1 Sunda Hamuleinid’a 9
9
1Israel-lâ pet a ndumuzi ad’u andjavazi ad’u andjavaziya, a b’irizi kä kur mbaktumba hamuleinid’a.
Suma a hulongî a kak avo Jerusalem-ma
Suma hi Juda-na a yozi a izi magomba avo Babilon, kayam tcho mazid’a.
2Suma a hulongî a kak avok kikidji kur yima a hazizi djonina ni Israel suma hawana, suma ngat buzuna, suma hi Levi-na ki suma Netin-na mi.
3Suma a mba kak Jerusalem-ma ni suma hi Juda-na, suma hi Benjamin-na, suma hi Efraim-ma ki suma hi Manase-na mi.
4-6Suma ad’u andjafâ hi Juda suma a kak Jerusalem-ma a ni 690.
Suma ad’u adesâ hi Peres ma Juda goromina ma ngol ma avorozina ni Utai. Utai ni Amihut goroma, ni Omri gorom ngolona; Imri nabum ngolo ma mbàna, Bani nabum ngolo ma hindina mi.
Suma ad’u adesâ hi Sela ma Juda goromina ma ngol ma vut avo’â ni Asaya zlapa ki groma.
Suma ad’u adesâ hi Zera ma Juda goromina ma ngol ma avorozina ni Jewel zlapa ki b’oziyoma.
7Suma hi Benjamin suma a kak Jerusalem-ma ba wana: Salu ni Mesulam gorom ma Hodaviya gorom ngolonina, Hasenuwa nabum ngolo ma mbàna; 8Jipneya ni Jeroham goroma; Ela ni Uzi gorom ma Mikri gorom ngolonina; Mesulam ni Sefatiya gorom ma Rewel gorom ngolonina, Jipniya nabum ngolo ma mbàna 9zlapa ki b’oziyozina. Azi pet ni suma avok sum mazinina. Andjafâ hi Benjamin-na pet ablawazi ni 956.
10-13Suma ngat buzu suma a kak Jerusalem-ma ba wana: Jedaya, Johojarip, Jakin, Azariya, Adaya, Masayi zlapa ki suma ngat buzu suma dingâ. Azariya abuyom ngolo ba wana: Hilkiya, Mesulam, Sadok, Merayot ki Ahitup ma ngol ma yam gong nga kud’ora hAlonid’ina mi. Adaya abuyom ngolo ba wana: Jeroham, Pasehur ki Malkiya. Masayi abuyom ngolo ba wana: Adiyel, Jazera, Mesulam, Mesilemit ki Imer. Azi ni suma avok sum mazinina, ablawazi ni 1760. Azi pet ni suma gangrang suma le sunda kur gong nga kud’ora hAlonid’ina.
14-16Suma hi Levi-na ni Semaya, Bakbakar, Heres, Galal, Mataniya, Obadiya ki Berekiya. Semaya abuyom ngolo ba wana: Hasup, Asrikam ki Hasabiya ma ad’u adesâ hi Merari-na. Mataniya abuyom ngolo ba wana: Mika, Zikri ki Asaf. Obadiya abuyom ngolo ba wana: Semaya, Galal ki Jedutun. Berekiya Asa gorom ma nga kaka kel huyok azì ma Netofa-nina, mi ni Elkana gorom ngolona.
17Suma a ngom vun agre’â hi gong nga kud’ora hAlonid’ina ba wana: Salum, Akup, Talmon ki Ahiman zlapa ki b’oziyozina. Salum ni ma ngol mazina. 18Nga mi ngom vun agrek ma abo ma yorogona hamulîna#9.18 vun agrek ma abo ma yorogona hamulîna: Nala, vun agrek ma amulâ mi kal ki kur gong nga kud’ora hAlonid’ina. gak ini. Azi ni suma ngom vun agre’â kur kangâ hi suma hi Levi-nina. 19Salum Kore goroma ni Abiyasaf gorom ngolona, Kore nabum ngolo ma mbàna zlapa ki b’oziyom suma dingâ, a tinizi á ngom vun zlub’u d’a ngaf tad’a d’igi abuyozi ngolo a ngom vun kangâ hi suma hi Ma didinina na. 20Fines Elazar goroma ni ma avogozi adjeuna, kayam Ma didina mi nga ki sed’emu. 21Zakari Meselemiya goroma mi nga aduk suma a ngom vun zlub’u d’a ngaf tad’ina mi.
