1 TIMOTEO 4

1Pero Espíritu Santo nna runie declarar qui'ni ca tsá nu chì' da'la nna ttu te ca enne' nna labiru guni cą seguir la' ríalatsi' lígania nu ná qui'ni tsía latsi' ri'u, sino guni la cą seguir ca enseñanza beỹia nu riquixá'a adí ca enne' canu tse'e cą bajo poder qui' ca espíritu malo. 2Quixá'a cą ca enseñanza beỹia nna gulue' ti'átsi ná cą enne' tsè' pero beỹia la ná cą, labiru cca cą sentir qui'ni ná cą culpable por ca cosa mal nu runi cą, anía modo nna rulue'ní qui'ni runi la cą Satanás servir. 3Lacą nna quixá'a hua cą qui'ni ttu nubeyu' nna ná qui'ni thua ttu báą tulidàba, ą'hua qui'ni ná tul·la' canchu go ri'u iyaba nu ná alimento para ri'u, pues Tata Dios nna benie iyaba cą para go ri'u cą después de ttu oración para hué' ri'u e gracias nna, ri'u canu ría latsi' nna chi nabiá'ni ri'u nu ná lí. 4Pues iyaba ca cosa nu dacca' para go ba ri'u nna ną́ tsè' para go ri'u cą, porqui'ni Tata Dios nna benie iyaba cą, labí ná qui'ni làa go ri'u cą, sino ná qui'ni gá la ri'u Tata Dios quiỹarú cuią'lu' nna go ri'u ą. 5Porqui'ni por medio de ca titsa' nu chi gunne Tata Dios, ą'hua por oración nu runi ri'u nna, ą' modo nna yù ri'u qui'ni náą tsè' ru'a lúe para go ri'u ą. 6Canchu quixá'ani lu' ca bettsi' lu' ca titsi'į nna, ą' modo nna gulue'ní qui'ni ná lu' ttu obrero tse' qui' Cristo Jesús nna, ttu obrero nu yùą ti'iỹa modo cca alimentar espíritu qui' la'a labį por medio de titsa' lí nu ná qui'ni tsía latsi' ri'u, conforme lani ca enseñanza lígani nu chì runi lu' seguir. 7Hué' lu' cuidado qui'ni là gudà naga' lu' ca cuento nu labí riỹu' cą para la' dàliani qui' Tata Dios, porqui'ni labí lini cą. Guni la lu' iyaba nu dacca' para gappa lu' adí fuerza la' labani espiritual qui' lu', para qui'ni tanó lu' Tata Dios adí tsè'. 8Iyaba ejercício nu runi ri'u para fuerza qui' cuerpo qui' ri'u nna hua ná tsè' qui'ni guni ri'u ą. Pero adiru tsè' ná qui'ni guni ri'u nu gunna adí fuerza para espíritu qui' ri'u, porqui'ni nùi nna dacca'ą alàa lateruba miéntraste tse'e ri'u le' yétsiloyuį sino dacca' huáą para attu la' labània. 9Hua yúa' qui'ni riquixa'a' titsa' lí para tsía latsi' iyaba ca enne' sin qui'ni gudu chuppanią cą. 10Acca yala duel·la' runi tu' para quixá'ani tu' ca enne' titsa' quì'e ą'hua ruchia tu' ca enne' canu ruduadí' cą intu', porqui'ni ga'na tu' seguro qui'ni Tata Dios née enne' bani nna te la' huacca quì'e para gudilèe iyábani ca enne' le' ca tul·la' qui' quį canchu ría latsi' quį ne. 11Dàni lu' equixá'ani lu' ca enne' ca cosį nna gá lu' cą qui'ni guni cą na. 12Masqui'ba ná lu' cuiti' pero bittu gute lu' neda para qui'ni quiniyú cą lu', sino guni lu' nu ná tsè' ti'ba ná qui'ni guni ca enne' ría latsi', por ejemplo: hué' lu' cuidado ti'iỹa hué' lu' titsa' ą'hua ti'iỹa thúa lu' lani ca enne', ą'hua dàni lu' gulue' lu' qui'ni te la' tsi'ilatsi' lo losto' lu' tì'a dàni ttu nu ría latsi' gunią, ą'hua qui'ni rappa lu' confianza Tata Dios tulidàba, ą'hua bittu guni lu' biỹa cosa nu runi qui'ni cca manchar la' labani qui' lu'. 13Lacca'te ccá quia' itá', calátsa'a' qui'ni hue'el·la' latsi' lu' gul·la lu' nu ra lo Escritura lani ca enne', ą'hua qui'ni egú'u lu' neda ca enne' nna quixá'ani lu' cą biỹa nua ra tìtsa'a. 14Bittu iỹùl·lani lu' poder nu benna Espíritu Santo qui' lu' para equixá'a lu' biỹa nua ra titsa' qui' Tata Dios, sino uquìna' lu' ą porqui'ni beni lu' ą recibir loti' ttu chuppa ca hermano nna gutixà'a cą nu cca qui' lu' por la' riyeni nu benna Tata Dios qui' quį, ą'hua loti' betsìa ná' ca anciánua iqquia lu'. 15Lu' nna beni tulidàba lani itute fuerza qui' lu' iyaba nu rinénia' lu', laniana ennia iyaba ca enne' cuenta qui'ni hua lígani ridète' tse' lu' ca cosa espiritual. 16Bè' cuidado qui'ni làa guni lu' biỹa cosa mal, ą'hua qui'ni equixá'ani lu' ca enne' conforme lani consejo nu nia' lu'. Be'èl·la' latsi' lu' tulidàba para guni lu' nu níyi'į, anía modo nna gudilà lu' la'a lu' ba, ą'hua canu rudà naga quį qui' lu' nna.

Currently Selected:

1 TIMOTEO 4: zaa

Highlight

Copy