Salmos 8
8
Salmo 8
Sukan káxtnu'u Su'si ma jayiñu'u ya ma te ndí ini ya ja ndákua'a tna ya jayiñu'u ñayii ma
1Su'si maa sa, Iya Tátnuni, vii xeen kúu ja nani ni a,
te ja kanuu xeen kúu ni‑ka'nu ñuu ñayivi a.
Onde andivi ma, onde sukun‑ka ma iyo jayiñu'u ni,
vaa sukan ni kuni ni.
2Ja kuechi ñayii ñatuu ka kunimani nuu ni ma,
te ni sa'a ni ja suchi kuechi ma, ji'in lulu suchi ka jaxi‑ka ma,
ka ndachiñu'u ña'a i maa ni, vi Su'si.
Te sukan, te sa'a ni ja jin kasiyu'u
ñayii ñatuu ka kunimani nuu ni ma,
ji'in ñayii ñatuu ka sa'a sukan tátnuni ni ma.
3Te ora nde'ya sa andivi ma te jini sa yoo ma,
tiuxini ma, ndaka ja ni sa'a maa ni ma,
4te jani ini sa: ¿Nawa kúu ñayii ma, ja ndáka'an ni i?
¿Te nawa kúu sa'ya tata ñayii ma, ja chíndee ni i?
5Te ni sa'a ni ja jaku‑ni kivi ka ndanuu‑ka ángel ma sana ñayii ma,
te ni wa'a ni in corona, te vivii ni wa'a ni jayiñu'u ñayii ma,
6te ni sunkani ni i ja jin ko koto i
ndaka ja ni sa'a ni ji'in nda'a ni a.
Te ndaka kiti ma ni xndoo ni ja jin tatnuni i nuu ti,
7ka kuu ndikachi ma, xndiki ma, ndaka kiti ka iyo yuku ma,
8ji'in lasaa ka ndava ichi andivi a,
ji'in tiaka ka ñu'u nuu mar ma,
ji'in ndaka kiti kuan koo ve koo ini mar ma,
te nuu ndaka ti tátnuni i.
9Su'si maa sa, Iya Tátnuni, vii xeen kúu ja nani ni a,
te ja kanuu xeen kúu ni‑ka'nu ñuu ñayivi a.
Currently Selected:
Salmos 8: xtm
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
