1 Tes 3
3
1Na, ‑a mino 'tanɩa 'lɛ ‑bɛlɩɛ na. ‑A ya 'lɩ lebhe ɩ nanɩa lebhe ‑anyɩ bhlobhlo ‑a ‑toa Atɛnɩdua 'kʋ. 2'Nyɩ ‑a ya 'lɛ ‑a bholi Timoti, ‑ɔ ‑glɩ 'lɛ Laagɔ 'la lobholinʋnyɔ Klisi 'la Dɩnanɩa* 'la pliciea nɩkplaan na, anyɩ 'bhlɩ lobhu, le ɔ 'ka anyɩ 'tɛtɩɩn zʋ ɩya ɔ 'ka ala pɔɔtɛtɛa 'kʋzʋlʋ. 3Ɩya anyɩ sidiin nclɔɔ bhlogbɩɩ 'la ka ɔcɩ 'cintalɩ ɩya gbɩɩnclalɩɛa -ɩ ŋeni 'lɛ ‑anyɩ na, ɩ 'la kɔɔ 'nyɛkɛ 'kɔtɔ. Anyɩ 'titi a ‑ci sɛɛ lebhe ɩmɩ ‑glɩ 'lɛ ‑ala da. 4Daa ‑a ‑kʋa 'lɛ anyɩ 'bhlɩ na, ‑a ya anyɩ flɩɩnzʋ lebhe ma cɩ 'ka ‑anyɩ gbaylɩ ‑sa. Ɩmɩ ŋeni 'lɛ, anyɩ 'titi a ‑ci sɛɛ. 5Na, 'n mino 'tanɩa 'lɛ na, dɛ n lobhu 'lɛ Timoti ɩya ‑a ka cibhlili ɩ ‑ka ‑kʋ lebhe, a -ka ka ‑azla pɔɔtɛtɛ na. Sa n 'taa ‑wa lebhe Gbɩɩnclanyɔa fa anyɩ gbɩɩnclalɩɛɛn ɩya lobholia ‑a nʋnʋ 'lɛ anyɩ sidiin na, 'ka ‑gbɩɔ.
6‑Ma ‑pɔtɔnʋ, Timoti ya a 'bhlɩ 'wlʋ, ɔ ya ci. 'Nyɩ ɔ ya ‑anyɩ ala pɔɔtɛtɛa ɩya ala ‑walʋa 'la dɩnanɩ ‑sa. Ɔ ya ‑anyɩ 'cla lebhe a gugu ‑ala wɔlɩ clɩɩa 'fɩan, ɩ mɛnɩ anyɩ pɔlɛ 'kʋ 'nyɩ a ‑wa lebhe a 'ka anyɩ 'ciinlɩ saa ‑anyɩ ‑ma ‑a ‑wa 'lɛ lebhe ‑a ka anyɩ 'ciinlɩ na. 7Na bholiecɩnyɩ, ‑ala 'kwlɩbhɩɛ ɩya ‑ala gbɩɩnclalɩɛ 'fɩan sidiin, ‑a ya pɔlɛɛnzʋlɩɛ 'lɩ ala pɔɔtɛtɛa 'la gbʋ. 8‑A yanɩ ‑pɔtɔnʋ jabha sa ‑a ‑cinɩ sɛɛ lebhe a 'nylugo kpaan ‑Kwlenyɔ nɩkplaan. 9‑A ‑ka Laagɔ ‑deliin 'kʋ, pɔlɛkʋmɛnɔa 'fɩan ‑ʋ ‑kʋ 'lɛ ‑anyɩ pɔlɛɛn ala gbʋ na, bhɔlʋɛ saa 'titi ‑a cɩ 'tɔɔ 'lɛ bhɔlʋ bha? 10Zezezeliin ɩya bhlibhliylʋʋn, ‑a bhibhieo ‑gbɔɔn le, ɔ gba ɩya ‑a ka ‑awlɛ anyɩ 'ciinlɩ ɩya ‑a ka ‑awlɛ anyɩ ɩmɩa a 'ta 'lɛ ‑ci na ca ɩya ala pɔɔtɛtɛa 'ka kpaan 'plɩ.
11'Naa ‑a To Laagɔ 'titi ɩya ‑ala ‑Kwlenyɔ Zozii 'nyɩ ‑anyɩ ‑gugwie ɩya ‑a ka anyɩ 'bhlɩ ci. 12'Naa ‑Kwlenyɔa gba ɩya ‑walʋa a ‑wawalɩ 'lɛ ɩya ‑walʋa ‑a ‑wa 'lɛ ncɛlɩa 'fɩan na, zʋlʋzʋlʋ 'kʋ le saa ‑a wa 'lɛ anyɩ na. 13'Naa ɔ 'nyɩ anyɩ 'tɛtɩ ɩya ala pɔlɩa 'ka ‑kplɔ ɩya ma 'la ka anyɩ 'gesalɩda 'lɩ ‑a To Laagɔ 'ci 'kʋ, daa ‑ala ‑Kwlenyɔ Zozii ɩya maa 'fɩan, ‑ɔ ‑glɩ 'lɛ ɔ 'nʋa na cɩ 'ka 'lɛ ci na. Ɩ kʋ sɛɛ!
Currently Selected:
1 Tes 3: NTLD13
Highlight
Share
Copy
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