22Suma a manazi á ngom vun agre’îna pet ni 212. A ndumuzi nad’u aziyazi aziyazi kad’u adezezi mi. Ni David azi ki ma djok vuna Samuel ba, a tin abuyozi ngolo kur sun ndata. 23Azi ni suma a ngom vun agre’â ki gong nga kud’ora hi Ma didinid’a kur atchogoi d’a lara ge petna.
24Abo yima fid’ina, suma ngom vun agre’â a nga tchola kua gagang, nala, abo ma yorogona, abo ma fladegena, abo ma norâ kabo ma sutna mi. 25B’oziyozi suma ding suma ngom vun agrek suma a nga kaka avo kur aziyazi aziyazina, a nga mba gevezi teteu á le sunda burâ kid’iziya kid’iziya. 26Kayam suma nglo suma fid’i suma a ngom vun agre’îna ni suma hi Levi-na, ni suma a nga ngom gongîyona teteng kahle suma ndjondjoî suma a nga kur gong nga kud’ora hAlonid’ina mi. 27A nga ngui huyok gong nga kud’ora hAlonid’a andjege, kayam azi nga ngomod’u, a nga malat tei yorogo burâ ki burâ mi.
28Suma hi Levi suma dingâ ni suma a tinizi á ndum ahle suma kur gong nga kud’ora hAlonid’a ata yima a buzuguzi woina, ata yima a hulongôzi klavina mi. 29Suma dingâ ni suma a tinizi á ngom ahle suma a le ki sunda ata yima a tinim iram vama kafut ta adiged’id’a, süm guguzlud’a, mbul olifâ, mbul ma his ma afufuîna ki mbul ma his djivid’a heîna mi. 30Suma ngat buzuna grozina ni suma a nga min mbul ma his djivid’a heîna.
31Sana hi Levi-na tu a yum ala Matitiya ni Salum ma ad’u andjafâ hi Kore-na gorom ma ngolâ, ni ma yam sun nda ge woîna. 32B’oziyozi suma ding suma ad’u andjafâ hi Kehat-na ni suma a nga ngom sun nda ndja avungônina, a nga minim kur bur ma sabat ma lara ge pet mi.
33Suma nglo suma avok suma hle sawala ni suma hi Levi-na, ni suma a nga kaka kur gongîyonina. Sun nda ding nga kazi á led’a d’i, kayam azi nga le sunda andjege ki faleya.
34Wana ni suma nglo suma avok suma hi Levi-na ad’u andjavazina, ni suma a kak avo Jerusalem-ma.
Suma hi Saul-lâ
(Gol 8.29-38)
35Jeyel ma gäd’u azì ma Gabawon-na, mi kak kur azì ma Gabawon máma, amamba a yat ala Mäka. 36Gorom ma ngolâ a yum ala Apdon. Suma kama ba wana: Sur, Kis, Bäl, Ner, Nadap, 37Gedor, Ahiyo, Zakari ki Miklot. 38Miklot mi vut Simeyam. Ni suma a kak ki b’oziyozina avo Jerusalem ad’u adezezina.
39Ner mi vut Kis, Kis mi vut Saul, Saul mi vut Jonatan, Malkisuwa, Abinadap ki Esbäl. 40Jonatan mi vut Merip-Bäl, Merip-Bäl mi vut Mika. 41Mika groma ba wana: Piton, Melek ki Tareya. 42Ahas mi vut Jara, Jara mi vut Alemet, Azimavet ki Zimri, Zimri mi vut Mosa, 43Mosa mi vut Bineya, Bineya mi vut Refaya, Refaya mi vut Elasa, Elasa mi vut Asel. 44Asel mi vut grona ni karagaya. Simiyêzi ba wana: Asrikam, Bokru, Ismael, Seyariya, Obadiya ki Hanan. Azi pet ni Asel groma.
Currently Selected:
1 Sunda Hamuleinid’a 9: BA
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.