Maheberu 11
11
Tumelo
1Ku ba ni tumelo ki ku sepa ka ku tiya ze lu libelezi ni ku kolwa ze sa bonwi. 2#Litu 44.10—50.21; 1 Mak 2.51-64 Kikabakala tumelo ya bona baikale ha ba lumelezwi ki Mulimu.
3 #
Sim 1.1; Lipi 33.6, 9; Joa 1.3 Ki ka tumelo ha lu utwisisa kuli ze bupilwe kaufela li ezizwe ka linzwi la Mulimu, ili kuli ze lu bona, li ezizwe ka ze lu sa koni ku bona.
4 #
Sim 4.3-10
I n'e li tumelo ye ezize kuli Abele a ise sitabelo se sinde ku fita sa Kaine. Ki ka tumelo ya hae Mulimu h'a mu talimile ili mutu ya lukile, kakuli Mulimu kasibili u lumezi limpo za hae. Kabakala tumelo ya hae, Abele u sa bulela nih'a shwile.
5 #
Sim 5.21-24;
Litu 44.16
Ka tumelo Enoke h'a si ka shwa, kono a nanulelwa kwa lihalimu ku Mulimu, mi ha ku na mutu ya konile ku mu fumana, kakuli Mulimu n'a mu isize kwa lihalimu. Mañolo a bulela cwana kuli Enoke, h'a si ka ngiwa kale, n'a tabisize Mulimu. 6Ha ku na mutu ya ka tabisa Mulimu a si na tumelo. Kakuli ya taha ku Mulimu, u swanezi ku lumela kuli Mulimu u teñi, ni kuli u fa mupuzo ku ba ba mu bata.
7 #
Sim 6.13-22
Ki ka tumelo Nuwe h'a utwile litemuso za Mulimu bakeñisa lika ze ne ka tuha li ezahala ni z'a n'a sa koni ku bona. A mamela litaelo za Mulimu, mi a yaha Aleka mw'a pilezi yena ni lubasi lwa hae kaufela. Ka mukwa wo, a atula lifasi mi, ka tumelo, a ba ya lukile fapil'a Mulimu.
8 #
Sim 12.1-5
I n'e li tumelo ye lumelisize Abrahama, h'a bizwa ki Mulimu, mi a ya kwa naha y'a bizwa ki Mulimu, mi a ya kwa naha y'a n'a mu sepisize Mulimu kuli u ta mu fa yona. A zwa mwa naha ya habo a sa zibi kw'a ya. 9#Sim 35.27 Ka tumelo a y'o pila mwa naha y'a n'a mu sepisize Mulimu, inge ki muzwahule. A pila mwa matende ni Isaka ni Jakobo ba ba ne ba filwe lisepiso ze swana ki Mulimu. 10Niti kikuli Abrahama n'a litezi munzi o lalilwe ni ku tomwa ki Mulimu, ili munzi wa mutomo o tiile.
11 #
Sim 18.11-14; 21.2 Ki tumelo ye konisize Abrahama ku ba mushemi, niha n'a s'a supezi hahulu, ni yena Sara niha n'a si na lupepo. A sepa kuli Mulimu u ta buluka sepiso ya hae. 12#Sim 15.5; 22.17; 32.12 Niha n'a s'a baliwa kuli u shwile, ku zwile ku munna a li muñwi yo lusika lo luñata-ñata inge linaleli za kwahalimu, ni mushabati o' sa baliwi, o' fa likamba la liwate.
13 #
Sim 23.4; 1 Lita 29.15; Lipi 39.12 Batu bao kaufela ba shwezi mwa tumelo. Ha ba si ka amuhela ze ne ba sepisizwe ki Mulimu, kono ba li bonezi kwahule ba nze ba tabile, mi ba bulela patalaza kuli ne ba li bazwahule ni bakozi mwa lifasi. 14Ba ba bulela litaba ze cwalo, ba bonisa hande kuli ba sa bata naha ye li ya bona. 15Mihupulo ya bona ha i si ka kutela mwa naha ye ne ba zwile ku yona. Kabesicwalo, kabe ba bile ni nako ya ku kuta. 16Niti kikuli ne ba shukezi naha ye nde ku fita, ili naha ye kwa lihalimu. Kabakaleo, Mulimu h'a swabi ha ba mu biza Mulimu wa bona, kakuli u s'a ba lukiselize munzi.
17 #
Sim 22.1-14
I n'e li tumelo ye ezisize Abrahama sitabelo ka mwan'a hae Isaka, Mulimu h'a mu lika. Ki yena Abrahama kasibili ya n'a sepisizwe ki Mulimu, kono nihakulicwalo n'a itukiselize ku eza sitabelo ka mwan'a hae a li muñwi feela. 18#Sim 21.12 Mulimu n'a ize ku yena, “Ki ka Isaka kuli u ta fumana lusika.” 19Abrahama a hupula kuli Mulimu n'a kona ku zusa mwan'a hae kwa bafu, mi Isaka a kutisezwa ku yena, ka mukwa o batil'o swana ni wa ku zuha kwa bafu.
