vama mi puguzi kä na d’i.
Tit ta bei gigetid’a
20Gorona, ang hum zla manda djiviya, ang tin humang hum zla man nda ded’a. 21Ar a wal lei ki sed’eng ngi, ang ngomozi kä kurung krovo dei. 22Kayam azi narid’a hi suma a fazina, a ni lafiya d’a yam hliwizid’a pet mi. 23Ang ngom djib’er ra kurung krovod’a kal ahle suma dingâ pet, kayam ni yima arid’a tcholï kuana. 24Ar ang d’el vunang yam zla d’a kad’a, ang d’elem á lop ira mi. 25Ang gol ir suma a nga avorongâ, ang tchok yang kä d’i. 26Ang djib’er yam lovot ta ang hlata, ang we lovot ta ang tit kuad’a woi tetet mi. 27Ar ang d’es sei abo ndjuf foze abo ma gula d’i. Ang hlaseng ngei ata yima tchona.
Currently Selected:
Zla d’a d’ogolâ 4: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
