Mateu 1
1
Lusika lwa Jesu
(Luk 3.23-38)
1Wo, ki ona mukoloko wa lusika lwa Jesu Kreste, ya n'a simuluhile ku Davida wa lusika lwa Abrahama.
2Abrahama a pepa Isaka, Isaka a pepa Jakobo, mi Jakobo a pepa Juda ni banyani ba hae. 3Juda a pepa Faresi ni Zara. M'a bona ne li Tamare. Faresi a pepa Esromi, mi Esromi a pepa Arami. 4Arami a pepa Aminadabi, Aminadabi a pepa Naasoni, mi Naasoni a pepa Salumoni. 5Salumoni a pepa Boazi. M'ahe ne li Rahaba. Boazi a pepa Obedi. Ruti ne li yena m'ahe. Obedi a pepa Jese. 6Jese, yena, a pepa Mulena Davida.
Davida a pepa Salumoni. M'ahe n'a kile a ba musal'a Uria. 7Salumoni a pepa Roboami, Roboami a pepa Abia, mi Abia a pepa Asa. 8Asa a pepa Josafati, Josafati a pepa Jorami, mi Jorami a pepa Oziasi. 9Oziasi a pepa Jotami, Jotami a pepa Akazi, mi Akazi a pepa Ezekiasi. 10Ezekiasi a pepa Manase, Manase a pepa Amoni, mi Amoni a pepa Josiasi. 11#2 Male 24.14-15; 2 Lita 36.10; Jer 27.20 Josiasi a pepa Jekonia ni banyani ba hae, nako yeo Maisilaele ha ba iswa kwa Babilona.
12Maisilaele ha ba se ba isizwe kwa Babilona, Jekonia a pepa Salatiele, mi Salatiele a pepa Zorobabele. 13Zorobabele a pepa Abiudi, Abiudi a pepa Eliakimi, mi Eliakimi a pepa Azoro. 14Azoro a pepa Sadoki, Sadoki a pepa Akimi, mi Akimi a pepa Eliudi. 15Eliudi a pepa Eliazare, Eliazare a pepa Matani, mi Matani a pepa Jakobo. 16Jakobo a pepa Josefa munn'a Maria, yena m'ahe Jesu ya bizwa Mesia.
17Cwale, ku na ni masika a lishumi ka a mane a bashemi ni bana ku zwa ku Abrahama ku t'o fita ku Davida, a lishumi ka a mane hape ku zwa ku Davida ku fita ku yona nako yeo Maisilaele ha ba iswa kwa Babilona, ni a lishumi ka a mane ku zwa fo ku t'o fita kwa nako ya ku pepwa kwa Mesia.
Ku pepwa kwa Jesu Kreste
(Luk 2.1-7)
18 #
Luk 1.27
Ku pepwa kwa Jesu Kreste ku tile ka mukwa wo. Maria, m'ahe, n'a beelelizwe ki Josefa. Pili ba si ka nyalana kale, a ipumana kuli u s'a itwezi, ili ka maata a Moya o Kenile. 19Josefa, ya n'a mu beelelize, ne li mutu ya n'a lukile, mi n'a sa lati ku swabisa Maria fapil'a batu. Cwale a lela ku kauhana ni yena, batu ba sa zibi. 20Ha n'a sa nahana zeo, lingeloi la Mulena la taha ku yena kwa buloko, mi la li, “Josefa, mwan'a Davida, u si ke wa saba ku ikungela Maria, kuli a be musal'a hao, kakuli h'a itwezi ki ka maata a Moya o Kenile. 21#Litu 46.1; Luk 1.31 U ka pepa mwana wa mushimani mi wena u ka mu beya libizo la Jesu, kakuli u ka pilisa sicaba sa hae kwa libi za bona.”
22Zeo kaufela za ezahala kuli ku talelezwe ze ne bulezwi ki Mulena ka mupolofita, ha n'a ize, 23#Isa 7.14 “Kalibe u ta itwala, mi u ta pepa mwana wa mushimani ya ta bizwa Emanuele,” kikuli Mulimu u na ni luna.
24Cwale Josefa ha s'a pasumuka, a eza sina mw'a n'a bulelezwi ki lingeloi la Mulena, mi a nyala Maria. 25#Luk 2.21 Kono n'a si ka kopana ni yena ha ku pepwa mwan'a hae wa mushimani, mi Josefa a mu beya libizo la Jesu.
Currently Selected:
Mateu 1: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
