1 Sunda Hamuleinid’a 5
5
Andjafâ hi Ruben-na
1Ruben Israel gorom ma ngolâ groma ba wana: Kayam Ruben ni gor ma ngolâ, wani kid’a mi bur katchad’a habumid’a, ahle suma ngad’a kam yam ngol mambina a hazi woi mi Josef ma Israel goromina groma. Ni hina ba, a b’ir nga simiyê Ruben ngad’a yam ngol mamba d’uo ni na. 2Juda ni ma gangrangâ aduk b’oziyoma, nad’u andjavam ba, amulâ mi nde kua. Wan pî, ngola a hat ni mandjafâ hi Josef-fâ.
3Ruben Israel gorom ma ngolâ groma ba wana: Enok, Palu, Hesron ki Karmi.
4Andjafâ hi Joel-lâ ba wana: Joel mi vut Semaya, Semaya mi vut Gok, Gok mi vut Simei, 5Simei mi vut Mika, Mika mi vut Reyaya, Reyaya mi vut Bäl, 6Bäl mi vut Bera. Bera ni ma Tiglat-Pileser amul ma Asiri-na mi vum magombina, kayam mam mi ma avok suma hi Ruben-nina.
7Bera simiyêm suma nglo suma avok adezezina, a b’irizi simiyêzi kä kur mbaktumba mi. Ma avo’â ni Jeyel. Bugola, mba ki Zakari, 8ki Bela Azas gorom ma Sema gorom ngolonina. Joel nabum ngolo ma mbàna. Suma hi Ruben-na a nga ni kaka yam andaga d’a Arower-ra abo ma sutna gak mba yam ahina d’a Nebo-d’a kazì ma Bäl-Meyon ma abo ma norîna. 9Abo ma yorogona a kak kua gak i avun hur ful ma wal ir ambas mazid’a woi kalum ma Efrat-nina, kayam a nga ki d’uwarâ ablaud’a heî yam ambas sa Galät ndata. 10Kur atchogoid’a hi Saul-la a dur ayîna ki suma Hagar-râ, a kuzuzi vunazi ad’uziya. Bugola, a kak ata yi mazina abo ma yorogona hi Galät-na pet mi.
Andjafâ hi Gad-na
11Suma hi Gad-na a ka’î ngagad’a avorozi d’ar yam ambas sa Basan-nda gak a mba Salka. 12Joel ni ma avo’â, Safam ni ma kama. Bugola, a mba ki Janai azi ki Sefat yam ambas sa Basan ndata.
13B’oziyozi suma dingâ a nga ad’u adezezi mi. Azi ni Mikayel, Mesulam, Seba, Jorai, Jakan, Ziya ki Eber. Azi pet ni kid’iziya. 14Suma a gäd’u ades mazi ma teteng mámina ni Abisayil groma. Abuyozi ngolo ni Huri, Jarowa, Galät, Mikayel, Jesisai, Jado ki Bus. 15Ahi Apdiyel gorom ma Guni gorom ngolonina ni ma avok adezezi ma teteng mámina. 16Azi ka’î Galät yam ambas sa Basan-nda kur azì ma nglona ki ma gurei ma nguyuma ki yima ngui Saron-na gak i avun haga mazid’a.
17A b’irizi simiyêzi kä pet kur atchogoid’a hi Jotam amul ma Juda-na katchogoid’a hi Jerobowam amul ma Israel-lîd’a mi.
18Ades suma hi Ruben-na ki suma hi Gad-na kabo andjafâ hi Manase-na, ablawazi ni d’igi 44.760 na. Azi pet ni suma gangrang suma a had’azina, ni suma a ndak á dur ki mbareid’a ki mbigeu d’a fiyaka d’oze ki yeûd’a suma a ndak á tchol zak á i durîna. 19Azi dur ayîna ki suma Hagar-râ, andjafâ hi Jetur-râ, andjafâ hi Nafis-sâ kandjafâ hi Nodap-ma mi. 20A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu. 21A yo d’uwar mazina, nala, djambala 50.000, tumiyôna 200.000 ki korona 2000, a yo suma 100.000 mi. 22A tchi suma kua ablaud’a heî, kayam ayî máma mi tcholï nata Alona. A vrak kaka blangâzi gak mba kur atchogoi d’a a yozi magombid’a.
Abo andjafâ hi Manase ma nga avun alum ma Jurdê-nina
23Abo andjafâ hi Manase-na tu, mi mba mi kak yam ambas sa nga aduk Basan abo ma sutnid’a, ki Bäl-Hermon, Senir ki Hermon abo ma norâ. Sum mazina a ablaud’a heî. 24Wana ni suma nglo suma avok adezezina: Efer, Jisei, Eliyel, Asriyel, Jeremi, Hodaviya ki Jadiyel. Ni suma gangrang suma avok ades mazinina, ni suma simiyêzi mi nde yinina mi. 25Wani a le tchod’a kAlona habuyozina, a mbut tazi gaulangâ ki fileina hi suma yam ambasa ma Alona mi dabam tod’a woi avorozina. 26Alona hi Israel-lîna mi zut amulei suma Asiri-na, Pul ki Tiglat-Pileser, a yo suma hi Ruben-na, suma hi Gad-na kabo andjafâ hi Manase-na hurumba, a izi Hala, Habor, Hara kavun alum ma Gozan-na, a ar sä kaka kua gak ini.
Currently Selected:
1 Sunda Hamuleinid’a 5: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.