20 #
Sim 27.27-29, 39-40 Ki ka tumelo Isaka h'a sepisize Jakobo ni Isau matohonolo bakeñisa bupilo bwa bona bwa kwapili.
21 #
Sim 47.31—48.20
Ki ka tumelo Jakobo h'a tohonolofalize yo muñwi ni yo muñwi wa bana ba Josefa, a si ka shwa kale. A sikatela fa lutaa lwa hae, mi a lapela Mulimu.
22 #
Sim 50.24-25; Mut 13.19 Ki ka tumelo Josefa h'a bulela ka ku tuta kwa Maisilaele mwa Egepita, ha s'a li fakaufi ni ku shwa, mi a siya litaelo ka mo ku ta bulukelwa situpu sa hae.
23 #
Mut 2.2; 1.22 Ki ka tumelo bashemi ba Mushe ha ba mu patile likweli ze talu a sa z'o pepwa. Ba bona kuli ne li mwana yo munde hahulu, mi ha ba si ka saba ku hanyeza taelo ya mulena.
24 #
Mut 2.10-12
Ki ka tumelo Mushe h'a hanile ku bizwa muikulu wa Faro ha s'a hulile. 25A iketela ku nyanda ni sicaba sa Mulimu bakeñisa ku ikola nakonyana minyaka ya sibi. 26A nahana kuli ku shubaulwa kabakala Mesia ki ko kutuna hahulu ku fita bufumu bwa mwa Egepita, kakuli meeto a hae n'a talimezi mupuzo o n'o sa taha kwa pili.
27 #
Mut 2.15
Ki tumelo ye zwisize Mushe mwa Egepita a sa sabi ku nyema kwa mulena. H'a si ka kutela mwamulaho, inge n'a bona Mulimu ya s'a bonwi. 28#Mut 12.21-30 Ki tumelo ye mu ezisize Paseka, ni ku laela kuli mali a sasiwe fa minyako, lingeloi la lifu li si ke la kena ku t'o bulaya baeli ba Maisilaele.
29 #
Mut 14.21-31
Ki tumelo ye konisize Maisilaele ku sila Liwate le Lifubelu, inge fo ku omile. Kanti Maegepita, ha ba li ba ba likanyisa, ba mina kaufel'a bona.
30 #
Josh 6.12-21
Ki tumelo ye wisize mamota a Jeriko, Maisilaele ha ba se ba u potolohile mazazi a supile. 31#Josh 2.1-21; 6.22-25 Ki tumelo ye pilisize Rahaba wa lihule. H'a si ka shwa ni ba ba ne ba hanyeza Mulimu, kakuli n'a amuhezi hande matwela.
32 #
Baat 6.11—8.32; 4.6—5.31; 13.2—16.31; 11.1—12.7; 1 Sam 16.1—1 Male 2.11; 1 Sam 1.1—25.1 Kana ni ka zwelapili? Ha ni sa na nako ya ku bulela ka bo Gidoni, ni Baraki, ni Samisoni, ni Jafita, ni Davida, ni Samuele, ni bapolofita. 33#Dan 6.1-27 Ka tumelo ba hapile manaha, ba ezize se si lukile, mi ba fumani s'a n'a sepisize Mulimu. Ba kwalile milomo ya litau. 34#Dan 3.1-30 Ba timile mililo ye sabisa, mi ba bandukile kwa ku bulaiwa ka malumo. Ba ne ba si na maata, kono ba tiya. Ba ba lindume mwa lindwa, mi ba tula makolo a bazwahule. 35#1 Male 17.17-24; 2 Male 4.25-37; 2 Mak 6.18—7.42 Ka tumelo basali ba zusezwa bafu ba bona.
Ba bañwi ba bulaiwa ka ku nyandiswa. Ba hana ku fumana tukuluho, ili kuli ba zuhele bupilo bo bunde ku fita. 36#1 Male 22.26-27; 2 Lita 18.25-26; Jer 20.2; 37.15; 38.6 Ba bañwi hape ba sheununwa ni ku natiwa, mi ba bañwi ba tamiwa ni ku kenywa mwa litolongo. 37#2 Lita 24.21 Ba pobaulwa ka macwe, ba sahiwa likalulo ze peli, mi ba bulaiwa ka sabule. Ba zamaya ba tinile matalo a lingu ni a lipuli, ili babotana ba ba zumiwa, ba ba nyandiswa. 38Lifasi ne li sa ba swaneli batu bao! Ne ba yambaela mwa naheñi ni mwa mahaha ni misima.
39Batu bao kaufela ba pakilwe hande ka tumelo ya bona. Kono nihakulicwalo ha ba si ka fumana s'a n'a sepisize Mulimu. 40Niti kikuli Mulimu, ka ku hupula luna, n'a na ni mulelo o munde ku fita, ili kuli ba si ke ba fumana mbuyoti ya bupilo sakata, luna lu siyo kwateñi.
Currently Selected:
Maheberu 11: Lozi09
Highlight
Share
Copy
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
